SAAM HLABU 105
Pathian Le A Minung Pawl
(1 San 16:8-22)
1 Bawipa ih hnenah
lungawi thu sim uhla
a hmin cu aupi uh;
A thil tuahmi cu miphun zate
hnenah sim uh.
2 Bawipa ih hnenah
hla sak uh;
Amah thangòhatnak hla sak uh.
Mangbangza a tuahmi pawl cu
phuang uh.
3 Amah ih ta kan si ruangah
nan lungawi uh;
Bawipa riantu hmuahhmuah in
nan aipuang uh.
4 Bomnak dil in
Bawipa ih hnenah feh uh;
A mithmuh ah um ringring uh.
5-6 Nannih a siahhlawh
Abraham ih tefa pawl,
A hrilmi Jakob ih tefa pawl,
A nasa zetmi, mangbangza
a thil tuahmi le
a thuòhennak pawl cu,
7 Bawipa cu kan Pathian a si;
A thupekmi pawl cu
leilung pumpi hrangah a si.
8 A thukam cu kumkhua in
a nungter dingih,
A thutiam cu san thawngkhat
tiang a thlun ding,
9 Abraham hnenih a thukam le
Isaak hnenih a thutiammi pawl cu.Ref 105.9 Sem 12:7; 17:8; 26:3;
10 Bawipa in Israel hnenah,
Kumkhua daih in thukamnak a tuah;
Jakob hnenah san siar cawk lo hrangah
thutiamnak a tuah.
11 “Kanaan ram ka lo pe hai ding;
Nan ro a si ding,” a ti.Ref 105.10, 11 Sem 28:13;
12 Pathian ih minung pawl cu
mi malte an si;
Ram sungah mi vakvai an si.
13 Ramkhat ihsin ramdang ah
an òhawn;
Mi phunkhat ihsin
phundang hnenah an cer.
14 Asinan Bawipa in
zohman a hremter lo;
Anmah humhim dingah
siangpahrang tampi a kawk.
15 “Ka hrilmi ka siahhlawh pawl
dai hlah uh;
Ka profet pawl tisiat hlah uh,”
tiah Bawipa in a ti.Ref 105.14, 15 Sem 20:3-7;
16 Bawipa in an ram sungah
paam a tlunter ih,
An rawl hmuahhmuah
a lak òheh tikah,Ref 105.16 Sem 41:53-57;
17 Sal ih zuarmi Josef cu
Hmai ah a rak thlah sung a si.Ref 105.17 Sem 37:28; 45:5;
18 A ke cu thir cikcin in an òem,
A hngawng ah thir kual an thlaih;
19 A thu sim cia mi a kim hlan lo!
Bawipa ih thu in
miding a si kha a langter.Ref 105.18, 19 Sem 39:20-40:23;
20 Cule Izipt ram siangpahrang in
a thlah;
Miphun tampi uktu bawi cun
a luatter.Ref 105.20 Sem 41:14;
21 A ram uknak hotu bik ah a ret;
A ramsung hmuahhmuah
uktu bawi ah a tuah.Ref 105.21 Sem 41:39-41;
22 Siangpahrang kuthnuai ih
bawi pawl tlunah thuneihnak a pek;
A thuronmi pawl tlun khalah
23 Cule Jakob cu Izipt ram ah
a vung ih cuih ram ahcun a um.Ref 105.23 Sem 46:6; 47:11;
24 Bawipa in a minung pawl cu
a punzaiter ih,
Anmah hremtu pawl hnakin
a cakter hai a si.
25 A minung pawl hua dingah le
A siahhlawh parih
mi depde si dingah,
Izipt mi pawl ih thinlung cu
a lehter a si.Ref 105.24, 25 Suah 1:7-14;
26 Cule a hrilmi a siahhlawh
Moses le Aaron a thlah.Ref 105.26 Suah 3:14:17;
27 Pathian ih mangbangza
thil an tuah ih,
Izipt ram ah thil khawruahhar
an langter.
28 An ram sungah thimnak a thlenter;
Asinan Izipt mi in
a thupekmi an thlun lo.Ref 105.28 Suah 10:21-23;
29 An tiva pawl cu thisen ah
a canter òheh ih
an nga pawl a thihter òheh.Ref 105.29 Suah 7:17-21;
30 An ram cu butlak in a khat;
An siangpahrang inn tiangin
a khat a si.Ref 105.30 Suah 8:1-6;
31 Pathian in thu a pe ih
an ram cu thothe le fikfa in a khat.Ref 105.31 Suah 8:20-24;
32 An ram sungah ruah sur ai ah,
rial a tlakter ih nimthla a kauter.
33 Sabit kung le theipi kung pawl
a siatsuah ih,
Thingkung pawl a khiak òheh.Ref 105.32, 33 Suah 9:22-25;
34 Amah thupek in kharbok an ra;
Siar cawk lo in an ra a si.
35 Ram sungih thinghnah le
hrampi an ei òheh;
Thlaikho hmuahhmuah
an piat bul òheh.Ref 105.34, 35 Suah 10:12-15;
36 Izipt mi innsang hmuahhmuah ih
fapa upa bik a thah òheh a si.Ref 105.36 Suah 12:29;
37 Cule Israel mi pawl a suahpi,
Annih in an sui le an ngun tla
an keng;
An zate in mi cak le
mi harhdam hlir an si.
38 Israel mi pawl an suah tikah,
Izipt mi pawl cu an lung a awi;
Ziangahtile an òih zetmi an si.Ref 105.37, 38 Suah 12:33-36;
39 Pathian in a minung pawl ih
tlunah khawdur a umter;
Zan ih tleunak petu ah meisa
a vangter.Ref 105.39 Suah 13:21, 22;
40 A hnenah an dil ih vanim a pek;
Vancung ihsin rawl a pek ih
khop zet in an ei a si.Ref 105.40 Suah 16:2-15;
41 Lungpi a ongter ih tidai a put;
Nelrawn ah tiva bangin a luang.Ref 105.41 Suah 17:1-7; Mipum 20:2-13;
42 A siahhlawh Abraham hnenih
A thukam thianghlim kha
43 Cutin a minung pawl cu
lungawi zet in a suahpi;
A hril cia mi pawl cu hla sak le
au phahin a hruaisuak hai a si.
44 Miphun dang pawl ih ram cu
a minung hnenah a pek;
An thlawh cia mi lo cu a coter hai a si.Ref 105.44 Jos 11:16-23;
45 A minung pawl in
a daan an thlun ih,
a thupekmi pawl an thlunnak dingah
Bawipa cu thangòhat uh!