SAAM HLABU 107
Bu Nganak
Pathian Òhat Zia Thangòhatnak
1 Bawipa ih hnenah
lungawi thu sim uh,
Ziangahtile amah cu a òha;
A duhdawtnak cu
kumkhua in a hmun.Ref 107.1 1 San 16:34; 2 San 5:13; 7:3; Ezr 3:11; Saam 100:5; 106:1; 118:1; 136:1; Jer 33:11;
2 Bawipa cu a run zomi pawl in
kan thangòhat pei.
Nan ral kut sungin a lo run ih,
3 Nisuah, nitlak, saklam le
thlanglam ih a ummi,
Ram dangdang ihsin a lo kirter hai a si.
4 Mihrek cu nelrawn ramòhing ah,
lamzin an hlo ih an vakvai;
An umnak ding khuapi
an pan thei hrimhrim lo.
5 An ril a rawng, an ti a haal;
An bei a dong ih an thin a cem.
6 An harnak sung ihsin
Bawipa an ko ih,
An zonzaihnak ihsin a luatter.
7 A hruaisuak hai ih
lamzin òha ah a fehpi;
An umnak ding khuapi thleng in.
8 A hmunmi a duhdawtnak le
an hrangih mangbangza a tuahmi
ruangah Bawipa cu
thangòhat hai seh.
9 Tihal pawl an tihal a riamter ih,
Rilrawng pawl cu thil òha in
10 Mihrek cu thinpihnak le
khawthim sungah an um;
Thawngtla an si ih thir cikcin
khihnak an tuar;
11 Ziangkimtithei Pathian ih
thukham an duh lo ih,
A thupekmi an el ruangah a si.
12 Hnaòuan khung an òuannak ah
an baang tuk ih an tlu;
Asinan zohman bawmtu le
thotu an nei lo.
13 An harsatnak sung ihsin
Bawipa an ko ih,
An zonzaihnak ihsin a luatter hai.
14 An riahsiatnak le khawthim sung
ihsin a suahter hai ih,
An thir cikcin pawl cu a ticat òheh a si.
15 A hmunmi a duhdawtnak le
an hrangih mangbangza a tuahmi
ruangah Bawipa cu
thangòhat hai seh.
16 Dar ih tuahmi sangka pawl cu
a khuai òheh ih,
Thir ih tuahmi kothrolh pawl cu
17 Mihrek cu an aa, an sual ruangah
an na a si;
An òhat lo ruangah an tuar a si.
18 Rawl an fih ih a zoh hman
an duh lo;
Rilrawng in an thi zik cuahco thlang.
19 An harsatnak sung ihsin
Bawipa cu an ko ih,
An zonzaihnak sung ihsin
a luatter hai a si.
20 A òongkam in a damter hai;
Thihnak khur sung ihsin
a suah hai a si.
21 A hmunmi a duhdawtnak le
an hrangih mangbangza a tuahmi
ruangah Bawipa cu
thangòhat hai seh.
22 Thawinak pe in amah hnenah
lungawinak an pe pei;
Lungawinak hla thawn a thil
tuahmi pawl cu an phuang pei.
23 Mihrek cu tipithuanthum parah
tangphawlawng in khual an tlawng;
Ti par khualtlawnnak in
pumcawmnak an hawl.
24 Bawipa ih thil tuahmi pawl
an hmu;
Ti parih mangbangza a tuahmi pawl cu!
25 Thu a pe ih thlipi a huuk ciamco,
Tifinriat ih tisuar pawl
an tho ciamco.
26 Tangphawlawng pawl cu
tlunah a hlirh ih,
Ti hnuai ah a pilter hai.
Cubangtuk òihnungza tikcu ahcun,
Milai ih ralòhatnak cu an hlo òheh.
27 Zuri bangin an tlu, an sawn;
Thiamnak an neihmi pawl cu
a lak an si òheh.
28 An harsatnak sung ihsin
Bawipa cu an ko ih,
an zonzaihnak sungin
a luatter hai a si.
29 Thlipi cu a rehter ih
Tisuar cu a daiter a si.
30 Daihnak a um ruangah
an lung a awi;
An feh duhnak khua ah himdam tein
a thlenpi hai a si.
31 A hmunmi a duhdawtnak le
an hrangih mangbangza
a tuah ruangah
Bawipa cu thangòhat hai seh.
32 Mi senpi khawmnak hmunah
a mak zia cu an tlangau pi pei ih,
Upa pawl an tonkhawmnak hmunah
33 Bawipa in tiva pawl cu,
Hul verver in a carter ih,
Ticawm pawl khal a kangter òheh.
34 Ramòha cu ramcar le
ram phul ah a canter;
Cutawk ummi pawl ih
òhat lonak ruangah a si.
35 Nelrawn cu ticawm umnak hmunah
a tuah ih,
Lei ro le lei car cu cerhti in
a khahter a si.
36 Mi rilrawng pawl cutawkah
a umter ih,
An umnak dingah khuapi an din.
37 Lo ah thlaici an tuh ih
hmuan ah sabit an phun;
A let tampi in an khawmsal.
38 Bawipa in a minung pawl cu
mal a sawm ih tefa tampi an nei;
An òilva pawl khal an òumsuk dah lo.
39 Pathian ih minung pawl cu,
Hremnak le harnak a phunphun in
hmuhsuammi le palcihmi ih
an can tikah,
40 A hremtu pawl cu Bawipa in
a namsuk hai ih,
Lamzin um lo nelrawn ramòhing ah,
Mi vakvai ah a tuah hai.
41 Asinan mizonzai pawl cu,
An retheihnak ihsin a run hai ih
An innsang cu tuurual bangin,
a karhzaiter a si.
42 Cumi cu miding pawl in
an hmuh tikah an lung a awi;
Asinan miòha lo pawl cu òong
ding nei lo in an dai khepkhep.
43 Mifim pawl cun hi thil pawl hi
ruat òha hai seh;
A hmunmi Bawipa ih
duhdawtnak cu thei fel hai seh.