6
Bawipa In Israel A Mawhthluk
1 Bawipa in Israel mi parih mawhthluknak a neihmi hi ngai hnik uh! Maw Bawipa, tho awla na neihmi thu cu sim hnik aw; tlang sangpipi le tlang niamtete in na thu cu thei hai seh.
2 Nannih tlang sangpi pawl, nannih kumkhua hmun mi leilung hram òohnak pawl, Bawipa ih thu cu ngai uh! Bawipa in a minung parah thu a nei. Israel parih a neihmi thu a sim ding.
3 Bawipa in, “Ka minung pawl, nan parah ziang tuahmi so ka neih? Ziangtinso nan hrangah thilrit ih ka can cu? I let hnik uh!
4 Izipt ram ihsin ka lo runsuak ih saltannak sungin ka lo tlensuak. Nanmah hruaitu dingah Moses le Aaron le Miriam ka thlah.Ref 6.4 Suah 4:10-16, 12:50-51, 15:20;
5 Ka minung pawl, Moab siangpahrang Balak in nan parih thil tuah a tummi le Beor ih fapa Balaam in thu a lehnak pawl kha ciing ringring uh. Akasia ih riah hmun ihsin Gilgal fehnak lamzin ih thil a cangmi pawl kha thei ringring uh. Cuih thil pawl ciing ringring uhla nanmah hum duh ih thil ka rak tuahmi pawl cu nan theisal ding,” tiah a ti.Ref 6.5 Mipum 22:2-24:25; Jos 3:1-4:19;
Bawipa Ih Duhmi
6 Vancung Pathian Bawipa bia dingih ka feh tikah a hnenah ziangso ka ken ding? A hnenih mei-ur thawinak pe dingah kum khat kim caw no òha ka hei keng ding maw?
7 Tuu a thawng le a za in pe ningla Bawipa cu a lung a awi pei maw? Cat lo ih a luangmi olif hriak in a lung a awiter pei maw? Ka sualnak ruangah a hnenah ka sung suak ka fatir ka pe ding maw?
8 A si lo, Bawipa amah in a òhami le tuahter in duhmi cu in sim zo. Siter in duhmi cu: A dingmi tuah le zangfahnak tlaihsan le tangdorte in Pathian thawn feh tlang khi a si.
9 Bawipa òihzah cu fim a si. Bawipa in khuapi cu a ko ih, “Khuasung ih a ummi pawl, ngai uh.
10 Miòha lo pawl ih inn ahcun òhat lonak thawn an ngahmi sumsaw tampi a um. A dik lomi tahnak an hmang, ka huatmi thil a si.
11 A dik lomi tahnak le a dik lomi cuaithlainak a hmangtu pawl cu ziangtinso ka ngaithiam thei ding?
12 Khuasung ih milian pawl cun mifarah pawl nan neekrawk ih nan zate in thuphanpertu hlir nan si.
13 Nan sualnak ruangah nanmah siatsuahnak atu ihsin ka thok zo.
14 Rawl cu nan ei ding nain nan puar lo ding; nan ril a rawng ringring ding. Thilri humsuak dingih nan tlanpi hmanah nan hlawhtling lo ding. Nan tlanpi suakmi a um pang hmanah ral kut in ka siatter òhiamòhiam ding.
15 Rawlci nan tuh ding nain a rah cu nan la ngah lo ding. Olif rah ihsin siti nan rial ding nain hman ding cu nan nei dah lo ding. Sabitti nan tuah ding nain nan in dah lo ding.
16 Siangpahrang Omri le a fapa siangpahrang Ahab ih thil òha lo tuahmi nan thlun zo a si. An tantami an thu cu nan thlun òhiamòhiam ruangah siatnak ah ka lo thlenpi hai dingih mi hmuahhmuah in an lo hmuhsuam ding.Ref 6.16 2 Siang 16:23-34, 21:25-26; Khuazakip ih mi in nautatnak thawn an lo siatsuah ding,” tiah a ti.