4
Bawipa In Daihnak Thawn A Uk
(Isa 2:1-4)
1 Hmailam tikcu ahcun Bawipa ih
Biakinn dinnak tlang cu,
Tlang hmuahhmuah lakah
a sang bik a si ding.
Miphun tampi in ti luang bangin
an pan dutdo ding.
2 Cuih minung pawl cun,
“ Bawipa ih tlang ah
hung feh uh si,
Israel Pathian ih Biakinn ahcun;
Tuahter in duhmi cu kan zir dingih
A hrangih a hrilciami lamzin ahcun
kan feh ding,” an ti ding.
Bawipa ih thuzirhnak cu
Jerusalem ihsin a ra ih
Zion ihsin a minung hnenah thu a sim.
3 Amah cu miphun tampi lakah
thuòhentu a si dingih,
A hlat le a nai miphun cak zetzet
karlak ah lai a rel ding.
An ralnam cu leilehnak tuhmui ah
an ser dingih,
An feipi cu thingfa cehnak
cehrep ah an tuah ding.
Miphun pakhat le pakhat
an do aw nawn lo dingih,
Raldodan khal an zir nawn lo ding.Ref 4.3 Joe 3:10;
4 Zozo khal hnangam zet in
an um dingih,
An sabit hmuan le an theipi kung lak ahcun
zohman in an thin an phanter
nawn lo ding.
Cungnungbik Bawipa in a ti.Ref 4.4 Zek 3:10;
5 Miphun kip in anmah ih khawzing ciar biak in a thu an thlun ciar; sikhalsehla kannih cun Bawipa kan Pathian kan biak dingih kumkhua in a thu kan thlun ding.
Ralkaihnak In Israel Mi An Kir Ding
6 Bawipa in, “Ka hremmi pawl cu hmunkhat ah ka finkhawmnak caan le ralkaihnak hmun ih a tuar zettu pawl ka kawhkhawmnak tikcu a ra ding.
7 Ke awl mi an si nain a tangsun ka miphun ah ka tuah ding. Dawihlomi an si nain a thar in ka thawhpisal hai dingih miphun tum zet ah an cang ding. Zion Tlang ah cuih caan ihsin a kumkhua in ka uk hai ding,” a ti.
8 Nang Jerusalem, Pathian in tuukhal bangtukin a minung pawl a kilvennak hmun, nang cu na ram uknak sungih khuapi bik ah na cangsal ding.
9 Ziangahso ring zet in na òah ciamco? Ziangahso nau nei zik nunau bangin na tuar ciamco? Siangpahrang na neih nawn lo ruangah maw? Thuron dingmi na neih nawn lo ruangah a si maw?
10 Maw Zion fanu pawl, nau nei zik bangin òhia thlohthlo in ai rero uh; ziangahtile hi khuapi ihsin nan suak dingih hramlak ah nan um ding. Babilon ah nan feh ding a si. Sikhalsehla cutawk ihsin run suak nan si dingih Bawipa in nan ral pawl ih kut sungin a lo hum ding.Ref 4.10 Thup 12:2;
11 Miphun tampi nanmah do dingah an òangkhawm. Annih in, “Jerusalem cu siatòheh ding a si! Hnawmpen ah cang òheh sehla kan zoh ding!” an ti.
12 Asinan hi miphun pawl in Bawipa ih thinlung sungah ziang a um ti an thei lo. Fang cu cil dingih an khawm òheu bangin Bawipa in annih pawl cu hrem dingih a finkhawm òheh hi an thei lo.
13 Bawipa in, “Jerusalem mi pawl, feh uhla nan ral pawl hrem hai uh. Thir ki le daar ketin a neimi cawcang bangin ka lo cakter ding. Miphun tampi nan rialdip dingih thisen suah tahrat ih an ngahmi lennak pawl cu leilung pumpi in Bawipa keimah ih hnenah nanmah in, in pe ding,” a ti.