25
Solomon Ih Thufim Dang Pawl
1 A tanglamih thu pawl khal hi
Solomon ih thufim an si ih,
Judah siangpahrang Hezekiah ih milai
pawl in an ngan sinmi a si.
2 Pathian ih sunlawinak cu
thil a thuh hi a si;
Sikhalsehla siangpahrang pawl ih
sunlawinak cu thil an phuan hi a si.
3 Siangpahrang in ziang a ruat ti cu
kan thei thei lo;
A sang zetmi van le a thuk zetmi
tipithuanthum bangtukin,
kan theih ban lomi a si.
4 Ngun khi a eek thianter awla,
sosu thiam in thil mawi zet ah a ser ding.
5 Siangpahrang hnenih ruahnak òha lo
a petu kha dawi hlo uhla,
A uknak cu dingthluk lairelnak
thawn a hnget ding.
6 Siangpahrang hmaiah
upat va cuh hlah,
Mi upa pawl ih umnak hmun khalah
va ding hlah.
7 Ziangahtile hitawkah hung to aw ti cu,
Nangmah hnakin a upa sawnmi
tonak kian aw ti hnakin a òha sawn.Ref 25.6, 7 Luk 14:8-10;
8 Thil na hmuh mi kha zamrang tukin
thuòhennak zungah va sim hlah;
Ziangahtile tetti dangin na palhnak
a langtersal asile ziangso na tuah ding?
9 Na innhnen thawn nan ruahnak a bang
aw thei lo asile nanmah tein
remnak tuah uh;
Cule nan thuthup kha va phuang hlah.
10 Na phuang pang asile
mi in thu na thuh thei lo kha
an thei dingih,
Na ningzahnak a cem dah nawn lo ding.
11 A caan a si laite ih òongmi òongkam cu,
Ngun kheng sungih
sui thingrah bangtuk a si.
12 Mifimzet nunsimtu ih simmi thu cu
a ngai duhtu hrangah,
Sui zunghruk le sui hlawnthil bangtuk a si.
13 Palai fel cu a thlahtu hrangah
thinlung daitertu a si;
Rawl lak caan ni ling laifangih
rialti bangtuk a si.
14 Thil ka lo pe ding tiah
thu mi a kam ih a pe dah lotu cu,
Ruah tel lo khawdur le tidai keng
lo thli bangtuk a si.
15 Thinsaunak thawn uktu bawi hman
kha lem a theih;
Awka nem in thinlung hak hman
a nemter thei.
16 Na òulzat hnakin tam deuh
khuaitizu ei hlah;
Tam tuk na ei asile na luak ding.
17 Na innhnen kha leng tam tuk hlah,
Na len tam tuk asile a lo ning ding
ih a lo hua ding.
18 A dik lo in mi sualpuhnak cu,
Mi a that theimi talhtum, ralnam le
conkiang vek a si.
19 Harnak caan ah rinsan tlak lomi rinsan cu,
Ha hnin thawn rawl khai le
ke awl thawn feh bangtuk a si.
20 Riahsia thinhar mi hnenih hla va sak cu,
khawsik ni ih puanhlum phoih le,
Hma parih cite phulh bangtuk a si.
21 Na ral a ril a rawng asile
ei ding rawl pe aw;
A ti a haal asile in ding tidai pe aw.
22 Cutiih na tuah asile a luthlung ah
meiling na ret a si ding.
Bawipa in òhatman a lo pe ding.Ref 25.21, 22 Rom 12:20;
23 Saklam thli in ruah a ratpi bangtukin,
Mi relsiatnak in thinhennak a suahpi.
24 A phunzai ringringmi nupi thawn
innpi sungih um tlang hnakin,
Inn luanglu kelkawmte ih um a òha sawn.
25 Ram hlatpi ihsin
Thuthang Òha theih cu,
Dangcar tihal laifangih
tidai dai tein bangtuk a si.
26 Miding in miòha lo pa
nehnak a coter a si ahcun,
Thihsii rawi mi tikhur,
asilole cerhti baal vek a si.
27 Khuaitizu tam tuk ei cu a òha lo;
Cuvekin mi hnen ihsin thangòhatnak
tam tuk ngah tum cu a òha lo.
28 Mah ih thinhennak a sup thei lotu cu,
Khuakulhnak hauhruang a cim ih
a siatmi khua bangtuk a si.
Ol tein ral an lut ding.