18
Zoso A Tum Bik
(Mar 9:33-37; Luk 9:46-48)
1 Cuih caan ah dungthluntu pawl cu Jesuh hnenah an ra ih, “Vancung Uknak ah zoso a tum bik?” tiah an sut.Ref 18.1 Luk 22:24;
2 Cutikah Jesuh in nauhakte pakhat a ko ih an hmaiah a dinter hnuah,
3 “Fiang tein ka lo sim: Nan thinlung nan thleng ih hi nauhakte bangtuk nan si lo ahcun vancung Uknak sungah nan lut dah lo ding.Ref 18.3 Mar 10:15; Luk 18:17;
4 Mi tangah a dor ih hi nauhak bangtuk a simi cu vancung Uknak sungah a tum bikmi a si.
5 Cun ka hmin in hibangtuk nauhakte a cohlangtu cu keimah a cohlangtu a si.
Sualforhnak
(Mar 9:42-48; Luk 17:1-2)
6 “Zokhal in hi nauhakte pakhatkhat keimah i zumnak ihsin a pialtertu cu a hngawng ah fangcang rialnak lungtum thlaih tahrat in tifinriat sungah thlak sisehla amah ih hrangah a òha sawn.
7 Leilungtlun ahhin zumnak pialtertu thil tampi an um hi a poi ngaingai. Cubangtuk cu a um ringring ko ding; cutiih mi a pialtertu pawl cu an hrangah a poimawh bik miangmo a si.
8 “Nan kut in siseh, nan ke in siseh, nan zumnak a lo pialter a si ahcun tan uhla hlon uh. Kut pahnih le ke pahnih thawn kumkhua meisa sungih nan tlak hnak cun kut lo le ke lo in nunnak sungih nan luh a òha sawn.Ref 18.8 Mat 5:30;
9 Cule nan mit in nan zumnak a hlohter a si ahcun phorh uhla hlon uh. Mit pahnih thawn hell meisa sungih tlak hnak cun mit pakhat lawng thawn nunnak sungih luh a òha sawn.Ref 18.9 Mat 5:29;
A Hlomi Tuu Tahòhimnak
(Luk 15:3-7)
10 “Hibangtuk nauhakte nan zawmtai lonak dingah ralring uh. Fiang tein ka lo sim: Anmah kilvengtu vancungmi pawl cu vancung ih ka Pa ih hmaiah an um ringring a si.
11 Milai Fapa cu a hlomi hawl dingah a ra.
12 “Tuu zakhat a neimipa in a tuu pakhat a hloh le ziang a tuah ding tiah nan ruat? Tlang parih hrampi a piat reromi a tuu sawmkua le pakua cu a tanta dingih a hlomi tuu pakhat hawl dingah a feh ding.
13 Fiang tein ka lo sim: A hmuh tikah a hlo lomi sawmkua le pakua hnakin a hlomi tuu pakhat parah a lung a awi sawn a si.
14 Cubangtuk òhiamòhiam in vancung ih a ummi nan Pa in hi nauhaktete lakih pakhat hman hlo dingah a siang lo a si.
A Sualmi Unau
15 “Nan unau pakhat nan parih a sual ahcun va feh uhla a sualnak va sim uh. Asinan zohman ih theih lo in nanmah lawng tong aw uh. Nan thu a lo ngai a si ahcun nan unau nan ngahsal a si.Ref 18.15 Luk 17:3;
16 Asinan nan thu a ngai lo a si ahcun theihpitu pakhat maw pahnih maw fehpi uh. Ca Thianghlim in, “Sual puhawknak hmuahhmuah cu theihpitu pahnih maw, cuhnak tam maw um hai seh,” a ti vekin na fehpi mi cu thutheitu an si ding.Ref 18:16: Daan 19:15
17 Cule nan thu a ngai lo a si ahcun a thuhla pawl kim tein kawhhran hnenah nan sim pei. A netnak ah kawhhran ih thu khal a ngai lo a si ahcun amah cu khawvelmi a si lo ah siahkhongtu tluk ah va ruat uh.
Khammi Le Kham Lomi
18 “Cun nan zate in ka lo sim: Leilungtlun ih nan khammi cu vancung khalah kham a si ve ding; cule leilungtlun ih nan thlahmi cu vancung khalah thlah a si ve ding.Ref 18.18 Mat 16:19; Joh 20:23;
19 “A dang ka lo sim hrih ding: Leitlun ah thlacam in nan dilmi thu ah mi pahnih nan lungkim tlang in thla nan cam a si ahcun vancung ih a ummi ka Pa in a lo tuah sak ding.
20 Ziangahtile ka hmin in mi pahnih siseh, pathum siseh, nan pumkhawm tikah nan hnenah ka um ve a si,” tiah a ti.
Mi Ngaidam Lo Hnenum
21 Cun Jesuh hnenah Piter cu a ra ih, “ Bawipa, ka unau pakhatkhat ka parih a sual ahcun vei ziangzat tiangso ka ngaidam ding? Vei sarih tiang maw?” tiah a sut.Ref 18.21-22 Luk 17:3-4;
22 Jesuh in, “Si hlah ee, vei sarih tiang lawng a si lo; vei sawmsarih ih let sarih tiang na ngaidam pei;Ref 18.22 Sem 4:24;
23 ziangahtile vancung Uknak cu hibangtuk in a si. Veikhat ah Siangpahrang pakhat a um ih a hnenum pawl ih hnaòuan daan kha zingzoi a tum.
24 A zingzoi pekte ah tangka thawng tampi a baaktu a hnenum pakhat a hnenah an run hruai.
25 Cuih hnenumpa cun leiba samnak tangka zianghman a nei lo. Curuangah siangpahrang in cupa cu a leiba kuannak dingah a nupi le a faate pawl le a neihmi hmuahhmuah thawn sal ih zuar òheh dingin thu a pek.
26 Siangpahrang hmaika ah hnenumpa cu a bok ih, ‘I zangfah awla i hngak hrih hram aw. Ka lo kuan òheh ko ding,’ tiah a dil ciamco.
27 Siangpahrang cun a zangfah ih a leiba cu a olh ih a thlah.
28 “Cule cupa cu a feh ih amah leiba malte a rak baaktu a hawipi hnenumpa pakhat a tong. Cupa cu a kai ih a hngawng in a deek ih, ‘I bakmi i pe aw,’ tiah a ti.
29 Cuih hnenumpa cu a bok ih, ‘I zangfah awla i hngak hrih hram aw. Ka lo kuan ko ding,’ tiah a dil ciamco.
30 Asinan a ngaidam duh lo. A leiba a kuan òheh hlan lo thawng ah a thlak.
31 Cumi cu hnenum dang pawl in an hmuh tikah an thin a nuam lo ngaingai ih siangpahrang hnenah an feh ih cuih thuhla cu an va sim òheh.
32 Cutikah siangpahrang in cuih hnenumpa cu a ko ih, ‘Nang sal òha lo. I dil ciamco ruangah i bakmi hmuahhmuah ka lo olh a si.
33 Na parih zangfahnak ka neih vekin na hawipi parah zangfahnak nei ve ding mawi na si,’ tiah a ti.
34 Siangpahrang cu a thin a heng ngaingai ih cupa cu a leiba zate ih a sam òheh hlan lo thawng ah a thlak,” a ti.
35 Cule Jesuh in, “Zokhal nan unau kha nan thinlung ngaingai in nan ngaidam lo a si ahcun vancung ih a ummi ka Pa in cuih hnenumpa bangtukin a lo tuah ve ding a si,” tiah a sim.