5
Tlangpar Thuzirhnak
1 Jesuh in mipi a hmuh tikah tlang parah a hung kai; cutawkah cun a to ih a dungthluntu pawl a hnenah an ra.
2 Cule a kam a kau ih hitiin thu a zirh:
3 “Thlarau lamah ka farah ti
a thei awtu pawl cu mi thluasuak an si;
Ziangahtile vancung Uknak cu
anmah ih ta a si.
4 Ninghang lungsia pawl cu
mi thluasuak an si;
Ziangahtile Pathian in a hnem hai ding.Ref 5.4 Isa 61:2;
5 Lungnemmi pawl cu mi thluasuak an si;
Ziangahtile Pathian ih
kam cia mi an co ding.Ref 5.5 Saam 37:11;
6 Pathian ih duhnak tuah dingih
a hiarhaltu pawl cu mi thluasuak an si;
Ziangahtile Pathian in
an lung di a riamter ding.Ref 5.6 Isa 55:1, 2;
7 Mi zangfah thiamtu pawl cu
mi thluasuak an si;
Ziangahtile Pathian in anmah
a zangfah ve ding.
8 Thinlung a thiangmi pawl cu
mi thluasuak an si;
Ziangahtile Pathian an hmu ding.Ref 5.8 Saam 24:4, 5;
9 Remnak a tuahtu pawl cu
mi thluasuak an si;
Ziangahtile Pathian ih fahniang
tiah kawh an si ding.
10 Pathian duhnak tuah ruangih
hremnak a tuartu pawl cu
mi thluasuak an si;
Ziangahtile vancung Uknak cu
anmah ih ta a si.Ref 5.10 1 Pit 3:14;
11 “Keimah ih dungthluntu nan si ruangah mi in an lo hmuhsuam, an lo hrem ih thuphan a phunphun an lo puh tikah mi thluasuak nan si.Ref 5.11 1 Pit 4:14;
12 Nan lungawi in nan aipuang uh, ziangahtile nan hrangah tuarman tampi vancung ah ret a si. Nan hlanih profet pawl khal cubangtuk in hrem an tuar zo.Ref 5.12 2 San 36:16; Tirh 7:52;
Cite Le Tleunak
13 “Nannih cu mi phunkip hrangah cite nan si. Sihmansehla cite cu a alnak a ziam asile altersal a theih nawn lo. Òhathnemnak zianghman a neih nawn lo ruangah hlon ding le pal men ding lawng a si.Ref 5.13 Mar 9:50; Luk 14:34, 35;
14 “Nannih cu leilung pumpi hrangah tleunak nan si. Tlang parih tohmi khua cu thuh a theih lo.Ref 5.14 Joh 8:12; 9:5;
15 Zohman in mei-inn an van tikah khengkuum an khuh dah lo. Mei-inn vannak tung parah an vang. Cutiin inn sungih a ummi zate hrangah tleunak a si.Ref 5.15 Mar 4:21; Luk 8:16; 11:33;
16 Cubangtuk in nan tleunak cu mi hmaiah tleuter ding nan si. Cuticun thil òha nan tuahmi cu mi in an hmu dingih van ih a ummi nan Pa kha an thangòhat ding.Ref 5.16 1 Pit 2:12;
Daan Thu Zirhnak
(Mar 9:50; Luk 14:34-35)
17 “Moses Daan pawl le profet pawl ih thuzirhmi siatsuah dingah a ra, tiah i ruat hlah uh. Cupawl siatsuah dingah ka ra lo, an zirhmi pawl kimter dingah ka ra sawn a si.
18 Hihi cing òha uh: Lei le van a um sung cu Daan sungih daanterek bik pakhat hman a hlo lo ding, ziang hmuahhmuah a kim òheh hlan cud ‘Ziang hmuahhmuah a kim òheh hlan cu,’ ti mi hi ‘ziang hmuahhmuah a cem òheh hlan cu,’ ti khal a si thei. pakhatte hman a hlo lo ding.Ref 5.18 Luk 16:17;
19 Curuangah zokhal sisehla thukham sungih a thupi lo bik pakhatte hman kha a thlun lo ih midang khal thlun lo dingin a zirh ve a si ahcun amah cu vancung Uknak ah mi tenau a si ding. Cule zokhal sisehla Daan kha a thlun ih midang khal thlun ve dingih a zirh a si ahcun amah cu vancung Uknak ah mi thupi a si ding.
20 Fiang tein ka lo sim: Pathian duhmi tuahnak ah Daanthiam pawl le Farasi pawl hnakih nan fel sawn lo ahcun vancung Uknak ah nan lut thei lo ding.
Thinhennak Thu
21 “Hlanlai ahcun ‘Mi va that hlah, mi a thattu cu thuòhennak a tuar ding a si,’ an rak timi nan thei zo.Ref 5.21 Suah 20:13; Daan 5:17;
22 Asinan kei cun: A unau parah a thin a hengtu cu thuòhennak a tuar ding; zokhal sisehla a unau kha ‘Zianghman ih òhahnem lo,’ a titu cu thuòhentu hmaiah suahpi a si pei ih a unau kha, ‘Mi-aa,’ a titu cu hell meisa sungah a tla ding tiah phan a um a si, tiah ka ti.
23 Curuangah biakòheng ah laksawng Pathian hnenih pek na tum lai ah na unau pakhatkhat na parah thinhennak a nei ti na thei a si ahcun,
24 biakòheng hmaiah na laksawng cu taanlawk awla zamrang zet in na unau hnenah feh tahrat in remnak va tuah aw; cule rasal awla na laksawng cu Pathian hnenah pe aw.
25 “Mi pakhatkhat in a lo khiing ih zungih a lo thlenpi a si ahcun, zung nan thlen hlan a tikcu um lai ah amah thawn remnak va tuah aw. Zung a lo thlenpi hnu ahcun thuòhentu kut ah a lo pe dingih thuòhentu in palik hnenah a lo pe lala dingih thawng ah thlak na si ding.
26 Fiang tein ka lo sim, an lo cawhmi tangka na kuan òheh hlan lo thawng sungah na um ding.
Òaangòawm Sualnak Thu
27 “Òaangòawm sualnak nan tuah lo pei, an ti òheumi nan thei.Ref 5.27 Suah 20:14; Daan 5:18;
28 Asinan kei cun: Nunau kha hahio mit in a zohtu cu a thinlung in cunu thawn òaangòawm sualnak a tuah zo, tiah ka lo ti.
29 Curuangah na vorhlam mit in a lo sualter asile phorh awla hlon aw. Na ruangpi hell sungih hlon tuar hnak cun na taksa òhen pakhatkhat na sun cu na hrangah a òha sawn.Ref 5.29 Mat 18:9; Mar 9:47;
30 Na vorhlam kut in a lo sualter le sattan awla hlon aw. Na ruangpi hell sungih hlon tuar hnak cun na kutke pakhatkhat tan a si cu na hrangah a òha sawn.Ref 5.30 Mat 18:8; Mar 9:43;
Nupi Maaknak Thu
31 “Zokhal in a nupi a maak asile maaknak ca ken seh, timi nan thei.Ref 5.31 Daan 24:1-4; Mat 19:7; Mar 10:4;
32 Asinan kei cun: Mi pakhat in a nupi kha, mipa dang thawn sualnak ruangah siar lo, a maak asile, a nupi cu pasal a neih tikah òaangòawm sualnak tuahtu a siter. Curuangah cupa cu misual a si. Cutiih a maak minu a òhitu pa khal òaangòawm sualnak tuahtu a si ve.Ref 5.32 Mat 19:9; Mar 10:11, 12; Luk 16:18; 1 Kor 7:10, 11;
Thukamnak Thu
(Mat 19:9; Mar 10:11-12; Luk 16:18)
33 “Khuahlan lai ahcun ‘Nan thukam pelhter hlah uh, Bawipa hnenih thu nan kammi cu tuahsuak uh,’ an ti òheumi nan thei.Ref 5.33 Pui 19:12;
34 Asinan kei cun hitiin ka lo sim: Thukamnak nan tuah tikah ziangtik hmanah siatcam in tuah hlah uh. Vancung hmin saal in thu kam hlah uh, ziangahtile Pathian tonak a si.Ref 5.34 Jeim 5:12
35 Leilung hmin saal khalin thu kam hlah uh, ziangahtile Pathian ke retnak a si. Jerusalem hmin saal khalin kam hlah uh, ziangahtile Siangpahrang maksak umnak khuapi a si.Ref 5.35 Isa 66:1;
36 Nan lu saal khalin thu kam hlah uh, ziangahtile nan lu parih sam phangkhat hman kha nan dumter thei lo ih nan rangter thei fawn lo.
37 ‘A si,’ ‘a si lo,’ ti lawng hi sim uh; cuih hlei cu miòha lo Khawsia hnen ihsin a suakmi an si.
Phulei Samnak Thu
38 “Mit ai ah mit, ha ai ah ha, tiih an simmi cu nan thei.Ref 5.38 Suah 21:24; Pui 24:20; Daan 19:21;
39 Sikhalsehla kei cun hitiin ka lo sim. A lo tisiattu parah phulei va sam hlah uh; mi pakhatkhat in na vorhlam biang ah a lo beeng asile na kehlam biang khal tun lawlaw aw.
40 Cule mi pakhatkhat in na angki duh ah thuòhennak zung tiang a lo thlenpi asile na kawt angki khal pe lawlaw aw.
41 Cun a lo uktu ralkap pakhatkhat in a thilri peng khat phur dingin a lo fial a si ahcun peng hnih tiang va phurhsak aw.
42 Mi pakhatkhat in thil pakhatkhat a lo dil a si ahcun va pe aw; na thil cawi a duhtu hnenah va coih aw.
Ral Pawl Duhdawtnak
(Luk 6:29-30)
43 “Nan rualpi nan duhdawt pei ih nan ral pawl nan hua pei,” timi cu nan thei zo.Ref 5.43 Pui 19:18;
44 Asinan kei cun hitiin ka lo sim: Nan ral pawl duhdaw uhla a lo hremtu pawl hrangah thlacam uh;
45 cuticun vancung ih a ummi nan Pa ih fa nan si ding. Ziangahtile Pathian in miòha le miòha lo tlunah bangrep in ni a tlangter ih thil òha a tuahtu le thil sia a tuahtu tlunah bangran in ruah a surter.
46 A lo duhtu lawng nan duh a si ahcun ziangahso Pathian in laksawng a lo pek ding? Siahkhongtu hman in cubangtuk cun an tuah ve a si!
47 Nan rualpi òha pawl lawng nan biak òhat a si ahcun midang nan hleihnak ziangso a um cuang? Pathian bia lomi hman in cuvek cu an tuah a sisi!
48 Vancung ih a um nan Pa a famkim vekin nannih khal nan famkim ve pei.Ref 5.48 Daan 18:13;