28
1 Miòha lo cu zohman ih dawi
lo in anmahte an tlan;
Sikhalsehla midingfel cu kiosa
vekin an ral a òha.
2 Ram pakhat a sual tikah uktu pakhat
hnu pakhat an thleng aw vivo;
Sikhalsehla ram pakhatkhat in
mifim le thuruatthiam hruaitu
a neih ahcun cuih ram cu a
cak ih reipi a hmun.
3 Mifarah pawl a hrem ih
harsatnak a petu ram uktu cu,
Lo rawl a siatsuahtu ruah takzet
thawn an bang aw.
4 Daan ziangsiar lo ih na um ahcun
miòha lo lam òang na si;
Asinan daan na thlun ahcun miòha
lo pawl dodaltu na si.
5 Mi sualral pawl cun thudik hi
ziangvek a si, ti an thei lo;
Asinan Bawipa a betu pawl cun
fiang tein an thei.
6 Thinlung tluangtlam lo ih
milian si hnakin,
Tluangtlam zet ih
mifarah si a òha sawn.
7 Daan a thlunmi tlangvalpa cu
mi fimvar a si;
Mi-hrong a va komtu cu a pa ih
mithmai baaltertu a si.
8 Midang hnen ihsin tangka òhang le
a miat in milian na si ahcun,
Na lennak cu mifarah pawl
a zangfahtu hnenah
a thleng leh ding.
9 Daan na thlun lo asile na
thlacamnak cu Pathian
thinhengtertu sawn a si.
10 Mi tluangtlam pakhat khi nungsual
dingih na bum a si ahcun,
Nangmah le nangmah cuih sualnak ah
cun na awk aw ding.
Zianghman sualnak a nei lomi cu
laksawng òha an co ding.
11 Milian pawl in anmah le anmah khi
mifimzet ah an ruat aw òheu;
Asinan mi ih thinlung a theitu
mifarah pakhat khi a fim sawn.
12 Miòha pakhat uktu bawi a hung si
tikah mi tampi an lung a awi;
Asinan miòha lo uktu ih an can
tikah misenpi cu an relh thluh.
13 Na sualnak thuh na tum ahcun
na hlawhtling dah lo ding;
Na sualnak cu phuang in hlonhlo aw,
Pathian in a lo zangfah ding.
14 Bawipa cu kumkhua in òihzah
awla na thin a nuam ding;
Na lung a ruh ahcun
na nunnak a siatral ding.
15 Miuk òha lo pawl ih hnuai ah farah
pawl cu òantu an nei lo;
Cuih mi uktu cu kiosa huuk rero le
vom heer vak rero vekin òih a nung.
16 Thinlung ruahnak nei cuca lomi
uktu cu uktu òha lo zet a si;
Ding lonak a huatu cun caan
reipi ram a uk ding.
17 Laithattu cu amah ih thlankhur
zamrang zet ih a lai rerotu a si.
Kham ding a si lo.
18 Tlaitluang awla na him ding,
Na lungput a tluan lo ahcun rinlopi ah
khur sungah na tla ding.
19 Lothlo milaw zet cun
ei ding tampi a nei;
Tikcu caan a lakih a cemraltertu
cu kumkhua in a farah ding.
20 Rin tlak mifel cun a nuam le
a famkimmi nunnak a nei;
Asinan zamrangih len a duh ahcun
hremnak a tuar ding.
21 Mi thleidan neih cu a òha lo;
Sikhalsehla thuòhentu hrekkhat cun
nawhthuh fate men duh ah
thu an rel sual òheu.
22 Mi duhham pawl in zamrangih
len an duh tuk ruangah,
Farahnak an hnenah a thleng zik ti
khi an thei nawn lo.
23 Mi pakhat ih mawhnak
va rem sak awla,
Neh hnu ahcun na porh rero hnakin
a lung a awi sawn ding.
24 A nu le pa ih thilri ruk in
‘Sual a si lo’ tiih a ruattu cu
rukru thawn an dang aw lo.
25 Duhhamnak cun harsatnak a suahter;
Bawipa rinsan awla
na hlawk sawn ding.
26 Mah ruahnak lawng ih òan cu
aat hna a si;
Na hnakih a fimdeuhmi pawl ih
zirhnak khi thlun awla na him ding.
27 Mifarah pawl khi thil va òhen
awla na hlawhsam dah lo ding;
Mifarah pawl na dungtun ahcun
mitampi in an lo cam ding.
28 Miòha lo pawl bawi an can tikah
mipi cu an relh thluh;
Sikhalsehla miòha lo pawl an nau tik ahcun
miding pawl in ram an uksal ding.