SAAM HLABU 106
Bawipa Ih Òhatnak
1 Bawipa cu thangòhat uh!
Bawipa ih hnenah
lungawi thu sim uh,
Ziangahtile amah cu a òha.
A duhdawtnak cu kumkhua in
a hmun a si.Ref 106.1 1 San 16:34; 2 San 5:13; 7:3; Ezr 3:11; Saam 100:5; 107:1; 118:1; 136:1; Jer 33:11;
2 Mangbangza a tuahmi pawl
zoso tlamtling in a sim thei ding?
Amah thangòhatnak cu
zoso a saal cawk ding?
3 A thupekmi a thluntu le
thudik a tuah ringringtu cu
4 Na minung pawl na bom tikah,
Maw Bawipa,
kei khal i thei hram aw.
Na run hai tikah kei khal
i telhcih hram aw.
5 Na hrilmi pawl mineinung an si
tik caan cu i hmuter ve hram aw;
Na miphun ih lungawinak ah
i telh ve awla,
Nangmah ih ro an si ruangih
nunnomnak cu i coter ve hram aw.
6 Kan pu le kan pa pawl vekin,
Kannih khal kan sual zo;
Thil òha lo kan tuah ih
misual taktak kan si.
7 Kan pupa pawl Izipt ram ih
an um lai ah Pathian ih mangbangza
a tuahmi kha an thei thei lo.Ref 106.7 Suah 14:10-12;
A duhdawtnak a langter ringring nain
an hngilh cingcing.
Tipi Sen an thlen tikah,
Cungnungbik Bawi cu an dodal.
8 Asinan a kam cia vekin
a hum thotho hai;
A cakmi a huham langter duh ah,
9 Tipi Sen cu thu a pe ih a car;
Lei parih a hruai hai vekin,
A minung pawl a fehpi.
10 A huatu pawl hnen ihsin
a run hai ih,
An ral pawl ih kut ihsin
a hum hai a si.
11 Tidai in an ral pawl cu
a khuh òheh ih,
A luatmi pakhat hman an um lo.
12 Cuih hnu lawngah a thukammi
an zum ih,
A hnenah thangòhatnak hla an sak.Ref 106.9-12 Suah 14:21-31;Ref 106.12 Suah 15:1-21;
13 Sikhalsehla rei lo teah,
A tuahmi hmuahhmuah
an hngilhsal ih,
Bawipa ron hmaisa lo in
thil an tuah.
14 Nelrawn ramòhing ah
rawl hiarnak in an khat ih,
Pathian cu an hniksak.
15 Curuangah an dilmi a pek hai;
Asinan thacem natsia
an hnenah a thlenter.Ref 106.14, 15 Mipum 11:4-34;
16 Cuih nelrawn ah Moses le,
Bawipa ih mi thianghlim
Aaron cu an nahsik.
17 Curuangah leilung a kak ih
Dathan a dolh hlo,
Abiram le a innsang tla an pil òheh a si.
18 Anmah thluntu pawl parah
meisa a rung tla ih,
Cuih miòha lo pawl cu
a kang òheh hai a si.Ref 106.16-18 Mipum 16:1-35;
19 Horeb ah sui in caw note zuk
an tuah ih cuih caw lem cu an bia.
20 Pathian sunlawinak huham cu
Hrampi a eitu òilva in
a ai an awhter.
21 Anmah runtu cu an hngilh;
Izipt ram ih mangbangza tuahtu
Pathian cu!
22 Izipt ram ih thil mak zetzet
a tuahtu le,
Tipi Sen ih thil khawruahhar
tuahtu cu!
23 Curuangah Pathian in
Amah ih minung pawl cu
siatsuah a tum.Ref 106.19-23 Suah 32:1-14;
Asinan a hrilmi a siahhlawh
Moses cu Pathian hmaiah a ding
ih anmah siatralter lo dingah
Pathian thinhennak cu a nemter.
24 Cule ramòha le ramnuam cu,
Zianghman ah an siar lo;
Pathian ih thukam cu an zum lo.
25 An phunzai an tlokciar ih
an puanthlam ah an to;
Bawipa ih thu cu an ngai lo.
26 Curuangah siatcam in
ralrinnak a pek hai;
“Nelrawn ramòhing ah nan thi ding;Ref 106.24-26 Mipum 14:1-35;
27 Nan tefa pawl cu lawki mi lakah
ka òhekdarh dingih,
Miphun dang pawl ih ram ah
an thi ding,” a ti.Ref 106.27 Pui 26:33;
28 Cule Pathian ih minung pawl cu
Peor ih Baal khawzing biaknak ah
an tel ve.
Nunnak nei lo an khawzing hnenih
an pekmi raithawinak ti rawl pawl
an ei ve.
29 Curuangah Pathian ih
thin an òeuter ih,
An lakah natsia a suak.
30 Asinan Finehas a ding ih
misual pawl thu a òhen;
Cuticun pulhnat cu a reh.
31 Cumi cu Finehas ih felnak ah
ruah sak a si;
Kumkhua in ruah sak a si ding.Ref 106.28-31 Mipum 25:1-13;
32 Meribah cerhti ah
Bawipa a thin an hengter;
Anmah ruangah Moses cu
harsatnak a tong.
33 Moses a thin an hengter tuk
ruangah a òong lo ding tiangin
a òong a si.Ref 106.32, 33 Mipum 20:2-13;
34 Pathian thei lo minung pawl
that thluh dingin,
Bawipa ih thupekmi
a si nain an that lo.
35 Pathian thei lo pawl thawn
an òhi aw ton ih,
An khawvel daan cu an cawng.
36 Pathian ih minung pawl cun
milem an bia ih,
Anmah awktu thang ah a cang.Ref 106.34-36 Thuò 2:1-3; 3:5, 6;
37 An fanu le an fapa pawl an pek;
Khawzing pawl biak thawinak ah!Ref 106.37 2 Siang 17:17;
38 Mawh nei lo thisen,
An fanu le an fapa pawl ih
thisen cu an suahter;
Kanaan ram khawzing lem
thawinak hrangah cun,
Cuih thisen ruangah cuih ram cu
an baalter a si.Ref 106.38 Mipum 35:33;
39 Cutiih an tuah ruangah,
Anmah tla cu mi borhbah an si,
Pathian hmaiah mi uire ah an cang.
40 Curuangah Bawipa cu
a minung pawl parah a ai a thok;
A hril cia mi parah a thinlung a uih;
41 Khawvel pawl kut sungah
a tanta hai ih,
An ral pawl in an uk a si.
42 A huatu pawl in an hrem ih,
An kuthnuai ahcun
an tuar cuahco a si.
43 Vei ziangzat mengso
Bawipa in a runsuak hai?
Cucing in Bawipa an dodal
thotho ih,
an sualnak cu a thuk sinsin.
44 Asinan an aunak cu
Bawipa in a ngai ih,
an vansannak cu a thei.
45 Anmah zawnruah ah
a thukam cu a ciing;
A hmunmi a duhdawtnak
a tum ruangah a thinlung a òhum.
46 A minung a neh-nentu pawl ih
thinlung sungah zangfahnak
a umter a si.Ref 106.40-46 Thuò 2:14-18;
47 Maw Bawipa kan Pathian,
in run hram aw;
Miphun dangdang lak ihsin
in finkhawmsal hram aw;
Cuticun na hmin thianghlim
kan thangòhat dingih,
Lungawi in kan lo cawimawi ding.
48 Bawipa cu thangòhat uh,
Israel ih Pathian cu!
Atu le kumkhua in thangòhat uh!
Mi hmuahhmuah in “Amen,”
ti thluh hai seh.
Bawipa cu thangòhat uh!Ref 106.47, 48 1 San 16:35, 36;