7
1 Ralhruang kulh cu kan òheh ih kotka pawl kan tuah thluh; biakinn kiltu pawl, hla saktu pawl le Levi mi pawl cu hnaòuan kan zem ciar.
2 Jerusalem khua uktu dingah ka unau Hanani le ralhruang kiltu ralbawi Hananiah ka ret. Hananiah cu Pathian òihzahtu le rinsan tlakzet, zo hman ih bang lomi a si.
3 An pahnih in Jerusalem kotka pawl cu nisuah hnu lawngah on dingah le nitlak zawng kotka kiltu pawl hman an tlun hlanah khar ih hren òheh dingah ka sim. Jerusalem ih a ummi sungin khua kilvengtu lakih mi hrekkhat a òulnak zawn ah ralvengtu ah ret ih mihrek cu anmah ih inn ciar kilveng dingin ret dingah ka sim.
Saltang Kir Cazin
(Ezr 2:1-70)
4 Jerusalem khuapi cu a tum zet nain a sungih ummi minung cu an tam lo; inn tla tampi an sak hrih lo.
5 Pathian in ka thinlung i thawhter ih misenpi le an bawi pawl le an hotu pawl cu ka kokhawm ih an innsang ciar ih mipum cazin ka la. Saltannak ihsin hmaisabik ih a kirmi pawl ih cazin cu ka tong ih a tanglam vekin a si.
6 A thuailam pawl cu Judah pengih a ummi, Siangpahrang Nebuchadnezzar in Babilon ah a hruai ih cutawk ihsin ra kirsalih Jerusalem le Judah ramsung anmah ih khua ciar ih tlungsalmi an si.
7 A kirpitu upa pawl cu Zerubbabel, Joshua, Nehemiah, Azariah, Raamiah, Nahamani, Mordekai, Bilshan, Mispereth, Bigvai, Nehum le Baanah an si.
8-25 Saltannak ihsin a rakir mi Israel hrin pawl le an hrin ih mipum zat ciar cu hihi an si:
Parosh hrin in thawnghnih
za sawmsarih le pahnih,
Shefatiah hrin in zathum
sawmsarih le pahnih,
Arah hrin in zaruk sawmnga pahnih,
Pahath Moab (Jeshua le Joab tesinfa pawl)
in thawnghnih zariat le hleiriat,
Elam hrin in thawngkhat zahnih
sawmnga le pali,
Zattu hrin in zariat sawmli le panga,
Zakkai hrin in zasarih le sawmruk,
Binnui hrin in zaruk sawmli le pariat,
Bebai hrin in zaruk le kul hluanriat,
Azgad hrin in thawnghnih zathum le
kul hluanhnih,
Adonikam hrin in zaruk sawmruk le
pasarih,
Bigvai hrin in thawnghnih sawmruk le
pasarih,
Adin hrin in zaruk sawmnga le panga,
Ater (Hezekiah) hrin in sawmkua le pariat,
Hashum hrin in zathum le kul hluanriat,
Bezai hrin in zathum kul hluanli,
Harif hrin in za le hleihnih,
Gibeon hrin in sawmkua le panga.
26-38 An pupa pawl a hnuailam khua ah a rak ummi ih tesinfa pawl a kir mi cu hihi an si:
Bethlehem le Netofah khuami tesinfa ah
za sawmriat le pariat,
Anathoth khuami tesinfa ah za le
kul hluanriat,
Beth Azmaveth khuami tesinfa ah sawmli le pahnih,
Kiriath Jearim, Khefirah le
Beeroth khuami tesinfa ah
zasarih sawmli le pathum,
Ramah le Geba khuami tesinfa ah
zaruk le kul hluankhat,
Mikmas khuami tesinfa ah za le
kul hluanhnih,
Bethel le Ai khuami tesinfa ah za le
kul hluanthum,
A dang Nebo khuami tesinfa ah
sawmnga le pahnih,
A dang Elam khuami tesinfa ah
thawngkhat zahnih sawmnga le pali,
Harim khuami tesinfa ah zathum le kul,
Jerikho khuami tesinfa ah
zathum sawmli le panga,
Lod, Hadid le Ono khuami tesinfa ah
zasarih le kul hluankhat,
Senaah khuami tesinfa ah
thawngthum zakua le sawmthum.
39-42 Puithiam pawl hrin sungin a kirmi pawl cu hihi an si:
Jedaiah (Jeshua tesinfa) hrin in
zakua sawmsarih le pathum,
Immer hrin in
thawngkhat sawmnga le pahnih,
Pashhur hrin in thawngkhat zahnih
sawmli le pasarih,
Harim hrin in thawngkhat le hleisarih.
43-45 Levi mi hrin in a kirmi pawl cu hihi an si:
Jeshua le Kadmiel hrin
(Hodaviah tesinfa) in sawmsarih le pali,
Biakinn hla satu pawl (Asaf tesinfa) in
za sawmli le pariat,
Biakinn kiltu pawl
(Shallum, Ater, Talmon, Akkub,
Hatita le Shobai tesinfa) in
za sawmthum le pariat.
46-56 Biakinn saktu pawl an hrin ciar thawn a kirmi pawl cu hihi an si:
Ziha, Hasufa, Tabbaoth, Keros, Sia,
Padon, Lebana, Hagaba, Shalmai, Hanan,
Giddel, Gahar, Reaiah, Rezin, Nekoda,
Gazzam, Uzza, Paseah, Besai, Meunim,
Nefusesim, Bakbuk,
Hakufa, Harhur, Bazlith,
Mehida, Harsha, Barkos, Sisera, Temah,
Neziah le Hatifa.
57-59 Solomon hnenum pawl, an hrin ciar thawn a kirmi pawl cu hihi an si:
Sotai, Sofereth, Perida,
Jaalah, Darkon, Giddel,
Shefatiah, Hattil, Pokhereth,
Hazzebaim le Amon.
60 Biakinn saktu pawl le Solomon hnenum pawl, a kirmi ih tesinfa cu an zate in zathum sawmkua le pahnih an si.
61-62 Tel Melah khua, Tel Harsha khua, Kherub khua, Addon khua le Immer khua in Delaiah hrin, Tobiah hrin le Nekoda hrin, an zate ah minung zaruk sawmli le pahnih a kirmi an um nain Israel miphun hrin an sinak kha an simsuak thei lo.
63-64 Puithiam Hobaiah hrin, Hakkoz hrin le Barzillai hrin pawl tla in an pupa ih thawhkehnak ca khummi cazin an hmu lo. (Barzillai hrin ih an pu in Gilead ram Barzillai hrin nunau a rak òhit ih a puzon ih hmin a rak lakta ruangah Barzillai hrin ti an si.) An pupa pawl zo an si, ti an theih lo ruangah annih pawl cu puithiam ah an pom thei lo.
65 Judah ram uktu bawi in, Urim le Thummim timi a hmang thiamtu puithiam an um hlan cu Pathian hnenih pekmi rawl thianghlim ei lo dingin Mangki bawipa in a kham a si.Ref 7:65 Suah 28:30; Daan 33:8;
66-69 Saltannak ihsin a kirmi
mipum zate cu thawng sawmli
thawnghnih, zathum le sawmruk an si.
Hnenum zate nunau mipa ti lo in,
thawngsarih zathum sawmthum le
pasarih an si.
Hla saktu nunau mipa an zate ah
zahnih sawmli le panga an si.
Rang zasarih sawmthum le paruk,
Laak zahnih sawmli le panga,
Kalauk zali sawmthum le panga,
Laak fate phun thawngruk zasarih le
kul an si.
70-72 Mi tampi in Biakinn saksalnak ah tangka le thilri tampi an pek:
Ram uktu bawi in sui cuai li,
thawinak hrang kheng sawmnga le
puithiam korfual zanga le
sawmthum a pek.
An hrin ih hotu pawl in
sui cuai sawmriat le cuai nga le
ngun cuai zariat le cuai nga an pek.
Senpi pawl in sui cuai zariat le cuai nga,
ngun cuai zasarih le sawmthum le
puithiam korfual sawmruk le
pasarih an pek.
73 Cule puithiam pawl, Levi mi pawl, biakinn kiltu pawl, hla saktu pawl, biakinn saktu pawl le Israel mi hmuahhmuah cu khuapi siseh, khuate siseh, khua kipah an um vivo.Ref 7:73 1 San 9:2; Neh 11:3;