3
1 Ziangkimtithei Bawipa in “Ka hrangih lamzin sialtu dingah ka palai ka thlah ding. Cule nan hawl reromi Bawipa cu a Biakinn ah rinlopi in a ra ding. Nan hngakhlap zetmi ka palai cu a ra dingih ka thukamnak cu a ra phuang ding,” tiah a ti.Ref 3.1 Mat 11:10; Mar 1:2; Luk 1:76; 7:27;
2 Sikhalsehla a ra thlen ni cu zoso a tuar thei ding? A lang ngaingai tikah cun zoso a luat thei ding? Thil sawpnak satpia vek le thir hman a thiangfaitertu meisa vek a si ding.Ref 3.2 Thup 6:17;
3 Ngun a tiiter ih a thiangtertu vekin thuòhen dingah amah cu a ra ding. Thir sertu in sui le ngun a thianfaiter vekin Bawipa ih palai cun puithiam pawl a thiangfaiter dingih cuticun a dikmi thawinak kha Bawipa ih hnenah an rak keng ding.
4 Cule hlanlai ih a rak si vekin Judah mi le Jerusalem mi pawl ih pekmi thawinak cu Bawipa lungawitertu a sisal ding.
5 Ziangkimtithei Bawipa in, “Nan thu òhen dingah nan hnenah ka ra dingih dawithiam pawl, òaangòawm sualnak a tuahtu pawl, tetti dik lo pawl, hnaòuantu pawl ih nihlawh a ei saktu pawl, nuhmei le ngakòah farah le ramdangmi pawl parih miatnak a hawltu pawl le i upat lotu pawl hmuahhmuah parah mawhnak pe in thu ka òhen ding a si,” a ti.
Òhenhra Òhenkhat Peknak
6 Bawipa in, “Keimah hi Bawipa cu ka si ih a thlengaw dah lomi ka si. Curuangah nannih Jakob tesinfa pawl cu nan cimit hrih lo a si.
7 Nanmah hlanih nan pupa pawl vek thotho in nannih khal ka daan pekmi pawl ihsin nan pial ih zianghman nan thlun lo a si. Keimah lam hoikir uhla nan lam ka hoikir ve ding. Asinan nannih cun, ‘Na hnenih ra kirsal dingah ziangso kan tuah ding?’ tiah nan sut.
8 Kei khalin ka lo sut ve hnik pei: Mi pakhat in Pathian ta fir hi a dik nan ti maw? A dik lo ti cu zapi theih a si, asinain nannih cun nan fir thotho. ‘Ziangtinso kan lo fir?’ tiah nan sut hrih. Òhenhra òhenkhat le thawhlawm nan pek lo tikah nan fir a si.
9 Nan zate parah siatcamnak a thleng, ziangahtile nan miphunpi in ka ta in fir ruangah a si.
10 Biakinn ah nan òhenhra òhenkhat cu kim tein rak keng uhla rawl tampi a um ding. I hniksak hnik uh, vancung sangka pawl ka ong dingih nan hrangah thil òha a phunphun ka run burh ding.Ref 3.10 Pui 27:30; Mipum 18:21-24; Daan 12:5-7; 14:22-29; Neh 13:12;
11 Nan lo rawl pawl cucik kharbok in an siatsuah lo dingih nan sabit hri parah sabit rah a bawr in a rah ding.
12 Cuticun miphun hmuahhmuah in malsawm dong, mi lungawi tiah an lo ti ding, ziangahtile nan ram cu ramòha le ramnuam a si ding,” tiah a ti.
Pathian Ih Zangfah Thukamnak
13 Bawipa in, “Ka thuhla cu mawi lo zetzet in nan rel. Asinan ‘Na thu kan relmi ziangso a um?’ tiah nan ti.
14 Nan simsuak rorimi cu ‘Pathian kan rian rero hi a lak a si. A simmi vekih tuah hi ziangso a òhathnem? Kan tuah sualmi kan sir aw ih kan riahsiatnak Ziangkimtithei Bawipa ih hnenah langter tum rero hi ziangso sawtnak a um?
15 Kan hmuh cio vekin mi puarthau lehlam thluasuahnak an ngah ko a si! Miòha lo pawl mi neinung zetzet ah an cang ih tlunah thilsual tuah tahrat in Pathian thinsaunak an hniksak ih cawhkuannak zianghman tong lo in an luat ko a sisi!’ nan ti,” tiah a ti.
16 Cule Bawipa a òihzahtu pawl cu pakhat le pakhat an bia aw ih an òongmi cu Bawipa in a ngai ih a thei. A mit hmuh ah Bawipa a òihzahtu le a hmin a upattu pawl ih thuhla cu cabu sungah an khum a si.
17 Ziangkimtithei Bawipa in, “Anmah cu ka minung an si ding. Thil ka tuahsuak ni ahcun ka ta rori ah an cang ding. A pa a riantu fapa cu a pa in a zangfah òheu vekin anmah cu ka zangfah ding.
18 Cutikah a dingmi le a ding lomi parah ziangvek thil a thleng aw tile keimah i riantu le i rianlotu pawl ziangvek an cang ti cu ka minung pawl in an hmusal ding a si,” tiah a ti.