SAAM HLABU 109
Harnak Tuartu Ih Phunzainakd David Ih Phuahmi Hla
1 Maw Pathian,
nangmah ka lo thangòhat;
Dai tein um hlah aw.
2 Miòha lo pawl le,
mi bumhmang pawl in, in do ciamco;
Ka thuhla an rel ih thuphan an per a si.
3 Òong mawi lo zetzet
hmang tahrat in in rel;
Thuhla zianghman um lo in,
in dodal ciamco.
4 Anmah cu ka duhdawt hai ih,
An hrangah thla ka cam nain,
Annih cun in ral thotho a si.
5 Òhatnak cu siatnak in, in sam ih,
Duhdawtnak cu huatnak in, in ruul.
6 Ka ral thuòhentu dingah
miòha lo hril awla,
A huatu cu sual a puhtu ah re aw.
7 A thu an rel tikah misual a si, ti in
thuòhen si hram seh;
A thlacamnak hman cu mawhnak ah
ruah sak siseh, .
8 A san tawi sehla
A hnaòuan cu midang in co seh.Ref 109.8 Tirh 1:20;
9 A faale pawl cu pa nei lo
farah si aw hai sehla,
A nupi cu nuhmei ah cang seh.
10 A faale pawl cu inn nei lo,
Rawl diltu ah cang aw hai sehla,
An umnak deu siava ihsin
dawi vivo si hai seh.
11 Paisa a coihtu pawl in,
A neihmi hmuahhmuah
long thluh hai sehla,
Mikhual pawl in a hlawhmi
hmuahhmuah kha la òheh hai seh.
12 A parah zohman in,
Zangfahnak nei hlah hai seh;
A faale khal zohman in
kilkhawi hlah hai seh.
13 A cithlah hmuahhmuah
thi òheh hai sehla,
amah ih hmin cu sankhat hnu cun
hngilh fai siseh, .
14 A pupa pawl ih òhat lonak cu,
Bawipa in ciing ringring aw sehla,
A nu ih sualnak cu,
Ziangtik khalah ngaidam hlah seh.
15 Bawipa in an mawhnak cu
thei camcin seh;
Asinan anmah cu hngilh fai òhehmi
16 Cupa cu mi zangfahnak
a nei hrimhrim lo;
Mifarah, mi tlasam le
bawmtu nei lo pawl,
a hrem ih a that hai a si.
17 Midang camsiat cu a hiar òeuòeu,
Amah sawn camnak tuarseh.
Midang thluasuah pek cu
a duh hrimhrim lo;
Zohman in thluasuahnak
pe hlah hai seh.
18 Hnipuan a hruk tluk in,
Midang cu ol zet in siat a cam;
A micamnak in a ruangpi cu
tidai bangin ciah sehla,
A ruh sung khalah siti bangin
lut òheh seh.
19 Hnipuan bangin amah khuhtu ah
cang aw sehla,
Taikhap bangin a kimvel in
20 Sia zet ih i reltu ka ral pawl
parah a tlun vekin
Bawipa in hrem hai seh.
21 Asinan Bawipa ka Pathian,
i tiam cia vekin,
Nangmah in kei cu i bawm ih,
Na mi duhdawtnak a òhat ruangah
kei cu i hum a si.
22 Kei cu mirethei le
mi tlasam tuk ka si;
Ka thinlung cu a muril tiangin
hliamnak a tuar.
23 Zanlam ih thlahliap vekin
a hloral mi ka si;
Pa-ngang vekin hlon meenmi ka si.
24 Rawl ka ei lo ruangah
ka khuk a òhia;
Ka taksa a òawl ih ka ruh le
ka vun lawng a tang.
25 Mi in, in hmuh tikah in hnihsan;
In hmuhsuam ih an lu in thin.Ref 109.25 Mat 27:39; Mar 15:29;
26 Maw Bawipa ka Pathian,
i bawm hram aw.
A hmunmi duhdawtnak na nei ih
I run hramhram aw.
27 Nangmah lawng i runtu na si hi,
Ka ral pawl theiter hram aw.
28 Annih in, in cam hman hai sehla,
Nang cun i thluasuah ding.
I hremtu pawl cu sung hai seh.
Cule kei na siahhlawh hi
ka lungawi seh.
29 Ka ral pawl cu mualphonak in
khuh hai sehla,
An ningzahnak cu korfual bangin
30 Bawipa ih hnenah ring zet in
lungawinak thu ka sim ding;
Misenpi hmaiah amah cu
ka thangòhat ding.
31 Ziangahtile farah zonzai pawl
hnenah a òang ih,
Anmah thah a tumtu pawl
kut sung ihsin a run hai a si.