4
Jesuh Hniksaknak
(Mat 4:1-11; Mar 1:12-13)
1 Jesuh cu Thlarau Thianghlim thawn khatin Jordan ihsin a rakir ih Thlarau in ramòhing ah a hruai.
2 Cutawkah ni sawmli sung Satan in a hniksak. Cuih sung hmuahhmuah zianghman a ei lo ruangah a netnak ahcun a ril a rawng ngaingai.
3 Satan in Jesuh cu, “Pathian Fapa na si ahcun hi lungto hi sang ah cangter aw,” tiah a ti.
4 Jesuh in, “Ca Thianghlim in ‘Milai nunnak hi rawl lawngin a si lo,’Ref 4:4: Daan 8:3 a ti,” tiah a sawn.
5 Cule Satan in a hun fehpi ih mitòhepkar ah leilungtlun ram hmuahhmuah a hmuh.
6 “Hi leilung parih thuneihnak le lennak hmuahhmuah hi nangmah ka lo pe ding. Ka ta an si òheh ih ka duhmi hnenah ka pe thei.
7 Ka hmaiah kuun in i biak ahcun a zate in na ta an si òheh ding,” tiah a ti.
8 Jesuh in, “Ca Thianghlim in ‘ Bawipa na Pathian na biak pei ih Amah lawng na rian pei,’Ref 4:8: Daan 6:13 a ti,” tiah a sawn.
9 Cule Satan in Jesuh cu Jerusalem ah a fehpi ih Jerusalem Biakinn zim ah a ret ih, “Pathian Fapa na si ahcun hitawk ihsin dawp aw.
10 Ziangahtile Ca Thianghlim in, ‘Nangmah a lo kilkhawitu dingah Pathian in a vancungmi pawl a fial ding,’ a ti a si.Ref 4.10 Saam 91:11;
11 Cuih tlunah Ca Thianghlim sungah, ‘An kut in an lo cawi dingih na ke lungto ah na khawng aw lo ding,’Ref 4:11: Saam 91:12 ti khalin a um a si,” tiah a ti.
12 Asinan Jesuh cun, “Ca Thianghlim in ‘ Bawipa na Pathian cu va hniksak hlah,’Ref 4:12: Daan 6:16 a ti,” tiah a let.
13 Satan in Jesuh cu a phunphun in sual a forh òheh hnuah caan malte sung a feh santa.
Jesuh In Galilee Ah Hnaòuan A Thok
(Mat 4:12-17; Mar 1:14-15)
14 Jesuh cu Galilee ah a kir ih Thlarau Thianghlim huham cu a hnenah a um. Cuih ram hmuahhmuah ah a hmin a thang òheh.
15 Sinakok ah thu a zirh ih mi hmuahhmuah in an thangòhat.
Nazareth Mi In A Thu An Pom Lo
(Mat 13:53-58; Mar 6:1-6)
16 Jesuh cu a rak tuallennak hmun Nazareth khua ah a feh ih amah ih daan vekin Sabbath ni ah sinakok ah a feh. Ca Thianghlim siar dingah a ding ih,
17 profet Isaiah cazual kha an pek. Cuih cazual cu a pharh ih:
18 “ Bawipa ih Thlarau cu ka parah a um,
Ziangahtile mifarah hnenih
Thuthangòha sim dingah
hriakculh in i hril zo.
Sal tangmi pawl hnenih
luatnak thu sim dingah le
Mitcaw in khua an hmuh thei
salnak dingah i thlah.
Hremmi pawl luatter dingah le,
19 Bawipa in a minung pawl
a runnak ding tikcu a ra thleng zo,
ti than dingah i thlah a si,”
tiih ngannak hmun kha a siar.Ref 4.18-19 Isa 61:1-2;
20 Jesuh in a siarmi cazual cu a zualsal ih a kiltu ih kut ah a pek ih a to. A ra pumkhawmmi hmuahhmuah in Jesuh cu mitòhep lo in an zoh.
21 Cule anih in, “Ka siarmi nan rak theih vekin hi Ca Thianghlim sungih nganmi cu tuih sun ah a kim a si,” tiah a ti.
22 Hmualnei zet ih a òongmi kha an theih tikah an thinlung ah a lut zet ih mak an ti ngaingai. “Hi pa hi Josef fapa a si lo maw si?” an ti.
23 Jesuh in an hnenah, “Òongòhimnak ih ‘Sibawipa, nangmah le nangmah damter aw he!’ timi kha in òongsan ding ti fiang tein ka thei. Cuih tlunah ‘Kapernaum khua ih na tuahmi thil pawl tla na khua ahhin tuah ve aw,’ tiah in ti ding.
24 Fiang tein ka lo sim: Profet cu amah ih khua ah sunloih a si dah lo.Ref 4.24 Joh 4:44;
25 “Ka simmi hi ngai uh: Elijah san ah kum thum le a hrek sung ruah a sur lo ih ram pumpuluk ah paampi a tlun lai ahkhan Israel ram sungah nuhmei an tam zet a si.Ref 4.25 2 Siang 17:1;
26 Asinan cuih nuhmei pawl hnenah Elijah cu thlah a si lo; Sidon ram Zarefath khua ih nuhmeinu hnen lawngah thlah a si.Ref 4.26 2 Siang 17:8-16;
27 Cule profet Elisha san lai ahkhan Israel ram sungih a ummi mitampi cu phaarnat in an na; asinain midang zohman damnak an ngah lo; Siria mi Naaman lawng a dam a si,” tiah a ti.Ref 4.27 2 Siang 5:1-14;
28 Cumi cu sinakok ih a ra pumkhawmmi pawl in an theih tikah an thin a heng ngaingai.
29 An zate in an pok ih Jesuh cu an khua ihsin an dirhsuak hnuah an khua ih tlangzim tiang an hruai ih khaam ihsin tuul thlak an tum.
30 Asinan Jesuh cu miruul lak ihsin a feh hlo.
Ramhuai Ih Polhmi
(Mat 1:21-28)
31 Cun Jesuh cu Galilee peng Kapernaum khua ah a feh ih Sabbath ni ah thu a zirh.
32 A thuzirh zia an hmuh tikah hmualnei zet ih a zirh ruangah an mang a bang ngaingai.Ref 4.32 Mat 7:28-29;
33 Cuih sinakok ah ramhuai ih polh mi, ramhuai thlarau neitu, pakhat a um. Cupa cu ring zet in a au ih,
34 “Nazareth Jesuh, ziangtiih tuah so in duh? Kanmah siatsuah dingah maw na rat? Zo na si, ti ka lo thei: Pathian tirhfung thianghlim na si,” tiah a ti.
35 Jesuh in, “Dai tein um! Hi pa sung ihsin suak aw,” tiah thu a pek. Ramhuai cun mizapi hmaiah mipa cu a thluk ih a parah zianghman siatsuahnak tuah lo tein a suak.
36 Cutikah mipi pawl cu an mang a bang tuk lawmmam ih pakhat le pakhat, “Hi pa ih òongka cu a va mak so! Thu nei zet le huham nei zet in ramhuai pawl tla thu a pe ih a suahter,” tiah an ti aw.
37 Cule Jesuh thuhla cu cuih ramsung khuazakip ah a thang òheh.
Mi Tampi A Damter
(Mat 8:14-17; Mar 1:29-34)
38 Jesuh cu sinakok ihsin a suak ih Simon inn ah a feh. Simon ih pizon cu khawsiknat in a rak na ih cuih thu cu Jesuh an sim.
39 Cule Jesuh cu a ihkhun kiangah a ding ih a khawsiknat cu dam dingin thu a pek. Hmakhat teah a dam; a tho ih anmah pawl cu a tuamhlawm.
40 Ni a tlak hnuah natnak phunphun a tuartu pawl cu an rualpi pawl in Jesuh hnenah an rak hruai. A nami pawl ih lu parah a kut a suan ih an natnak ihsin a damter thluh.
41 Mitampi sung ihsin khawsia pawl cun, “Nang cu Pathian Fapa na si!” tiah au phahin an suak.
Sikhalsehla Jesuh in khawsia pawl cu òong lo dingin thu a pe, ziangahtile Messiah a si kha an thei.
Jesuh In Sinakok Ah Thu A Sim
(Mar 1:35-39)
42 Khua a hung vang ih Jesuh cu khuasung ihsin a pok ih ramòhing ah a va feh. Mi in an hawl ciamco ih an hmuh tikah, “In fehsan hram hlah aw,” tiah an leem.
43 Asinan an hnenah, “Pathian Uknak Thuthangòha cu khua dangdang khalah ka sim a òul hrimhrim a si, ziangahtile cumi tuah dingah Pathian ih thlahmi ka si,” tiah a ti.
44 Cutiin Judea ram sungih sinakok ahcun thu a sim vivo.