6
Nehemiah An Phiar
1 Sanballat, Tobiah, Geshem le kan ral pawl hmuahhmuah in khuapi ralhruang kan kulh òheh ih ralhruang ah ong a um nawn lo, ti an thei. (Kotka umnak tiih kan zuahmi ah kotka kan tuah hrih lo.)
2 Curuangah Sanballat le Geshem in thu in than ih Ono Hmunrawn ih khuate pakhat ih tong aw dingin in sawm. Himi cu keimah ziangmaw tiih tuahmawh duh ah in bumnak a si.
3 Cutikah mi ka thlah ih, “Hnaòuan thupizet ka neih ruangah ka rung thei lo ding. Nanmah tong dingih kan run ahcun hnaòuan kan colh thluh a òul dingih ziangti hman in hnaòuan cu ka cawlter thei lo,” ka ti.
4 Cuvek òhiamòhiam in vei li tiang thu in hun cah. Kei khalin cuti thotho cun ka vun khirh.
5 A vei nganak ah Sanballat in ca a ngan ih erh lo in a hnenum pakhat a hun phurhter.
6 A ca sungah cun, “Nangmah le Judah mi pawl cu ral thawh an tum ruangah khuapi ralhruang an rem rero a si, tiah kiangkap mi pawl in an rel rero tiin Geshem in i sim. Cuih tlunah Nehemiah cu amah le amah siangpahrang ah a tuah aw dingih,
7 Judah siangpahrang ah Nehemiah a si, tiah Jerusalem khua ih phuangtu dingah Profet pawl tla a ret thluh zo, tiah in sim fawn. Hi thu cu siangpahrang bawipa in a thei leh thotho dingih curuangah nangmah le keimah tong aw in thu ruat tlang sehla ka duh a si,” tiah a ngan.
8 Cutikah ca ka khirh ih, “Na simmi hi pakhat hman a dikmi a um lo. Nangmah ih phuahcop hlir an si,” tiah ka ti.
9 An zate in kan hnaòuanmi baang dingah in hro ciamco. Asinan Pathian in i cakter sinsin zo!
10 Cu tikcu hrawngah Delaiah ih fapa le Mehetabel ih fasuan Shemaiah cu inn ihsin khui hmanah suakvak thei lo ih a um ruangah va leng dingin ka feh. Cutikah anih in, “Nangmah le keimah kan feh pei ih Biakinn ah kan relh pei; sangka hmuahhmuah tawh in kan hren thluh pei; ziangahtile nangmah that dingah an ra ding. Zan ah ra in an lo that ding a si,” tiah i ti.
11 Cule kei in, “Kei cu a tlan le a relh ding pawl ka si lo. Ka nunnak hum dingah Biakinn ah a relh ding tiah maw i ruah? Ka relh lo ding,” ka ti.
12 Ka ruahsal tikah Pathian in a hnenih thu a sim ruangah a si lo, Tobiah le Sanballat in nawhthuh an pek ruangah hitiih a òongnak cu a si, ti ka vun theisal.
13 Ka thangsiatnak le ka ningzahter duh ah nawhthuh an pek ih sualnak tuahter duh ah mi an fial a rak si.
14 Thla ka cam ih, “Maw Pathian, Tobiah le Sanballat thil timi hi ciingòha awla hrem hai aw. A thinphang seh tiih i ti rero vetu profet nu Nodiah le a dang profet pawl tla hi ciing òha aw,” ka ti.
Hnaòuan An Òheh
15 Hnaòuan cu Elul thla ni kul hluannga ni ah kan òheh; a zate ah ni sawmnga le ni hnih sung kan rei.
16 Kan kiangkap ih a ummi kan ral pawl in an theih tikah an mithmai a sia ngaingai; ziangahtile Pathian bomnak in kan tuahsuak kha zozo khalin an thei.
17 Cuih caan sung hmuahhmuah ah Judah hotu pawl le Tobiah cu ca an kuat aw ringring.
18 Tobiah cu Arah ih fapa Shekaniah ih maak-pa a si ruangah Judah ramsung mi tampi cu a lamah an òang. Cuih tlunah a fapa Jehohanan in Berekhiah ih fapa Meshullam ih fanu a òhit.
19 Mi hrekkhat pawl cun Tobiah ih òhatnak lawnglawng ka theih hngan ah an rel ih, ka òongmi hmuahhmuah cu a hnenah an sim òheh. Tobiah cun a thinphang seh tiah ca i kuat ringring.