5
1 Jerusalem mi pawl, nan ralkap hmunkhat ah finkhawm uh! In kulh òheh zo! Israel hotu cu a biang ah thirfung in an thawi ding.
Pathian Thukammi Uktu
2 Bawipa in, “Maw Bethlehem Efratah, nang cu Judah peng ah khawfate bik pakhat na si nain na sungin Israel uktu ka suahter ding. A suahsemnak cu khuahlan lai, a liam zomi san ihsin a rak thok zo a si,” a ti.Ref 5.2 Mat 2:6; Joh 7:42;
3 Cuticun Bawipa in a minung pawl cu fa neitu ding nu in fapa a neih hlan sung hmuah an ral pawl kut sungah a tanta ding. Cuih hnuah a unau ralkaihnak hmun ih a ummi pawl thawn an komawsal ding.
4 Amah a rat tikah cun Bawipa ih thazang le Bawipa Pathian ih huham thawn a minung pawl a uk hai ding. Leilung pumpuluk ah mi hmuahhmuah in a maksak zia cu an hmuh ding ruangah amah ih minung pawl cu him zet in an um ding.
5 Daihnak a thlenpi ding a si.
Assiria mi pawl in kan ram in do ih kan òanhmun an rung thlen tikah anmah do dingah kan hotu cak bik pawl kan thlah ding.
6 An hriamnam thawn Assiria ram, Nimrod ih ram cu an va neh ding. Assiria pawl in kan ram an do tikah in humtu cu anmah an si ding.Ref 5.6 Sem 10:8-11;
Tlensuahnak Le Hremnak
7 Israel mi a tangsun pawl cu miphun tampi hrangah Bawipa ih run thlakmi daitla bangtuk an si ding; hrampi note hrangih ruahhmai bangtuk an si ding. Cupawl cun minung si lo in Pathian an rinsan ding.
8 Israel mi òhenkhat miphun tampi lakah an tang dingih tupi sung le òilva tlannak phuul lakih rawl hawl in a vak reromi kiosa bangtuk an si ding. Kiosa cu tuurual lakah lut in a zon ih a bauhthlek òheh hai. Runsuah ngaihnak a um nawn lo.
9 Cuvekin Israel cun a ral tampi a neh dingih a siatsuah òheh hai ding.
10 Bawipa in, “Cuih ni ah nan rang pawl ka la dingih nan rangleng pawl ka siatter òheh ding.
11 Nan khuapi pawl ka siat òheh dingih nan òannak phardawl pawl cu ka bal òheh ding.
12 Nan dawithiam pawl ka hlon òheh dingih nan pol pawl cu pakhat hman ka zuah lo ding.
13 Nan milem pawl le nan biak reromi nan lungphun zarh pawl ka balsiat òheh ding. Nanmah kut ih tuahmi thil ziangtik hmanah nan bia nawn lo ding.
14 Nan ram sungih Asherah lem pawl le nan khua pawl cu ka siatsuah òheh ding.
15 Ka thu a thlun lotu miphun hmuahhmuah cu thinheng in an parah phuba ka la ding a si.