6
Siannak Thu
1 “Biaknak lamih thil òha nan tuahmi hi mi in, in hmu hai seh tiin mizapi hmaiih tuah lo dingin ralring uh. Cutiih mipi hmaiih nan tuah ahcun vancung ih a ummi nan Pa hnen ihsin òhatman zianghman nan ngah lo ding.Ref 6.1 Mat 23:5;
2 “Curuangah mi tlasam hnenah thil pakhatkhat nan òhen tikah mititeraw pawl in sinakok le zalamzin ih an tuah vekin tawtawrawt tum in uang aw hlah uh. Annih cun mipi pawl ih lom dingah an tuah. Fiang tein ka lo sim: An ngah dingmi cu an ngah òheh zo.
3 Sikhalsehla nannih cun mi tlasam nan bawm tikah nan vorhlam kut ih tuahmi kha nan kehlam kut khalin theih lo dingin va tuah uh.
4 Cuticun a thup teih nan tuahmi a hmutu nan Pa in òhatman a lo pek ding.
Thlacamnak Thu
(Luk 11:2-4)
5 “Thla nan cam tikah mititeraw pawl vekin cam hlah uh. Annih cun mi hmuahhmuah in, in hmu hai seh tiin sinakok le za lampi ah ding tahrat in thlacam an duh ngaingai. Fiang tein ka lo sim: An ngah dingmi an òhatman cu an ngah òheh zo.Ref 6.5 Luk 18:10-14;
6 Sikhalsehla nannih cu thla nan cam tikah nan inn khaan sungah lut uhla sangka nan khar hnuah mithmuh lomi nan Pa hnenah thlacam uh. Cule a thup teih nan tuahmi a hmutu nan Pa in nan òhatman a lo pe ding.
7 “Thla nan cam tikah Pathian thei lomi pawl ih sullam nei tuk lomi òong tampi an òong vekin va tuah hlah uh. Annih cun reipi thla an cam tikah Pathian in a thei cuang ding tiah an ruat.
8 Anmah vek va si hlah uh. Nan òulmi cu nan dil hlan ihsin nan Pa in a thei cia zo.
9 Curuangah hibangtuk in thla nan cam pei:
‘Vancung ih a ummi kan Pa,
na hmin thianghlim cu upat si ko seh;
10 Na Uknak thleng hram seh;
Vancung ih na duhnak tuah a si bangin
leitlun khalah tuah si ve seh.
11 Nitin kan òulmi rawl in pe aw.
12 Mi in kan parah sualnak an tuah ih
kan ngaidam bangtukin,
Kanmah ih sualnak khal in ngaidam ve aw.
13 A harmi hniksaknak tuarter lo in,
siatnak ihsin in hum hram aw.’e 6:13 ‘Uknak le huham le sunlawinak cu kumkhua in na ta an si, ’ tiah kut ngan cabu hrekkhat ahcun betmi a um.Ref 6.13 1San. 29:11;
14 “Nan parah sualnak a tuahtu pawl nan ngaidam a si ahcun vancung ih a ummi nan Pa in a lo ngaidam ve ding.
15 Sikhalsehla midang sualnak nan ngaidam lo a si ahcun nan sualnak cu nan Pa in a lo ngaidam ve lo ding.Ref 6.15 Mar 11:25, 26;
Rawl Ulhnak Thu
16 “Rawl nan ulh tikah mititeraw pawl vekin riahsia mithmai in um hlah uh. Mihrek in rawl an ulh kha mi hmuahhmuah in, in thei hai seh tiah an mithmai in an langter. Fiang tein ka lo sim: An ngah dingmi an òhatman an ngah òheh zo a si.
17 Nannih cu rawl nan ulh tikah nan hmai phiah in nan sam tla òha tein hriat uh.
18 Cuticun zohman in rawl nan ulh kha an lo thei lo dingih mithmuh lo nan Pa lawng in a lo thei ding. A thup teih nan tuahmi a hmutu nan Pa in òhatman a lo pek ding.
Vancung Ah Khawl Uh
(Luk 12:33-34)
19 “Tlap le nget ih a siatsuah theinak le rukru pawl in an bauh ih an ruk theinak hi leitlun ah nan sumsaw khawl hlah uh.Ref 6.19 Jeim 5:2, 3;
20 Tlap le nget ih a siatsuah thei lonak le rukru pawl in an bauh ih an ruk thei lonak vancung ah nan sumsaw cu khawl sawn uh.
21 Ziangahtile nan sumsaw umnak ah nan thinlung khal a um ve ding.
Taksa Ruangpi Ih Tleunak
(Luk 11:34-36)
22 “Mit cu taksa ruangpi hrangah mei-inn a si. Nan mit a fim le nan taksa ruangpi cu a tleu òheh ding.
23 Sikhalsehla nan mit a òhat lo ahcun nan ruangpi cu thimnak sungah a um ding. Cuti a si ruangah nan sungih tleunak cu thimnak a si ahcun ziangtluk òihnungza so thimnak cu a si ding!
Pathian Le Tangka Thu
(Luk 16:13; 12:22-31)
24 “Zokhal in bawi pahnih a rian thei lo. Pakhat a duh dingih pakhat a hua ding. Pakhat hnenah rin tlak zet in a um dingih pakhat cu a hmuhsuam ding. Pathian le tangka nan rian tlang thei lo ding.
25 “Cuti a si ruangah ka lo sim: Nan nunnak hrangih nan òulmi ti le rawl le nan ruangpi hrangih hnipuan pawl thu ruat le donhar in um hlah uh. Thungai ih ti ahcun, nunnak hi rawl hnakin a thupi sawn lo maw? Hnipuan hnak khalin taksa ruangpi hi a thupi sawn lo maw?
26 Van ih a zuangmi vate khi zoh hnik uh; annih in thlaici an tuh lo, rawl khal an khawm lo ih cuam sung khalah an khawl lo. Asinan vancung ih a ummi nan Pa in a cawm thluh a si. Vate hnakin tampi nan sunglawi sawn a si lo maw?
27 Nan donhar ruangah nan nunnak caan tawite tal nan sauter thei maw?
28 “Cun ziangahso hnipuan thu ah nan don a har? Hramlak ih pangpar khi zoh hnik uh; hna an òuan lo, pathnuk in thiam an tak fawn lo.
29 Asinan atu ah ka lo sim: Siangpahrang Solomon hman, kha tluk in a lian nain, a lennak le a hnipuan in hi pangpar ih mawinak a tluk lo a si.Ref 6.29 2 Siang 10:4-7; 2 San 9:3-6;
30 Tuih sun ah a nung ih thai sun ah meisa sungih paih ding hrampi hman a ceimawitu Pathian cun cuih pawl hnakin nannih cu a lo thuam sawn lo ding maw? Nan zumnak a va mal lawmmam so!
31 “Curuangah ‘Ei in ding le sinfen ding tla khui-in so ka ngah ding,’ tiin donhar in um hlah uh.
32 Hi pawl cu Pathian thei lo khawvel pawl ih an helhkam ringringmi an si. Vancung ih a ummi nan Pa in hi thil pawl nan òul zia cu a thei a si.
33 Cuhnakin Pathian Uknak le a felnak hawl hmaisa sawn uhla thil dang hmuahhmuah cu a lo pebet ding a si.
34 Curuangah thai sun hrangah donhar in um hlah uh; thai sun in donharnak amah tawkin a nei ve ding. Ni, nikhat ih a phurhmi harsatnak tlunah a dang betcih ding a si lo.