7
Mawhnak Thawinak
1 A tanglamih daan pawl cu mawhnak thawinak hrangah a si. Hi thawinak cu a thiang zetmi a si.
2 Mei-ur thawinak hrangih sa pawl an thahnak hmun, biakòheng saklam kapah hi thawinak sa cu an that pei ih a thisen cu biakòheng ih kap li ah hnih a si pei.
3 A thau hmuahhmuah cu an lak pei ih biakòheng parah thawinak ah pek a si pei: A meifi thau, a sungril parih a kopmi thau pawl,
4 a kaileng pawl le a kaileng parih a kopmi thau pawl le a thinhnun ih thau pawl an si pei.
5 A thau hmuahhmuah cu Bawipa ih hnenah mei-ur thawinak ih pekmi a si ruangah puithiam in biakòheng parah a ur pei. Himi cu mawhnak thawinak a si.
6 Puithiam hrin ih mipa cun an ei thei. Thawinak thiang a si ruangah hmun thiang sung hrimhrim ah an ei pei.
7 Sualthlah thawinak ah siseh, mawhnak thawinak ah siseh, bangrep ih hman dingmi daan pakhat cuih thawinak ih hmanmi sa pawl cu thawinak a petu puithiam ih ta an si, tihi a si.
8 Mei-ur thawinak ih pekmi sa ih a vun cu thawinak a petu puithiam ih ta a si.
9 Sang rawhnak ih rawhmi siseh, uhkang asilole thirbeel ih kan cia mi thlairawl thawinak hmuahhmuah cu Pathian hnenih a petu puithiam ih ta a si.
10 Asinan kan lomi le suan lomi thlairawl thawinak hmuahhmuah cu a ro a si khalle siti thawn rawimi a si khalle, Aaron hrin puithiam pawl ih ta a si ih anmah sungah bangrep in an zem aw pei.
Remnak Thawinak
11 Bawipa ih hnenah pekmi remnak thawinak an tuah tikah a tanglam ih daan pawl hi thlun ding a si.
12 Mi pakhat in a lungawinak Pathian hnenah phuan a duh ih thawinak a pek a si ahcun thawinak òilva le thilnu tel lo sang thawn a pek pei. Sang cu sangphut ih tuahmi, olif siti thawn rawi ih a sah zet ih tuahmi, asilole olif sitiih hnihmi sang paate, asilole sangphut ih tuahmi olif siti thawn rawimi a si pei.
13 Cuih tlunah thilnu thawn rawi ih rawhmi sang pawl tla a pek pei.
14 Sang phunkhat ihsin malte ciar a hleice laksawng ah Bawipa ih hnenah a pek pei; cumi cu biakòheng parah sathi a thehtu puithiam ih ta a si pei.
15 An thah sun ah sa cu an ei tengteng pei; a thaizing tiang zianghman an tangter lo pei.
16 Mi pakhat in a thukammi kimternakah remnak thawinak a pek, asilole amah ih lungtho in a pekmi thawinak a rak ken a si ahcun an thah sun ah a sa cu an ei pei; an hlahmi a um asile a thai sun ah an ei thluh pei.
17 A ni thumnak tiang a tangmi sa cu an ur thluh pei.
18 A ni thumnak tiang a tangmi sa an ei a si ahcun cupa ih thawinak cu Pathian in a sang lo ding. A peknak cu thawinak ah siar a si lo pei ih thil borhbah sawnah ruat a si pei ih, a eitu in a raibuar man cu a tuar ding a si.
19 A cuih thawinak sa cu thil thiang lo thawn an dai aw a si ahcun ei a si lo pei; a zate in ur òheh ding a si.
Cuih sa cu mithiang pawl in an ei thei pei;
20 thian lonak a neitu pawl in an ei asile a eitu cu Pathian ih miphun sungah siar cih a si nawn lo pei.
21 Cuih tlunah milai siseh, òilva siseh, a thiang lomi thil pakhatkhat a dai hnuah hi thawinak sa a ei asile amah cu Pathian ih miphun sungah siar cih a si nawn lo pei.
22 Bawipa in Israel mi pawl hrangah,
23 a tanglam ih daan pawl hi Moses hnenah a pek. Caw thau siseh, tuu thau siseh, asilole me thau khal siseh, an ei lo pei.
24 Amahte a thimi, asilole sahrang ih dehmi òilva ih thau khal an ei hrimhrim lo pei. Asinan poihai dang an òulnak ahcun an hmang thei pei.
25 Bawipa ih hnenah pekmi thawinak sathau a eitu cu Pathian ih miphun lakah siar cih a si nawn lo pei.
26 Khuitawk hmunih an um a si khalle Israel mi cun vate thisen siseh, òilva thisen siseh, an ei lo pei.
27 Hi daan a buartu cu Pathian ih miphun sungah siar cih a si nawn lo pei.Ref 7:27 Sem 9:4; Pui 17:10-14; 19:26; Daan 12:16, 23; 15:23;
28 Israel mi hrangah a tanglam ih daan pawl cu,
29 Bawipa in Moses hnenah a pek. Remnak thawinak a petu in a pekmi hrekkhat cu a hleice in Bawipa ih hnenah laksawng ah a pek pei.
30 A pek tikah amah ih kut rori in a keng pei. Òilva ih thau cu a ir thawn a keng pei ih laksawng hleice ah Bawipa ih hnenah a pek pei.
31 A thau cu puithiam in biakòheng parah a ur pei. Asinan a ir cu puithiam pawl ih ta a si.
32 A vorhlam kawng cu remnak thawinak thau le thisen Bawipa ih hnenah a petu puithiam hnenah,
33 a hleice ih laksawng ah pek a si pei.
34 A ir sa cu laksawng hleice a si; a vorhlam kawng cu Bawipa in Israel mi hnen ihsin a la ih puithiam pawl hnenah a pek a si, ti langternak ih pekmi a si. Himi cu a kumkhua in Israel mi pawl in an pek ringring dingmi a si.
35 Himi cu Aaron le a fapa pawl hriakculhnak an ngah ih puithiam an can ni ah Bawipa ih hnenah an pekmi rawl sung ihsin Aaron le a fapa pawl ih covo an si.
36 Cuih ni ah hi thawinak sung ihsin puithiam pawl pek dingah Bawipa in Israel mi hnenah thu a pekmi a si. Himi cu sankhat hnu sankhat Israel mi in an thlun dingmi daan a si.
37 A tlunlam ih daan cu mei-ur thawinak, thlairawl thawinak, sualthlah thawinak, mawhnak thawinak, hriakculh thawinak, le remnak thawinak pawl hrangih daan an si.
38 Hi daan pawl cu nelrawn hramlak Sinai Tlang parah Pathian in Moses hnenah Israel mi pawl ih tuah ding thawinak thu pawl a sim ni ah a pekmi an si.