19
Nupa Òhennak Thu
(Mar 10:1-12)
1 Cuih thu pawl cu Jesuh in a sim òheh tikah Galilee ihsin a suak ih Judea ram, Jordan tiva khatlam ralah a feh.
2 Mi tampi in an thlun ih cutawkah mina tampi a damter.
3 Farasi mi hrekkhat a hnenah an ra ih a sual hawl duh ah, “Ziangvek thu khalah mipa in a nupi maak dingah kan Daan in a thlah maw?” tiah an sut.
4 Jesuh in, “A hramthokah Semsuahtu in nu le pa a tuah, ti kha Ca Thianghlim sungah nan siar dah lo maw?Ref 19.4 Sem 1:27; 5:2;
5 Cutawkah Pathian in ‘Cu a si ruangah mipa in a nu le a pa a tanta pei ih a nupi thawn an kom aw ding; cuticun annih pahnih cu pakhat ah an cang pei,’ a ti.Ref 19.5 Sem 2:24;
6 Curuangah annih cu pahnih an si nawn lo, pakhat an si. Pathian ih a kommi cu zohman in òhen hlah hai seh,” tiah a ti.
7 Farasi pawl in, “Cuti asile ziangahso Moses in ‘Mipa in a nupi kha maaknak ca pe aw sehla fehter seh,’ tiah daan in pek?” tiah an sut.Ref 19.7 Daan 24:1-4; Mat 5:31;
8 Jesuh in, “Thuzirh nan har tuk ruangah Moses in nupi maak theinak thu a lo pekmi a si. Asinan a hlanah cun cuvek a rak si lo.
9 Fiang tein ka lo sim: Mi pakhat in a nupi kha mipa dang thawn zum tlak lo in a um ti siar lo, a maak ih nupi dang a òhit asile cupa cu òaangòawm sualnak tuahtu a si,” tiah a ti.Ref 19.9 Mat 5:32; 1 Kor 7:10-11;
10 Dungthluntu pawl in, “Nupi le pasal karlak ah hibangtuk si ding a si ahcun òhi aw lo in um lawlaw hai sehla a òha sawn,” tiah Jesuh cu an ti.
11 Cutikah Jesuh in, “Cuih nan timi cu mi hmuahhmuah hrangah a si lo; Pathian ih vo zemmi pawl hrang lawngah a si.
12 Mipa in nupi an òhit lonak san cu a thu a phunphun a um; mi hrek cu cutiih um dingah an suahpimi a si; mi hrek cu nupi òhi lo dingah tilpermi an si ih mi hrek cu vancung Uknak ih ruangah nupi òhi lo in an um. Cubangtuk ih a thlun theitu pawl cun hi thuzirhnak hi thlun ko hai seh,” tiah a ti.
Nauhak Pawl Thluasuah A Pek
(Mar 10:13-16; Luk 18:15-17)
13 Mi òhenkhat in an faate pawl kha Jesuh in an lu parah kut suangin thlacam sak dingah an rak hruai; asinain dungthluntu pawl in an rak kawk.
14 Jesuh in, “Nauhak pawl cu ka hnenah ra ko hai seh, dawn hlah uh; ziangahtile vancung Uknak cu hibangtuk pawl hrangah a si,” tiah a ti.
15 An lu parah a kut a suan hnuah cutawk ihsin a feh.
Milian Tlangvalpa
(Mar 10:17-31; Luk 18:18-30)
16 Veikhat ah mi pakhat Jesuh hnenah a ra ih, “Sayapa, kumkhua nunnak co dingah ziang thil òha so ka tuah ding?” tiah a sut.
17 Jesuh in, “Thil òha thu ah ziangahso i sut? Miòha Pakhat lawng a um. Nunnak co na duh ahcun thukham pawl thlun aw,” tiah a ti.
18 Tlangvalpa cun, “Ziangbangtuk thukham so?” tiah a sut. Jesuh in, “Mi that hlah; òaangòawm sualnak tuah hlah; ruk ru hlah, a dik lo in misual puh hlah;Ref 19.18 Suah 20:13-16; Daan 5:17-20;
19 na nu le na pa upat aw; na innhnen kha nangmah na duhdawt awk vekin duhdaw aw,” tiah a ti.Ref 19.19 Suah 20:12; Daan 5:16; Pui 19:18;
20 Tlangvalpa in, “Hi thukham pawl cu ka thlun thluh zo. Ziangso ka tuah hrih ding?” tiah a sut.
21 Jesuh in a hnenah, “Mi famkim si na duh ahcun va feh awla na neihmi hmuahhmuah zuar tahrat in na ngahmi tangka cu mifarah pawl va òhen aw; cuticun vancung ah hlawnthil na nei ding. Cuih hnuah i thlun aw,” tiah a ti.
22 Cumi cu tlangvalpa in a theih tikah riah sia in a kir, ziangahtile milian zet a si.
23 Cutikah Jesuh in a dungthluntu pawl hnenah, “Fiang tein ka lo sim: Milian hrangah vancung Uknak sungih luh cu a har ngaingai a si.
24 Ka lo simsal: Kalauk pakhat òhim hnakua sungih luh hnakin milian pakhat Pathian Uknak sungih luh a har sawn,” tiah a ti.
25 Cumi cu dungthluntu pawl in an theih tikah an mang a bang ngaingai ih, “Cuti asile zoso runnak a ngah thei ding,” tiah an sut.
26 Jesuh cun hmaiton tein a zoh hai ih an hnenah, “Himi hi minung hrangah cun a si thei lomi a si, sikhalsehla Pathian hrangah cun ziang hmuahhmuah a cang thei,” tiah a ti.
27 Cule Piter in, “Ziangtinkim taan in nangmah kan lo thlun zo. Ziangso kan ngah ding?” tiah a sut.
28 Jesuh in an hnenah, “Fiang tein ka lo sim: San Thar a thlen ih Milai Fapa cu a tohkham sunglawi parih a to tikah cun nannih ka dungthluntu hleihnih hi Israel miphun hleihnih uktu si ve dingah tohkham parah nan to ve ding.Ref 19.28 Mat 25:31; Luk 22:30;
29 Cule zokhal keimah ih hrangah nu le pa siseh, faate siseh, unau siseh, farnu siseh, inn siseh, lo siseh, a tantatu cu a let zakhat in a ngahsal dingih kumkhua nunnak pek a si ding.
30 Sikhalsehla atu ih hmaisabik a simi pawl hi netabik an si leh ding; atu ih netabik a simi pawl hi hmaisabik an si ding,” tiah a ti.Ref 19.30 Mat 20:16; Luk 13:30;