MATTHAI
(Matthew)
Nganmi Thuthangòha
Thuhmaihruai
Matthai Thuthangòha sungah Jesuh cu Thukam Hlun cabu sungih rak kam cia mi Runtu Bawipa a si, ti langternak ih nganmi a si. Pathian in Jesuh sungin a minung pawl hnenih a thukamnak a kimter ti tla a lang. Jesuh cu Judah mi sungin a suak ih a nung, asinain a Thuthangòha cu Judah mi hrang lawngah a si lo, leilung pumpuluk hrangah a si.
Matthai cabu hi ralring tein a sangsang ih nganmi a si. Jesuh suahnak in a thok ih cuih hnuah baptisma a laknak, sualforh a tuarnak le a thusimnak, a thuzirhnak le Galilee ih mi a damternak thu pawl an si. Hi thu pawl a ngan hnuah Jesuh cu Galilee in Jerusalem lamih khual a tlawnnak le a nun sungih zarh netabik thuhla a si ih thinglamtah parah an khennak le a thawhsalnak thuhla pawl an si.
Matthai Thuthangòha hin Jesuh cu zirhtu thiam zet a si, ti a langter ih Pathian pekmi Daan tla a simfiang theitu a si ih Pathian Uknak thu tla zirhtu a si, ti a langter fawn. A thuzirhmi hmuahhmuah hi òhennga ah òhen a theih.
(1) Tlangpar thuzirhmi sungah vancung Uknak sungih sungtel a simi pawl ih ziaza, òuanvo, covo le tumtah dingmi pawl a sim (Bung 5-7)
(2) Dungthluntu hleihnih pawl ih theih òulmi pawl (Bung 10)
(3) Vancung Uknak thu tahòhimnak pawl (Bung 13)
(4) Dungthluntu si hi a tican ziang an si, ti zirhnak le (Bung 18)
(5) Hi sancemnak le a ra lai dingmi vancung Uknak thu pawl (Bung 24-25)
1
Jesuh Khrih Suahkehnak
1 Jesuh Khrih suahkehnak cu hibangtuk in a si. Amah cu Abraham ih cithlah David ih tesinfa a si.
2 Abraham ih fapa cu Isaak a si. Isaak ih fapa cu Jakob a si. Jakob ih fapa cu Judah le a unau pawl an si.
3 Judah ih fapa cu Perez le Zerah an si (an nu cu Tamar a si), Perez ih fapa cu Hezron a si, Hezron ih fapa cu Ram a si,
4 Ram ih fapa cu Amminadab a si, Amminadab ih fapa cu Nahshon a si, Nahshon ih fapa cu Salmon a si,
5 Salmon ih fapa cu Boaz a si (a nu cu Rahab a si), Boaz ih fapa cu Obed a si (a nu cu Ruth a si), Obed ih fapa cu Jesse a si. Jesse ih fapa cu siangpahrang David a si.
6 David san ihsin Israel mi pawl Babilon ramsal an taan tiang an pupa pawl cu a tanglam vekin an si. David ih fapa cu Solomon a si (a nu cu Uriah nupi a rak si.)
7 Solomon ih fapa cu Rehoboam a si, Rehoboam ih fapa cu Abijah a si, Abijah ih fapa cu Asa a si.
8 Asa ih fapa cu Jehoshafat a si, Jehoshafat ih fapa cu Joram a si. Joram ih fapa cu Uzziah a si.
9 Uzziah ih fapa cu Jotham a si, Jotham ih fapa cu Ahaz a si, Ahaz ih fapa cu Hezekiah a si,
10 Hezekiah ih fapa cu Manasseh a si, Manasseh ih fapa cu Amon a si, Amon ih fapa cu Josiah a si.
11 Josiah ih fapa cu Jehoiakhin le a unau pawl an si.Ref 1.11 2 Siang 24:14, 15; 2 San 36:10; Jer 27:20;
12 Babilon saltannak ihsin Bawi Jesuh suah tiang a tanglam vek an si. Jehoiakhin ih fapa cu Shealtiel a si, Shealtiel ih fapa cu Zerub-babel a si,
13 Zerub-babel ih fapa cu Abiud a si, Abiud ih fapa cu Eliakim a si, Eliakim ih fapa cu Azor a si,
14 Azor ih fapa cu Zadok a si, Zadok ih fa pa cu Akhim a si, Akhim ih fapa cu Eliud a si,
15 Eliud ih fapa cu Eleazar a si, Eleazar ih fapa cu Matthan a si, Matthan ih fapa cu Jakob a si,
16 Jakob ih fapa cu Josef a si, Josef cu Mari ih pasal a si, Mari in Messiah timi Jesuh a hring.
17 Curuangah Abraham ihsin David tiang san hleili, David ihsin Babilon ih sal an taan tiang san hleili, sal an taan ihsin Messiah a suah tiang san hleili a si.
Jesuh Khrih Suahnak
(Luk 3:23-38)
18 Jesuh Khrih suahnak cu hitiin a si. A nu Mari cu Josef thawn an ham aw ih an òhitawk hlanah Thlarau Thianghlim ih fa ka nei ding ti a thei.Ref 1.18 Luk 1:27;
19 A hamtu Josef cu miòha a si ruangah Mari kha mi hmaiah ningzak ih umter a duh lo ih an hamawknak cu a thup teih phelhsal a tum.
20 Cumi thu a ruah rero lai ah a mang ah Bawipa ih vancungmi pakhat a hnenah a lang ih, “David tefasin Josef, Mari hi na nupi ih òhit dingah òih hlah. Ziangahtile fa a vonnak hi Thlarau Thianghlim thawngin a si.
21 Amah in fapa a hring dingih a hmin ah Jesuh tiah na sak pei, ziangahtile a minung pawl kha an sualnak ihsin a run suak ding a si,” tiah a ti.Ref 1.21 Luk 1:31; Saam 130:8;
22 Bawipa in profet hnenin,
23 “Fala him pakhat in fa a vun dingih fapa a hring ding, a hmin ah Immanuel tiah an ko ding,” tiih a rak sim cia mi a kimnak dingah hibangtuk in thil a hungcang a si. (Immanuel ti mi cu, “Pathian kan hnenah a um,” tinak a si.)Ref 1.23 Isa 7:14;
24 Josef cu a hung òhang ih, Bawipa ih vancungmi ih a fial vekin Mari cu a òhit.
25 Asinan fapa a hrin hlantiang a ihpi lo. Fapa a hring ih a hmin ah Jesuh tiah a sak.Ref 1.25 Luk 2:21;