17
Jesuh Ih Hmuihmel Thlengnak
(Mar 9:2-13; Luk 9:28-36)
1 Ni ruk hnuah Jesuh in Piter le Jeim le a nau Johan kha tlang sangpi parah a kaipi ih anmah lawng an um.
2 Cule an mithmuh rori ah Jesuh cu a hmuihmel a thleng aw; a hmai cu ni bangin a tleu ih a hnipuan cu mi tlet thei khopin a raang.
3 Cuih hnuah dungthluntu pathum cun Moses le Elijah kha Jesuh thawn thu ruah aw rero in an hmu.
4 Cule Piter in, “ Bawipa, hitawkih kan um hi a òha tuk; na duhmi a si ahcun riahbuk pathum in ka sak ding; pakhat cu na hrangah, pakhat cu Moses hrangah, pakhat cu Elijah hrangah,” tiah Jesuh hnenah a ti.
5 Cutiih a òong rero lai ah a tleu zetmi mero in a run zel hai ih mero sungin aw pakhat in, “Hi pa cu ka duhdawt zetmi ka Fapa a si; a parah ka lung a kim zet,Ref 17.5 2 Pit 1:17-18; a thu ngai uh,” tiah a ti.Ref 17.1-5 Sem 22:2; Daan 18:15; Saam 2:7; Isa 42:1; Mat 3:17, 12:18; Mar 1:11; Luk 3:22;
6 Cuih aw cu dungthluntu pawl in an theih tikah an òih tuk ih leilung ah an bok.
7 Jesuh cu a ra ih a tham hai. “Tho uh, òih hlah uh,” a ti.
8 Cutikah an hun zoh ih Jesuh lawng a si kha an hmu.
9 Tlangpar ihsin an rung òum tikah Jesuh in, “Hi nan hmuhmi hi Milai Fapa thihnak ihsin thawhter a si hlan cu zohman nan sim lo pei,” tiah fel tein a cah.
10 Cule dungthluntu pawl in Jesuh cu, “Ziangahso Daanthiam pawl in Elijah a ra hmaisa ding tiah an ti?” tiah an sut.Ref 17.10 Mal 4:5;
11 Jesuh in, “Elijah cu a ra hmaisa taktak dingih ziang hmuahhmuah amah in a rak timtuah cia ding a si.
12 Asinan ka lo sim: Elijah cu a ra thleng zo ih mi in zo a si, ti an theih lo ruangah an duhtawk in an tuahsiat a si. Cuvek thotho in Milai Fapa khal hi an tuahsia ve ding,” a ti.Ref 17.12 Mat 11:14;
13 Cutikah dungthluntu pawl in a simmi hi baptisma petu Johan ih thuhla a si, ti kha an theithiam.
Jesuh In Khawsia Polhmi A Damter
(Mar 9:14-29; Luk 9:37-43a)
14 Misenpi hnenih an kirsal tikah mi pakhat cu Jesuh hnenah a ra ih a hmaiah khukbil tahrat in,
15 “ Bawipa, ka fapa hi zangfah hram aw. Merai a nei ih a nat a thawh tikah cun awloksong ngaingai a si; meisa sung le tidai sung tla ah a paih aw òheu.
16 Na dungthluntu pawl hnenah ka ratpi nain an damter thei lo,” tiah a ti.
17 Jesuh in, “Maw zumnak mal le misual mipalh pawl! Ziangtik tiang so ka lo umpi hrih ding? Ziangtik tiang so ka lo zawi hrih hai ding? Nauhakpa cu ka hnenah ratpi uh,” tiah a ti.
18 Jesuh in khawsia cu suak dingin a kawk ih nauhakpa ih sung ihsin khawsia cu a suak; cuihsin nauhakpa cu a dam.
19 Cun dungthluntu pawl cu zohman ih theih lo in Jesuh hnenah an ra ih, “Ziangahso kannih hmuah in kan dawisuak thei lo?” tiah an sut.
20 Jesuh in, “Nan zumnak a mal ruangah a si. Fiang tein ka lo sim: Anòam ci tia zumnak nan neih ahcun hi tlang hi ‘Hitawk ihsin khitawkah òhawn aw,’ nan ti ahcun a òhawn ding. Ziang hmuahhmuah nan tuah thei ding a si,” tiah a ti.Ref 17.20 Mat 21:21; Mar 11:23; 1 Kor 13:2;
21 ‘Asinan thlacamnak le rawl ulhnak lawng in a dawi thei a si,’ tiah a ti.
Jesuh In A Thihnak Thu A Simsal
(Mar 9:30-32; Luk 9:43b-45)
22 Dungthluntu pawl cu an zate in Galilee ih an tonkhawm awk tikah Jesuh in an hnenah, “Milai Fapa hi milai kut ah pek a si cing dingih an that ding.
23 Asinan ni thum ni ah thawhtersal a si ding,” tiah a sim.
Dungthluntu pawl cu an riah a sia ngaingai.
Biakinn Ngunkhuai Peknak
24 Jesuh le a dungthluntu pawl cu Kapernaum khua an thlen tikah biakinn ngunkhuai khongtu pawl Piter hnenah an ra ih, “Nan Sayapa hin biakinn ngunkhuai a pe maw?” tiah an sut.Ref 17.24 Suah 30:13; 38:26;
25 Piter in, “A si, a pe,” tiah a ti.
Piter cu inn sungih a luh tikah Jesuh a òong hmaisa ih, “Simon, ziangtin na ruat? Hi leitlun siangpahrang hnenah zo in so ramdang ihsin thil luhpi man, asilole ngunkhuai an pek? Ramsung mi in maw, ramdangmi in so?” tiah a sut.
26 Piter in, “Ramdangmi in,” tiah a let.
Jesuh in, “A òha, cuti a si ahcun ramsung mi cun pek a òul lo tinak a si cu!
27 Asinan hi mi pawl thinhengter kan duh lo. Curuangah tili ah va feh awla sio va thlak aw. Na awh hmaisabikmi nga kaa sungah nang le kei hrangah biakinn ngunkhuai pek ding tawkin tangka na hmu ding. Cumi cu la awla va pe aw,” tiah a ti.