SAAM HLABU 65
Lungawinak Thangòhatnakd David Ih Phuahmi Hla
1 Maw Pathian, Zion ah
kan lo thangòhat dingih,
Kan thukammi cu kan kimter ding;
2 Mi thlacam na theih sak ruangah.
An sualnak a tam ruangah
khuazakip in,
3 mi tampi na hnenah an ra ding.
Kan sualnak in, in neh òheu nain,
nangmah in, in tlengfai sak òheu.
4 Nangmah ih na hrilmi pawl cu
mi lungawi an si;
Na hmun thianghlim ih
na umter mi tla mi lungawi an si.
Na inn ih thil òha le na Biakinn
thianghlim ih thluasuahnak in
5 Thil mangbang maksak tuah
tahrat in, in run let ih in run.
Leilung khuazakip le tipi ral ih
minung khalin nang an lo rinsan.
6 Na cahnak in tlang pawl cu
na toh ih,
Cuticun na huham na langter.
7 Tifinriat awn thawm le tisuar
thawmvang pawl na daihter ih,
Mi tampi ih awn au thawm khal
Nangmah in na daiter a si.
8 Thil maksak pawl na tuah ruangah,
Leilung pumpi in an lo òih.
Na thil tuahmi ruangah
lungawi aunak thawm cu,
Leilung khatlam dengin
khatlam deng tiang
9 Leiram na duh ruangah
ruah na surter,
Leiram òha le leiram thlum al ah na tuah.
Na tuahmi tiva pawl cu an car dah lo ih,
Lei parah lo rawl an òoter.
Cutluk fel in thil na tuah.
10 Leileh mi ah ruah tampi na surter ih
tidai in na ciarter.
Leilung cu ruahti in na nemter,
Cule thlaikho pawl na òhanter.
11 Na òhatnak in ziangtluk
rawl tam so a suahter!
Na fehnak kipah ziang hmuahhmuah
duhzat in a um.
12 Hramhring lakah cun òilva an khat;
Tlangtluan pawl cu lungawinak in
an khat.
13 Lenkolh hmuahhmuah cu
tuurual in an khat ih,
Phairawn pawl cu sangvut in
a khat thluh.
Lungawi in an au ih hmunkhat ah
hla an sak.