ÒAHHLA
(Lamentations)
Thuhmaihruai
Òahhla timi hi BC 586 kum ih Jerusalem siat ruangih an òahnak hla fiing nga khawmmi a si. Hitawkih hla a tam sawn cu ninghan riahsiatnak hla lawng a si ko nain Pathian rinsan in hmailam ih ruahsannak an neih thu khal a um ve. Hi hla hi Judah pawl in BC 586 kum ih an miphun zate parih siatnak a thlen hngilh lonak ah kumtin rawl ul ih biaknak an tuah tinkim in an sak òheu.
1
Jerusalem Ih Riahsiatnak
1 Jerusalem cu lungleng in a um,
Mi phunkim an rak umnak khuapi cu!
Leilung pumpi i an rak upatmi
khuapi cu nuhmei vekah a cang zo!
Lalnu vek a rak simi khualian cu,
2 Zan khawvarte a òap thluahthlo maw;
Mitthli a biang parah
luang vivo maw!
A rualpi zohman an um ta lo,
A hnemtu ah pakhatte hman an um lo.
A rak òantu pawl in an zuarthlai,
Mi hmuah in atu ahcun an dodal.
3 Judah mi pawl sal ah an cang,
Hnaòuan khung an òuan,
Bawmtu nei lo in;
An hruaihlo hai an run inn ihsin;
Miphun dang ram ah an um,
Kan ta ti ding ram nei lo in!
Ral pawl in an kulh òheh hai,
Luatnak lamzin nei lo in.
4 Zion lamzin riahsia in a um,
Zohman in an zawh nawn lo,
Colh ni Pathian bia dingah.
Hla saktu fala pawl harsatnak an tuar,
Puithiam pawl an hruum an ai.
Zion cu thinlung na in a tuar,
Khuapi kotka pawl an òhing.
5 A ral pawl an hlawh a tling,
An kut sungah an huum.
Bawipa amah in a tuarter,
A sualnak a tam tuk ruangah.
A faate pawl kaih òheh an si,
Lam hlapi ah hruaihlo an si.
6 Jerusalem ih sunlawinak cu,
A cem zomi thil a si.
An òawnòai zet a hotu pawl cu,
Rawl lo ih derdaimi
zukneng vek an si;
Thazang zianghman an nei lo,
Sakah thiam hmai ihsin
7 Jerusalem cu khawrop ah a cang,
lungleng za in;
A rak sunlawi zia a vun cingsal òheu.
A ral pawl ih kut sungah a thleng,
Zohman bawmtu nei lo in.
A nehtu pawl cun an hnihsan,
An hmuhsuam ciamco,
8 Hmaizah tlak a sinak cu a cem zo,
A taklawng in a um ih an hmuhsuam.
A ningna in a òap a ai,
A ningzak in a hmai a hup.
A mahte a borhbah awter,
Jerusalem in òihnungza sualnak
9 A thianfai lonak cu a hni ah a lang;
A hmailam thu cu a ruat dah lem lo.
A siatnak cu òihnung za a si;
Zohman in an hnem thei lo.
A ral pawl in an neh zo;
Zangfah dil in Bawipa a ko.
10 A ral pawl in a thil an long òheh,
A sumsaw hmuahhmuah tla cu!
A mit rori in a hmu hai,
Biakinn sung an luh lai cu.
Zentail mi pawl lut lo dingah,
Bawipa ih a khammi hmun ahcun.
11 A minung pawl an hrum an ai;
Ei ding pakhatkhat
an hmuh tikah cun.
An hlawnthil cu rawl ah an thleng,
An taksapum nunnak ding ahcun.
“ Bawipa, i run zoh aw,” tiah
an khuapi cu a au;
“Ka harsat zia i run hmu aw!” a ti.
12 “I zoh hnik uh,” tiah a au,
A kiangih a fehtu hmuahhmuah
hnen ahcun.
“Zohman in natnak an tuar dah lo,
Kei ka tuarmi natnak tluk cun;
Bawipa ih i pekmi natnak a si,
Ka parih a thinheng tikah cun.
13 “Tlunlam ihsin meisa a run thlak,
Ka ruh sungih a alh-mi meisa cu.
Keimah awk dingah thang a kam ih,
Leilung ah i tlukter.
Cuticun i tlansanta ih,
Cat lo in natnak i tuarter.
14 “Ka sualnak hmuahhmuah cazin
sungah a khum;
A zate in hmunkhat ah a òem ih
Ka hngawng ah i thlaih;
A rit tuk ih i delh ciamco,
Thazang ka nei nawn lo.
Bawipa in ka ral kut sungah i thlenter;
Ka hrangah an cak tuk ih ka cang thei lo.
15 “ Bawipa ih hnihsanmi ah an cang,
Ka ralkap cak bik pawl cu;
A ralkap burkhat a kuat,
Ka tlangval pawl that dingah.
Sabit bangin ka minung pawl a rial hai,
16 “Curuangah a si kei ka òah,
Ka mitthli rialti bangin a luang.
Hnemtu zohman ka nei lo,
Tha thotertu zohman an um lo.
Ka ral in, in neh ngah zo;
Ka minung pawl zianghman
17 “Bomnak duh ah ka ban ka pharh,
Asinan zohman in, in bawm lo.
Bawipa in ral pawl a ko,
Khuazakip in, in fuuk.
An lakah zianghman ka si lo,
Fihnungza thil men ka si.
18 “Asinan Bawipa cu a dik,
A thu eltu ka rak si zo ruangah.
Maw miphun pawl, i ngai hnik uh;
Ka tuar zia hi zoh hnik uh.
Ka leeng le val pawl an hlo zo,
Salkaihnak hmun ram hlapi ah.
19 “I rak òantu pawl ka ko,
Asinan in bawm duh lo.
Puithiam le hotu pawl an thi,
Khuapi sung lamzin tluan ah.
An taksapum nun duh ih,
20 “Maw Bawipa,
ka vansan zia hi i zoh hnik;
Ka nunnak a tuar zia hi.
Ka thin a na ih ka lung a kuai,
Ka lo dodal sualnak ruangah.
Lamzin parah thahawknak a um,
Inn sung khalah thihnak a thleng.
21 “Ka aihramnak i ngai sak aw,
I hnemtu zohman an um si lo.
Ka ral pawl an di a riam,
Ka parih siatralnak
na thlenter ruangah.
Na tiamcia ni cu thlenterzang aw,
Ka tuar vekin ka ral pawl tuar ve hai seh.
22 “An tuahmi hmuahhmuah
na hmaiah lang òheh seh;
An òhatlonak hmuahhmuah tla hi!
Annih cu hrem hai aw,
Ka sualnak ruangih i hrem zo vekin.
Vansanglam in ka aihram,
Ka thin a pit a si,” a ti.