4
Thlaici Vorhtu Tahòhimnak
(Mat 13:1-9; Luk 8:4-8)
1 Jesuh in Galilee Tilikap ah thu a zirhsal. A kiangih a ra khawmmi minung pawl cu an tam tuk lawmmam ruangah lawng sungah a lut ih a to. Long cu tipar hlatnawn ah a um ih misenpi pawl cu tili kap tidai ri tiangin an ding.Ref 4.1 Luk 5:1-3;
2 Tahòhimnak hmangin thu tampi a zirh.
3 Jesuh cun, “Ngai hnik uh: Veikhat ah mipa pakhat a um ih thlaici vorh dingin lo ah a feh.
4 Lo sungih thlaici a vorh tikah a hrekkhat cu lamzin tluanah an tla ih vate in an ra sar thluh.
5 A hrekkhat cu leilung malnak lungsedaap lakah an tla. Leilung a sah lo ruangah thlaici cu hmakhat teah an kho.
6 Asinan ni a hung sa ih thlaikho a òo pekte pawl cu a hun sat. An hram a thuk lo ruangah thlaikho cu an car cing òheh.
7 A hrekkhat cu hlingbur lakah an tla; hlingkung pawl cu an òhangih thlaikho cu an zap ih vui le rah nei thei lo in an um.
8 Asinan thlaici hrekkhat cu leilung òhatnak ah an tla, òha tein an kho ih an òhangih vui an nei. A hrek cu a let sawmthum, a hrek cu a let sawmruk, a hrek cu a let zakhat tiangin thlai thar an suak,” tiah a sim.
9 A netnak ah, “Theihnak hna a neitu cun thei uh,” tiah a ti.
Hi Tahòhimnak Ih Tumtahmi
(Mat 13:10-17; Luk 8:9-10)
10 Jesuh cu amah lawng a um tikah a thusimmi a rak theitu hrekkhat pawl le dungthluntu hleihnih pawl a hnenah an ra ih a tahòhimnak pawl simfiang dingah an ra dil.
11 Jesuh in, “Pathian Uknak thuthup cu nan hnenah pek a si zo. Sikhalsehla lenglamih a ummi pawl cu tahòhimnak lawng in sim an si;
12 curuangah,
‘An zoh rero ding nain
an hmu lo ding;
An ngai rero ding nain
an thei thei lo ding.
Ziangahtile an hmuh thei ih
an theih thei ahcun,
Pathian hnenah an kir dingih
Ngaithiam an si ding,’Ref 4:12: Isa 6:9-10 tiah a ti.”
Hi Tahòhimnak A Simfiang
(Mat 13:18-23; Luk 8:11-15)
13 Cule Jesuh in, “Hi thlaici vorh tahòhimnak hi nan thei thei lo maw? Cu a si ahcun ziangtinso tahòhimnak dang teh nan theih thiam ding?
14 Thlaici vorhtu in Pathian thu a vorh.
15 Mi hrekkhat cu lamzin tluan ih a tlami thlaici bangtuk an si. Pathian thu cu an thei, asinain an theih ve tein Satan a ra ih an sungih tuh mi thu cu a lak sak.
16 Mi hrekkhat cu lungsedaap lakih a tlami thlaici bangtuk an si. Pathian thu an theih ve tein lungawi zet in an pom.
17 Sikhalsehla an sungah thukpi a pil lo ih rei a daih lo. Curuangah Pathian thu ruangih harsatnak le hremnak a thlen tikah hmakhat teah an leetsal.
18 Mi hrekkhat cu hlingbur lakih a tla mi thlaici bangtuk an si. Pathian thu cu an thei ngah,
19 asinain hi leilungtlun nunnak thu ih donharnak, len duhnak le a dang duhnak le helhkamnak dangdang in a òem ih a khuh ruangah rah an rah thei lo.
20 Midang cu leilung òhatnak ih a tlami thlaici bangtuk an si. Pathian thu cu an thei, an pom hnget ih rah an rah. Let sawmthum, let sawmruk le let zakhat tiangin an rah a si,” tiah a sim.
Kho Hnuai Ih Mei-inn
(Luk 8:16-18)
21 Jesuh in, “Zotal in mei-inn cu kho hnuai ah siseh, ihkhun hnuai ah siseh, nan re dah maw? Mei-inn vannak tung parah nan ret òheu a si lo maw?Ref 4.21 Mat 5:15; Luk 11:33;
22 A kelkawm ih thuhmi pawl kha mipi hmuh ah langter a si dingih a thup teih tuahmi pawl kha phuan òheh a si ding.Ref 4.22 Mat 10:26; Luk 12:2;
23 Theihnak hna a neitu cun thei uh,” tiah a ti.
24 Jesuh in an hnenah, “Nan theihmi kha òha tein ruat uh. Midang tahnak ih nan hmanmi kha Pathian in nanmah tahnak ah a hmang ve ding, cu hnakih nasa sawn hman in a hmang ding a si.Ref 4.24 Mat 7:2; Luk 6:38;
25 A neimi cu pek bet a si dingih a nei lomi cu a neihsunmi hman kha lak sak a si ding,” tiah a ti.Ref 4.25 Mat 13:12; 25:29; Luk 19:26;
A Òhangmi Thlaici Tahòhimnak
26 Jesuh in, “Pathian Uknak cu hibangtuk a si. Mi pakhat in a lo ah thlaici a vorh.
27 Zan ah a it, zingah a tho ih sun ah hna a òuan, cuih sungah thlaici cu an rak kho ih an òhang. Asinan ziangtin cuvekin a cang, ti a thei lo.
28 Leilung in thlaici kho cu a òhangter ih rah a rahter, hmaisabik ah hnah no an suak, cuih hnuah an vui ih netabik ah a fang an um.
29 A fang a cut tikah hnaòuantu pa in fang ah caan a cut ruangah fangahnak favah in a fang cu a at,” tiah a sim.Ref 4.29 Joe 3:13;
Anòam Ci Tahòhimnak
(Mat 13:31-32, 34; Luk 13:18-19)
30 Jesuh in, “Pathian Uknak cu ziangbangtuk a si tiin so kan ti ding? Simfiangnak ah ziang tahòhimnak so kan lak ding?
31 Anòam ci bangtuk a si. Mi pakhat in leilungtlun ih thlaici fate bik anòam ci cu a lak ih leilung ah a vorh.
32 Tikcu malte hnuah a kho ih rawl kung dang hnakin a tum bik ah a cang. Hnge le òek tum pipi tla a nei thei ih vate tla cu a hnah hnem ah bu tla an sak,” tiah a ti.
33 Hibangtuk tahòhimnak dangdang tla hmangin an hnenah an theih theinak ding tawpin thu a sim.
34 Tahòhimnak hmang lo in an hnenah thu a sim dah lo. Asinan a dungthlun pawl thawn anmah lawng ih an um tikah ziang hmuahhmuah fiang tein a sim.
Jesuh In Thlipi Hrang A Daihter
(Mat 8:23-27; Luk 8:22-25)
35 Cuih sun zanlam ah Jesuh in a dungthluntu pawl cu, “Tili ih khatlam ralah va feh uh si,” tiah a ti.
36 Curuangah misenpi pawl cu an taan ih dungthluntu pawl cu lawng sungah an lut. Cuih lawng sungah Jesuh cu a rak to zo ih lawng cun an fehpi. Cunah lawng dang pawl tla an um.
37 Rinlopi ah thlipi nasa zet in a hrang ih tilet tho cu lawng sungah a lut vivo ih lawng sungah cun tidai a khat zik thlang.
38 Jesuh cu lawng ih mei lamah a um ih tohkham parah a rak itthat. Dungthluntu pawl cun an òhang ih, “Sayapa, kan hlohral thluh ding hi na poisa lo maw si?” tiah an ti.
39 Jesuh cu a hung tho ih thlipi cu, “Hrang nawn hlah!” tiah thu a pe ih tilet cu, “Dai aw!” tiah a ti. Cutikah thli cu hrang nawn lo in a um ih tilet khal a dai khepkhep.
40 Jesuh in a dungthluntu pawl hnenah, “Ziangahso cuti lawmmam ih nan òih? Zumnak nan nei hrih lo maw si?” tiah a ti.
41 Cumi cu a mak tuk an ti ih an mang bangin pakhat le pakhat, “Hi pa hi zo bik so a si pei? Thlipi le tilet hman in a thu an ngai hi!” tiah an ti aw rero.