SAAM HLABU 108
Bomnak Hrang Thlacamc David Ih Phuahmi Hla
(Saam 57:7-11; 60:5-12)
1 Maw Pathian, ka thinlung zate in
ka lo rinsan.
Hla in ka lo thangòhat ding;
Maw ka thlarau, òhang thlang aw!
2 Ka òingòang le ka phirivau
pawl tho thlang uh!
Ni ka òhangphawk ding!
3 Maw Bawipa,
miphun tampi lakah
ka lo lawm ding.
Minung tampi lakah
ka lo cawimawi ding.
4 A hmunmi na duhdawtnak
vancung a thleng;
Rin tlak na sinak in van a dai.
5 Maw Pathian, na maksaknak cu,
van ahkhin langter aw;
Na sunlawinak huham cu,
Leilung pumpuluk ah langter aw.
6 Na cahnak in, in run aw;
Na duhdawtmi na minung pawl
an luatnak dingah,
Ka thlacamnak in let hram aw.
7 A hmun thianghlim sung ihsin
Pathian in, “Lungawi zet in Shekhem
cu ka òhenòhek ding;
Sukkoth phairawn cu
ka miphun hnenah ka zem ding.
8 Gilead cu ka ta a si;
Manasseh khal ka ta a si.
Efraim cu ka lukhuh a si;
Judah cu ka bawi kianghrol a si.
9 Asinan Moab cu ka kut kholhnak
kheng ah ka hmang dingih,
Edom ram cu ka kedam hlonnak ah
ka hmang ding, ka ta a si
ti theihnak ah.
Filistin ka neh ruangah ka au ding,” a ti.
10 Maw Pathian, ralhruang kulhmi
khuapi ah zoso i fehpi ding?
Edom ah zoso i hruai ding?
11 Maw Pathian,
in dungtun ngaingai zo maw si?
Kan ralkap pawl hnenah
na tel lo ding maw si?
12 Kan ral pawl in do bawm hram aw;
Ziangahtile milai ih bomnak cu
man nei lo a si.
13 Kan hnenih Pathian a òan ahcun
kan neh ding;
Kan ral pawl a neh ding a si!