27
1 Thaizing thu ah tluang khawng hlah,
Cuih ni in ziang a suahpi ding ti na thei lo.Ref 27.1 Jeim 4:13-16;
2 Ziangtik khalah nangmah le
nangmah lawm aw hlah;
Midang asilole mikhual in
lo lawm sawn hai seh.
3 Lungto le vunnel ih khingrih daan hi,
Aat ruangih tonmi harsatnak thawn
òhim ahcun,
Zianghman ti tham a si lo.
4 Thinheng cu a siakha zet ih
mi a siatsuah thei;
Asinan iksiknak thawn òhim ahcun,
zianghman ti tham a si lo.
5 Ziangah i poisa lo tiih a lo ruah
ding hnak cun,
Mi pakhat hmaiton ih
a sualmawhnak va remsak khi
a òha sawn.
6 Rualpi òha cu na thin a lo natter
hmanah duhsaknak òha a nei;
Sikhalsehla na ral in na liangih
a lo kuah asile ralring aw.
7 Na pum a puar tik ahcun khuaitizu
hman na duh lo ding nain,
Na rilrawn laifang ahcun a kha zetmi
rawl hman khi thlum na ti ding.
8 Mah ih innsang ihsin vakvaitu cu,
Bu a hluum lomi vate bangtuk a si.
9 Rimhmui le sathau rimthaw cun na
thin a lo nuamter nain,
Thinharnak cun na hnangamnak
a balsiat thluh òheu.
10 Na rualpi òha siseh,
na nu le na pa ih rualpi òha siseh,
va hngilh hlah;
Harsatnak na ton tikah na unau
va sim hlah;
Khawhlatpi ih a um na unau hnakin
na kiang naite ih a ummi,
Na innhnen in a lo bawm thei sawn a si.
11 Ka fapa, fimvar tein um awla
ka lung a awi ding;
I soiseltu pawl kha òongkam
ka let thei hai ding.
12 Mifimvar cun harsatnak a rami
an hmu ih an kian thei;
Ziang a ruat cuca lo pawl cun
harsatnak an pan ih neh hnuah
an sirawsal òheu.
13 Theih dah lomi pa ih leiba hrangah
aamahkhan tuah ngamtu cu,
A neihmi thil kha aamahkhannak ah
lak sak thluh ding a si.
14 Zingpit ah a it laimi na rualpi
òha ring zet ih na biak ahcun,
Na camriam thawn a bangrep a si.
15 Cat lo in a phunzai mi nupi cu,
Nikhawceen ih ruahti for rero
thawn an bang aw.
16 Cunu cu ziangtinso dai tein
na umter thei ding?
Thlihrang teh na kham thei dah maw?
Culole na kutzaphak in siti teh
na huum thei dah maw?
17 Thir le thir an tat awk bangin,
Milai khal pakhat le pakhat hnenin
fimnak an zir a si.
18 Theikung khi òha tein na tuamhlawm
ahcun theirah ei ding na nei ding;
Mah ih bawipa a zohòhatu hnenum
cu upat an co ding.
19 Tidai sungih na hmel na hmuh bangin,
Na sinak khal na thinlung sungah
na hmu ve.
20 Milai ih duhhiarnak hi
mithi khua vek a si;
A khat zo ti a um dah lo.
21 Sui le ngun khi meisa in
an hniksak thei;
Milai ih ziaza khal porhnak in
hniksak a theih ve.
22 Mi-aa pa khi thi zik tein thawi
khal awla,
A aatnak cu na thawi tlan thei
cuang lo ding.
23 Na tuurun kha òha tein
tuamhlawm awla,
Na cawrual pawl kha
ralring theitawp in zoh aw.
24 Ziangahtile lennak hi
kumkhua in a hmun lo;
Siangpahrang lukhuh hman
kumkhua an hmun ve lo.
25 Tlanghrap ah rawlko na lak thluh ih,
Hrampi na thlawh lai ah
rawlko neta pawl an kho lai rero.
26 Na tuu pawl ih hmul in
hnipuan na tah thei ih,
Na me hrekkhat na zuarman in
loram na lei thei.
27 A tanglai mi na me pawl in
na innsang le,
Na hnenum nunau pawl ih
in dingah me hnawi an lo pe ding.