26
1 Thangòhat upatnak cu
mi-aa hrangah a kaih lo;
Khawòhal caan ih vur tla bangtuk le
rawl lak caan ih ruah sur bangtuk a si.
2 Tican nei lomi camsiatnak cu,
Sunòam le vanva zuang bangin
umhmun an nei lo.
3 Funghreu cu rang vuaknak ah,
Rang kakharh cu laak kakharhnak ah,
fungfek cu mi-aa vuaknak ah a si.
4 Mi-aa kha mi-aa biak in bia hlah,
A lo biakdan vekin na biak ve asile
amah thawn nan bang aw ding.
5 Mi-aa kha amah thawn kaih aw in bia aw;
Cutiin na ti lo asile ka fim tiah
a ruat sual aw pang ding.
6 Mi-aa kha palai ih a thlahtu cu,
Amah le amah ke tan aw vek a si;
harnak a tong ding.
7 Thufim cu mi-aa pawl ih kaa ahcun,
A thlai aw menmen mi ke awl pa ih
ke bangtuk a si;
Zianghman òhathnemnak a nei lo.
8 Mi-aa upatnak pek cu saihli ah
saihlum òawn cih bangtuk a si,
òhathnemnak a nei lo.
9 Mi-aa ih thufim òongòhimnak hman cu,
Zuri pa in a kut a suntu hling
a coih tum vek a si.
10 Hnaòuan petu bawi in a tawivak
mi zuri le mi-aa a tonmi poh
hnaòuan a pek ahcun,
Li le thal thawn mi a tuahmawh
reromi a bang.
11 A aatnak langtersal rerotu mi-aa cu,
Mah ih luak eisaltu uico bangtuk a si.Ref 26.11 2 Pit 2:22;
12 Mah le mah ka fim tiih
a ruat awtu hnakin,
Mi-aa bik hrangah
ruahsannak a um sawn.
13 Mi zaangzel ziangah inn lengah
a suak duh lo? Ziangso a òih?
Kiosa maw a òih?
14 Mi zaangzel cu sangka khar
a kopza ih a mer awk rero bangin,
A ihkhun parah a let aw rero men.
15 Mihrek khat cu an zaangzel tuk ih,
An kaa sungih rawl san hman
an zuam lo.
16 Mi zaangzel cu fimkhur zet in thu
a let theimi mifim pasarih hnakin,
amah ih ruahnak ahcun a fim sawn.
17 Mah thawn a pehpar aw lomi
tawhawknak ih a teltu cu,
Amahte a fehtu uico ih hnakawr
kaitu bangtuk a si.
18-19 Mi a bum ih, “Ka lo capoh men,”
a titu cu,
Mei-alh tom le conkiang hriamnam
thawn mi a tuahmawhtu
mi molh bangtuk a si.
20 Zanthing a um lo asile meisa a mit;
A thup tein mi relsiat hmangtu
a um lo le tawhawknak a dai.
21 Meihol in meiling a vaamter ih
Thing in meisa a alhter bangtukin,
Mi tawh a hmangtu pawl in
tawhawknak an suahpi òheu.
22 Mi a relsiatu ih òongkam cu
rawlthaw bangtuk a si;
Pum sung tiangin a lut vivo.
23 Awka thlum a nei nain
thinlung òha lomi cu,
Mawi zet ih hnihmi
leibeel bangtuk a si.
24 Mi huatnak a neitu cun awka òha
in mi a bia òheu;
Sikhalsehla a thinlung cu mi
bumnak in a khat.
25 Mi zangfah zet bangin a òongtu
khi va zum hlah;
Ziangahtile a thinlung cu
fihnungza thil in a khat.
26 A thinlung sungih a ummi huatnak
cu bumnak in a khuh khalle,
A òhat lonak cu mizapi in
an hmu thotho ding.
27 Midang tlaknak dingah khur a laitu
cu cuih khurah amah a tla ding;
Midang nennak dingah
lung a hriltu cu cuih lungin
amah a nen ding.
28 Thuphan sim a hmangmi lei in
bumnak a tuartu kha a hua;
A hrokhrawl mi kaa in siatsuahnak
lawng a suahpi.