5
Mifarah Pawl An Namsuk
1 Tikcu a rei deuh tikah nunau ti lo mipa ti lo in an unau Judah mi òhenkhat tlunah lungkim lonak an nei.
2 “Sungrual kan si ih kan nunnak dingah rawl kan khop lo,” an ti.
3 Mi òhenkhat in, “Rawl lo ih thih hnak cun, tiah kan inn kan lo le kan sabit hmuan tiangin kan pawng a si,” an ti.
4 A dang mi òhenkhat in, “Kan lo le kan sabit hmuan hrangih ngunkhuai pek dingah tangka kan cawi a òul a si.
5 Judah mi unau pawl hi thiikhat le sakhat kan si; Annih poihai mi le kannih poihai mi hi a bangrep lo maw? An faate cu an hrangih an sunlawi vekin kan faate pawl cu kan hrangah an sunglawi ve lo maw? Asinan kan faate pawl cu sal ah kan tuah hai a òul. Kan fanu hrekkhat pawl cu sal ah zuar an si zo. Kan titheimi zianghman a um lo, ziangahtile kan lo le kan sabit hmuan pawl cu in long thluh a si,” an ti.
6 Cutiih an phunzainak ka theih tikah ka thin a heng ngaingai ih,
7 thil pakhatkhat ka tuah a òul a si, ka ti. An hotu pawl le an bawi upa pawl cu ka kawk ih an hnenah, “Nan unau pawl parih nan thil tuahmi hi a òha lo a si,” tiah ka sim.Ref 5:7 Suah 22:25; Pui 25:35-37; Daan 23:19, 20;
Cule cuih thu rel dingah misenpi ka kokhawm ih,
8 an hnenah, “A can thei nawn lo ruangah miphun dang hnenah a zuar aw mi kan unau Judah mi pawl hman a si thei tawkin kan lei kirsal rero. Culai ah nannih in nan unau pawl cu zuar aw dingin nan rak hnek rero lehlam,” ka ti. An hotu pawl cu an dai khepkhep ih òong ding zianghman an nei lo.
9 Cun, “Nan tuahmi hi thilsual a si! Kan ral pawl, Zentail mi pawl ih hmuhsuam lonak dingah Pathian òihzah in a dikmi tuah ding nan si sawn.
10 Mipi pawl kha ka hnen ihsin paisa le rawl ka cawiter hai. Cuvekin ka hnaòuanpi pawl le ka hnaòuantu pawl khalin an coih ve. Atu thok ihsin in cawimi pawl cu zohman in kan cawhsal nawn lo pei.
11 Atu rori in an lo, an sabit hmuan, an olif hmuan le an inn pawl cu peksal òheh uh. Tangka maw, fangfai maw, sabitti maw, olif hriak maw, an lo bakmi hmuahhmuah atu ihsin daih thluh uh,” ka ti.
12 Cutikah hotu pawl in, “Na sim vek cun kan tuah thluh ding; an thilri cu kan peksal dingih in bakmi cu kan cawh nawn lo ding,” tiah in ti.
Cule puithiam pawl ka ko ih an thutiam vekih tuahsuak dingah an hmaiah siat ka camter.
13 Ka taaiven puang Taiven puan thin cu ziang hmuahhmuah ka sung òheh, ka hammi a um thei nawn lo, tinak a si. ka phoih ih an hmai ahcun ka thin. “Nan thukam vekih nan tuah lo a si ahcun Pathian in hi taaiven puan vekin a lo thing ding. Pathian in nan inn pawl le nan neihmi hmuahhmuah a lo long òheh dingih nan lawngfangkheh in a lo taan hai ding,” tiah ka ti.
Cutawkih a ummi hmuahhmuah in, “Amen,” an ti ih Bawipa an thangòhat. Cule an thuthiam mi cu an thlun.
Nehemiah, Mi Tirhsiang
14 Artakzaksis Siangpahrang a òuan kum kulnak ihsin kum sawmthum le kum hnihnak tiang, kumpi kum hleihnih, Judah ram uktu Mangki bawi ka si sungah hin keimah siseh, ka sungkhat pawl siseh, ram uktu bawi ih ei dingmi rawl kan ei dah hrih lo.
15 Ka hlanih ram uktu Mangki bawi a rak òuantu pawl cu misenpi hrangah thilrit an rak si ih nitin tein an rawl le an zu hrangah ngun tangka sawmli an hmang ringring. An hnenum pawl tiangin misenpi tisiatu an si. Sikhalsehla kei cu Pathian ka òih ruangah cutin ka tuah lo.
16 Ka thazang neihmi hmuahhmuah cu khuapi ralhruang kulhnak ah ka hmang ih ka hrangah ziangbangtuk thilri hman ka hawl lo. I riantu ka hnenum pawl hmuahhmuah khal cuih phar dawl hna an òuan thluh.
17 Ka rawl einak cabuai ah Judah mi le an hotu pawl za le sawmnga rawl ka eipi ringring ih hlei ah kan kiangkap ram ihsin ka hnenih a ra mi hmuahhmuah ka cawm a si.
18 Ka ei dingah nitin tein cawcang pakhat, tuu òha bik paruk le ar tampi kan that ringring ih ni hra ah vei khat sabitti a thar in ka suah ringring. Cubangtuk a si nain misenpi pawl an zonzai tuk ruangah ram uktu Mangki bawi ih ngah ding timi zat hman ka la lo.
19 Hitlukin misenpi hrangih ka tuahmi hi Pathian in ka òhatnak hrangah i theih sak hram seh.