2
Bawipa In Jerusalem A Hrem
1 Bawipa in
Zion cu thimnak in a khuh;
Bawipa a thin a heng ruangah.
Israel ih sunlawinak cu,
Van ihsin lei ah a run thlak;
A Biakinnpi hman a dungtun,
2 Judah ram khuate hmuahhmuah
a siatsuah òheh,
Zawnruahnak zianghman um lo in.
An ralhruang pawl a balsak òheh,
An ram hum in an òannak
ruhkulh pawl cu.
Ningzah mualphonak a thlenter,
An uknak le uktu pawl parah cun.
3 Israel cahnak a sattan òheh,
A thin-ai a thawh tikah cun.
A pharh cia a baan a zuksal,
Ral pawl ih in ra do tikah cun.
Meisa alh bangin kan parah a hlio ciamco,
Ziang hmuahhmuah a siatsuah òheh.
4 A conkiang in kanmah in bat,
Ral pawl ih in bah vekin.
Amah in a that òheh hai,
Kan hmai in hngaltertu hmuahhmuah cu.
Hi Jerusalem khuapi sungah hin,
A thinhennak mei-alh bangin kan tuar.
5 Bawipa in Israel a tisiat òheh zo,
An do ral lian bangin.
Hnawmpen ah a cangter òheh zo,
An ruhkulh le
an siangpahrang inn pawl cu.
Cem nei lo riahsiatnak a thlenter zo,
6 Sop seksek in a dengkuai theh,
Amah kan biaknak Biakinnpi cu.
Kan ulhmi ni pawl a cemter,
Sabbath ni le ni thianghlim pawl cu.
Siangpahrang le puithiam pawl
khalin an tuar,
Tuar har zetmi a thinhennak cu.
7 Bawipa in a biakòheng a hnong zo,
A Biakinn thianghlim hman a tlansan.
Ral pawl a balsiatter òheh,
Biakinn phar pawl cu.
An ral nehnak an aupi ciamco,
Lungawi in Pathian kan rak biaknak
8 Bawipa in siatter dingah a tum
hrimhrim,
Zion kulhnak phar pawl cu.
A hlan in a rak tah cia òheh zo,
Siat òheh dingah a ui hrimhrim lo.
Hmunkhat ah hnawmpen ah an cang òheh zo;
Donhleisang inn pawl le a phar pawl cu.
9 A kotka pawl hnawmpen sungah an pil òheh;
A kothrolh pawl tla an kiak òheh.
Salkaihmi thawng thlaknak ah
an thleng òheh,
Siangpahrang le bawi upa pawl cu.
Daan cu zohman in an zirh nawn lo;
Profet pawl cun Bawipa hnenin
10 Jerusalem patar pawl cu,
Leilung ah dai zirziar in an to.
An lu ah vutcam an phulh aw,
An ruangpi ah buri puan an khuh aw.
Jerusalem fala pawl cu,
11 Ka òahnak ah ka mit a cuur òheh,
Ka donhar ah ka thin a pit òheh;
Ka riahsia in ka tha a cem òheh,
Ka minung pawl vanduainak
an ton ruangah.
Nauhak le naute pawl khuapi
lamzin ih an sawn an rilh ruangah.
12 Tihal le rilrawng in,
An nu le pawl an òah.
Lamzin parah cun an ril,
Ral hmapu bangin.
Nuamtete in an nunnak a cem,
An nule pawl ih òaang parah cun.
13 Maw duhnungza Jerusalem,
Ziangso ka òong nawn ding?
Ziangtizawng in so ka lo hnem thei ding?
Nang vekih a tuartu hi an um keel lo.
Na hma hi tipithuanthum tluk in a thuk;
Zoso a lo damter thei ding?
14 Na profet pawl in lo sim ding an
nei lo, thuphanper dah ti lo cu!
An thusimmi in an lo bum,
Na sualnak an phuang dah fawn si lo!
Thudik lo an lo sim ruangah,
Sirawknak òul lo ah na ruat aw.
15 Na kiangih a fehtu pawl in,
Hmuhsuam nautatnak thawn an lo zoh.
An lu an thing ih an lo hnihsan,
Jerusalem siatralnak cu.
“Hihi maw khuapi mawi bik an timi cu?
Leilung pumpi ih hmaihngalpi mi cu
16 Na ral pawl in an lo nautat,
Huatnak mit thawn an lo zoh.
An hmur ciip in an lo hnihsan,
“Kan siatsuah òheh zo,
Kan hngakhlapmi ni cu hihi a si,” an ti.
17 Bawipa in a tisuak ngaingai zo,
Ka tuah ding a rak ti ringring vekin.
Zangfahnak nei lo in, in tisiat òheh zo,
Ralrinnak in rak pek cia vekin.
Nehnak a pek hai, kan ral pawl hnenah;
Lungawinak a pek hai,
kan siatral òheh ruangah.
18 Maw Jerusalem,
Bawipa ih hnenah,
Nangmah kulhnak phardawl rori hi
au hai seh.
Na mitthli cu sun zan in,
Tiva bangin luang hai seh.
Na hrangah colh ni um hlah seh,
Na mitthli khal hul ni nei hlah seh.
19 Zanvarte tho cingcing awla,
Bawipa cu ko cingcing aw.
Bawipa ih hmaiah na thinlung
natnak cu tidai bangin luangter aw.
Na faate pawl hrangah baan pharh in
zangfahnak dil aw;
Lamzin kel kipih a thi zikmi na faate pawl,
Rawl lo ih a thi òheh zikmi
na faate pawl hrangah cun.
20 Maw Bawipa, zoh hnik,
Na hrem reromi pawl hi zoh hnik.
Nunau pawl in an faate sa an ei,
An duhdawtmi an faate pawl cu!
Puithiam le profet pawl an that,
Biakinnpi sung rori ahcun.
21 Mino mitar ti lo in an thi,
Khuapi lamzin ahcun.
Fala le tlangval khal an thi,
Ral pawl ih ralnam cun.
Zangfahnak nei lo in na that hai,
22 Ka ral pawl cu khuazakip in na sawm,
puai zawh ding bangin.
Zohman a luat theitu an um lo,
Na thinheng ni ahcun.
Ka faate pawl an that òheh,
Ka duhdawtmi le ka cawmmi pawl cu.