8
Aaron Le A Fapa Pawl Hriakculhnak
(Suah 29:1-37)
1 Bawipa in Moses hnenah,
2 “Aaron le a fapa pawl cu Thukham retnak Puanthlam ih sangka ah fehpi hai awla puithiam thilthuam pawl, hriak culhnak ding siti, sualthlah thawinak hrangih cawcangte pakhat, tuucang pahnih le thilnu tel lo sang bawm khat pawl tla keng aw.
3 Cule Israel miphun zate in cutawkah cun ko thluh hai aw,” tiah a ti.
4 Bawipa ih thupek bangtukin Moses cun a tuah ih an zate ih an pumkhawm tikah,
5 Moses in, “Ka tuahmi pawl hi Bawipa ih thupeknak bangtukin a si,” tiah a ti.
6 Moses in Aaron le a fapa pawl cu hmaiah a suahpi ih thiannak ah ti a kholh awkter hai.
7 Aaron cu kor le korfualpi a hrukter ih taiòemnak in a tai a òem. Cule òaangthlaih thianghlim a hrukter ih mawi zet ih tahmi taikhap in a tai a khap.
8 Cuih hnuah òaangben a benter ih a sungah Urim le Thummim a ret.
9 Bawipa ih thupek vekin lupawng a pawnter ih a lupawng ih hmailam ah cun “ Bawipa ih hnenah pekmi,” tiih cakhenmi sui pheng a ben.
10 Cun Moses in hriakculhnak siti cu a lak ih Bawipa ih umnak Puanthlam le a sungih a ummi thil hmuahhmuah cu a hnih thluh ih an zate in Bawipa ih hnenah thiantermi ah an cang.
11 Bawipa hrangih thianter dingah Moses in hriak hrekkhat cu a lak ih biakòheng le a thuamhnaw pawl, maihum le a tohkaal pawl le a hram pawl cu vei sarih tiang a theh.
12 Cule Moses in Aaron cu a lu ah hriak toih tahrat in pumpeknak le hriakculhnak a tuah sak.
13 Cuih hnuah Moses in Aaron ih fapa pawl cu hmaiah a suahpi ih korfual a hrukter hai ih an tai ah taiòemnak in a òem ih Bawipa ih thupeknak bangtukin lukhuh a khumter.
14 Cule sualthlah thawinak hrangih cawcang cu Moses in a rak hruai ih Aaron le a fapa pawl in cawcang ih lu parah an kut an suang.
15 Moses in cawcang cu a that ih a thisen hrekkhat a lak hnuah Bawipa ih hnenah thiantermi a si tinak ah biakòheng ki parah thisen cu a kutzung in a hnih. Cule a tangmi thisen cu biakòheng hramah a thlet. Cuticun Moses in Bawipa ih hnenah a pek ih biakòheng cu a thianter.
16 Moses in a sungril parih thau hmuahhmuah, a kaileng pawl, a kaileng parih thau pawl le a thinhnun parih thau pawl a la ih a zate in biakòheng parah a ur òheh.
17 Cun Bawipa ih thupeknak bangtukin a sa dang hmuahhmuah a sa, a vun, a sungril hmuahhmuah cu an riahnak lengah a ur òheh.
18 Cun Moses in mei-ur thawinak hrang tuucang cu a rak keng ih Aaron le a fapa pawl in tuucang ih lu parah an kut an suang.
19 Moses in tuucang cu a that ih a thisen cu biakòheng ih kap li ah a theh.
20-21 Tuucang cu a can thluh ih tidai in a sungril pawl le a dunglam ke pawl a kholhfai ih Bawipa ih thupeknak vekin tuucang sa hmuahhmuah, a lu le a thau pawl thawn, biakòheng parah meisa in a ur. Hi mei-ur thawinak cu thlairawl thawinak a si hrangah Bawipa ih hrangah rimthaw a si.
22 Cun puithiam pawl hriakculhnak hrangih hman dingmi tuucang pahnihnak cu Moses in a rak keng ih Aaron le a fapa pawl in tuucang ih lu parah an kut an suang.
23 Moses in tuucang cu a that, a thisen hrekkhat a la ih, Aaron ih vorhlam hna rah parah le a vorhlam kutzungpi le a vorhlam kezungpi ah a hnih.
24 Cule Aaron ih fapa pawl cu hmaiah a suahter ih tuucang ih thisen hrekkhat cu an vorhlam hna rah le an vorhlam kutzungpi le an vorhlam kezungpi tla ah a hnih. A tangmi thisen cu Moses in biakòheng ih kap li ah a theh.
25 A thau, a meifi thau, a sungril tuamtu thau hmuahhmuah, a thinhnun parih thau, a kaileng pawl le a kaileng parih thau, le a vorhlam kawng a lak.
26 Cule Bawipa ih hnenah pekmi thilnu tel lo sangbawm sung ihsin sang zawl khat, siti thawn tuahmi sang zawlkhat le an rawhmi sang paate phel khat a la ih tuucang thau le a vorhlam kawng parah a ret.
27 Hi pawl hmuahhmuah cu Aaron le a fapa pawl ih kut ah a pek ih annih in Bawipa ih hnenah a hleice laksawng ah an pek.
28 Cuih hnuah Moses in a cuih rawl pawl cu a la ih mei-ur thawinak tlunah cun hriakculh thawinak ah biakòheng parah a ur. Himi thawinak cu thlairawl thawinak a si ruangah Bawipa ih hnenah rimthaw a si.
29 Cun a ir cu Moses in a lak ih a hleicemi laksawng ah Bawipa ih hnenah a pek. Himi cu hriakculhnak tuucang sa sung ihsin Moses ih covo a si. Bawipa ih thupeknak bangtukin Moses cun a tuah thluh.
30 Hriakculhnak siti le biakòheng parih a ummi sathi hrekkhat cu Moses in a lak ih Aaron le a fapa pawl le an sinfen parah a theh. Cuticun anmah le an sinfen pawl cu Bawipa ih hnenah a thianfaiter a si.
31 Moses in Aaron le a fapa pawl hnenah, “Sa cu Bawipa ih umnak Puanthlam sangka ah suang uhla Bawipa in nan tuah dingah thu i pek zo bangtukin hriakculh ni ih pekmi thawinak bawm sungih a ummi sang thawn cutawkah cun ei uh.
32 Nan hlahmi sa le rawl cu nan ur thluh pei.
33 Nan hriakculh thawinak nan òheh lai hlan lo Puanthlam luhnak sangka ah ni sarih sung suahsan lo in nan um ringring pei.
34 Nan sualthlahnak dingah tuih sun ih kan tuahmi hi tuah dingah Bawipa in thu i pekmi a si.
35 Bawipa ih thupekmi cu nan tuah pei ih Puanthlam luhnak sangka ahcun ni sarih sung a sun a zan in nan um pei. Cutiin nan tuah lo asile nan thi ding. Himi cu Bawipa ih thu in pekmi a si,” tiah a ti.
36 Curuangah Moses hmang tahrat in Bawipa in thu a pe ih, a thupekmi cu Aaron le a fapa pawl in kim tein an tuah òheh.