9
Aaron In Thawinak A Pek
1 A ni riat ni ah Moses in Aaron le a fapa pawl le Israel hotu pawl a ko khawm.
2 Aaron hnenah, “Cawcangte pakhat le tuucang pakhat, raitluan veve la awla Bawipa ih hnenah pe aw; cawcang cu sualthlah thawinak ah a si pei ih tuucang cu mei-ur thawinak ah a si pei.
3 Cule Israel mi pawl sim awla sualthlah thawinak hrangah mecang pakhat, mei-ur thawinak hrangah raitluanmi caw note le tuu note kum khat ti veve, rak keng hai seh;
4 remnak thawinak hrangah cawcang pakhat le tuucang pakhat khal rak keng hai seh. Siti rawimi thlairawl thawinak thawn Bawipa ih hnenah an pek pei. Ziangahtile tuih sun ah Bawipa cu an hnenah a lang ding a si,” tiah Moses in a ti.
5 Moses ih thupekmi bangtukin a zate in Puanthlam hmai ahcun an rak keng thluh ih Israel mi an zate in cutawkah Bawipa bia dingah an ding.
6 Cutikah Moses in, “ Bawipa ih sunlawinak tleu cu nan hnenih a langnak dingah hi hmuahhmuah hi tuah dingah Bawipa in thu a lo pek zo a si,” a ti.
7 Cule Aaron hnenah, “Biakòheng ah feh awla na sualnak le mi zapi ih sualnak cu thlah sak an sinak dingah hi sualthlah thawinak le mei-ur thawinak cu tuah aw. Hi thawinak cu mipi sual thlahnak dingah Bawipa ih thupeknak bangin tuah aw,” tiah a ti.
8 Curuangah Aaron cu biakòheng ah a feh ih amah ih sualthlahnak hrangih cawcangte cu a that.
9 A fapa pawl in cawcang thisen cu a hnenah an pek ih a cuih thisen sungah a kutzung a hnim hnuah thisen cu biakòheng ih kil li ki pawl ah a hnih; a tangmi thisen cu biakòheng hramah a thlet.
10 Cun biakòheng parah a thau, a kaileng pawl le a thinhnun thau pawl cu Moses hnenih Bawipa ih thupekmi bangtukin a ur.
11 Asinan a sa le a vun cu an riahnak lengah a ur.
12 Amah hrangih mei-ur thawinak òilva cu a that. A fapa pawl in sathi cu an dong ih amah an pek ih biakòheng ih kap li ah Aaron cun a theh.
13 A lu le a sa dang pawl an pek ih anih in biakòheng parah a ur.
14 A sungril le a dunglam ke pawl a kholhfai hnuah mei-ur thawinak tlunih biakòheng parah a ur.
15 Cuih hnuah mipi hrangah thawinak a pek. Misenpi sualthlahnak hrangih pek dingmi mecang cu a la ih amah ih sualthlahnak hrangih a tuah vekin a that ih a pek.
16 Mei-ur thawinak hrangih òilva khal a lak ih a daan bangtukin thawinak a pek.
17 Thlairawl thawinak khal a pek ih sangphut zatekhat a la ih biakòheng parah a ur. Himi cu zingtin tuahmi mei-ur thawinak ih hlei ah a si.
18 Misenpi hrang remnak thawinak cawcang le tuucang khal a that. Ref 9:18 Pui 3:1-11;Cuih thisen cu a fapa pawl in an rak dong ih amah an pek ih anih in biakòheng ih kap li ah a theh.
19 Aaron in a thau, a meifi thau, a sungril thau, a kaileng le a kaileng tuamtu thau, a thinhnun thau pawl tla a la ih,
20 a ir sa parih a ret hnuah biakòheng parah a ur.
21 Cule Moses ih fial bangtukin a ir le a vorhlam kawng pawl cu a hleice pekmi ah Aaron in puithiam pawl hrangah Bawipa ih hnenah a pek.
22 Aaron in thawinak hmuahhmuah a òheh tikah misenpi tlunah a baan pahnih in a phar ih thluasuah a pek.Ref 9:22 Mipum 6:22-26; A pek òheh in a òum.
23 Cule Moses le Aaron cu Bawipa ih umnak Puanthlam sungah an lut ih an ra suah tikah misenpi pawl cu thluasuah an pek ih an zate tlunah a tleumi Bawipa ih sunlawinak cu a lang.
24 Hmakhat teah Bawipa in meisa a run thlak ih biakòheng parih thawinak sa hmuahhmuah le a thau pawl tla cu a kang òheh. Cumi cu misenpi in an hmuh tikah an au hluarhlo ih an hmai leilung dai in an bok.