7
Mi Soisel Hlah
(Luk 6:37-38, 41-42)
1 “Mi va soi hlah; cuticun Pathian in a lo soi ve lo ding.
2 Ziangahtile mi na soi vekin nangmah khal Pathian in a lo soi ve dingih midang parih na hmanmi tahfung in Pathian in a lo tah ve ding.Ref 7.2 Mar 4:24;
3 Na mit sungih thingtum hman poisa lo in na unau mit sungih mithnawm fate kha ziangahso na poisat?
4 Na mit sungah thingtum a um nacingin ziangtinso na unau cu ‘Na mithnawm ka lo coih sak ding,’ tiih na ti thei?
5 Mititer aw pa! Na mit sungih thingtum kha suah hmaisata awla cuticun na unau mit sungih mithnawm cu fiang tein na hmu thei dingih na coih sak thei ding.
6 “A thianghlimmi thil kha uico va pe hlah uh; her tahrat in nanmah riangri sawp seksek in a lo keu ding. Nan keplung mankhung pawl cu vok hmaiah thlak hlah uh; a ke in a pal lak men ding a si.
Dil Uh, Hawl Uh, King Uh
(Luk 11:9-13)
7 “Dil uh, nan ngah ding; hawl uh, nan hmu ding; king uh, nan hrangah sangka on a si ding.
8 Ziangahtile a diltu hmuahhmuah cun an ngah ding, a hawltu hmuahhmuah cun an hmu dingih a kingtu hmuahhmuah hrangah sangka cu on sak an si ding.
9 Nan faate pawl in sang an lo dil asile, nannih pale pawl in lungto nan pe ding maw?
10 Nga lo dil hai sehla rul nan pe ding maw?
11 Miòha lo zet nan si nain nan faate pawl hrangah cun a òhami thil pek nan thiam a si ahcun vancung ih a ummi nan Pa in a diltu hnen ahcun ziangtinso thil òha pek lo in a um ding.
12 “Mi in kan parah tuah hai seh ti nan duh vekin midang parah tuah ve uh. Himi hi Moses Daan le profet pawl thuzirhnak ih sim duhmi taktak cu a si.Ref 7.12 Luk 6:31;
Kotka Fiak
(Luk 13:24)
13 “A fiakmi kotka sungin feh uh, ziangahtile hell fehnak kotka cu a kau ih a lamzin khal a ol; curuangah a zawhtu khal an tam a si.
14 Sikhalsehla nunnak sungih luhnak kotka cu a fiak ih a fehnak lamzin khal a har; curuangah a thleng suaktu cu mi malte an si.
Thingkung Le A Rah
(Luk 6:43-44)
15 “Profet deu pawl khi ralring uh; an lenglam cun tuu bangin nan lakah an tlang; asinain an sunglam cu cinghnia hrang vek an si.
16 Mi ziangvek an si, ti cu an tuahmi in nan thei ding. Hling kung ihsin sabit a rah dah lo; lenhling khalin theipi a rah dah keel lo.
17 A harhdammi thingkung òha cun rah òha a rah ih thingkung òha lo cun rah sia a rah.
18 A harhdammi thingkung cun rah sia a rah thei lo ih thingkung òha lo cun rah òha a rah thei ve lo.
19 Cule rah òha a rah lomi thingkung cu an hau ih meisa sungah an paih òheu.Ref 7.19 Mat 3:10; Luk 3:9;
20 Cuvekin profet deu pawl cu an tuahmi in nan theithiam ding.Ref 7.20 Mat 12:33;
Ka Lo Thei Dah Lo
(Luk 13:25-27)
21 “‘ Bawipa, Bawipa,’ tiih i kotu hmuahhmuah in vancung Uknak an thleng thluh lo ding; vancung ih a ummi ka Pa ih duhnak a tuahtu lawnglawng an thleng ding a si.
22 Thuòhen Ni a thlen tikah mi tampi in ‘ Bawipa, Bawipa, na hmin in thu kan sim, na hmin in khawsia tampi kan dawisuak ih mangbangza tampi kan tuah,’ tiah ka hnenah an ti ding.
23 Asinan kei cun, ‘Ka lo thei dah lo! Ka hnen ihsin tlan uh, nannih miòha lo pawl!’ tiah ka ti hai ding.Ref 7.23 Saam 6:8;
Inn Saktu Pahnih
(Luk 6:47-49)
24 “Curuangah hi ka òongmi a thei ih a thluntu cu lungpi parih inn saktu mifim pa bangtuk a si.
25 Ruah napi in a sur, ti a lian ih thlipi in a nuai ciamco nain lungpi parih sakmi inn a si ruangah a sawn lo.
26 “Sikhalsehla hi ka òongmi a thei nain a thlun lotu cu vunnel parih inn saktu mi-aa bangtuk a si.
27 Ruah napi in a sur, ti a lian ih thlipi in a nuai tikah a sawn mai; a tlu ih a siatbal thluh a si,” tiah a ti.
Jesuh Thuneihnak
28 Jesuh in hi thu hmuahhmuah a sim òheh tikah misenpi pawl cu a thuzirhmi kha an mang a bang ngaingai.
29 Anih cun Daanthiam pawl vek si lo in thunei zet in thu a zirh a si.Ref 7.28, 29 Mar 1:22; Luk 4:32;