4
Bawipa Ih Ni A Ra Thleng Ding
1 Ziangkimtithei Bawipa in, “Somei bangin a lingmi meisa ling a ra thleng ding. Mi puarthau le miòha lo pawl fangkung ro vekih ur an sinak ni a ra thleng cing ding. Cuih ni ah annih pawl cu meisa in ur òheh an si dingih an hram le an hnge zianghman a tang lo ding.
2 Sikhalsehla ka thu a ngaitu nannih pawl hrangah cun ka mi runnak huham nan parah ni bangin a tlang dingih ni tleunak in harhdamnak a pek vekin nan parah damnak a thlengter ding. Caw faate caw inn ihsin an suahmi vekin luat zet le lungawi zet in nan um ding.
3 Ka cangvaih ni ahcun miòha lo pawl cu nan neh dingih nan ke tangih leivut vek an si ding.
4 “Israel mi hmuahhmuah ih thlun dingah Sinai Tlang ah ka siahhlawh Moses hnenih ka pekmi daan pawl le thukham pawl le Moses ih thuzirhmi pawl cu ciing ringring uh.
5 “Sikhalsehla a maksakmi le òihnungza a simi Bawipa ih ni a ra thlen hlanah nan hnenah profet Elijah ka run thlah ding.Ref 4.5 Mat 11:14; 17:10-13; Mar 9:11-13; Luk 1:17; Joh 1:21;
6 Amah in pa le faale pawl hmunkhat ah a finkhawmsal ding; culo ahcun keimah ra in nan ram hi ka siatsuah pang ding,” tiah a ti.