3
Baptisma Petu Johan Ih Thusimnak
(Mat 3:1-12; Mar 1:1-8; Joh 1:19-28)
1 Rom siangpahrang Tiberiasd Tiberias cu Rom Emperor a si ih AD 14 - 37 tiang a òuan. ih ram a uknak kum hleinga kum ah Pontius Pilate Pilat in Judea ram cu AD 26 - 36 tiang a uk. cu Judea ram uktu Mangki bawi a si ih Herod cu Galilee ram uktu a si. Cule Herod ih u Filip cu Iturea le Trakhonitis ram uktu a si; Lisanias cu Abilene ram uktu a si ih,
2 Annas le Kaiafas cu Puithiam Sang an si. Cuih tikcu caan hrawngah ramòhing ih um Zekhariah ih fapa Johan hnenah Pathian òongkam a thleng.
3 Curuangah Johan cu Jordan Tiva kiangkap ram hmuahhmuah a tlawng vivo ih, “Nan sual sir uhla baptisma lak uh; cule Pathian in nan sualnak a lo ngaidam ding,” tiah thu a sim vivo.
4 Profet Isaiah ih òong cu cabu sungah ngan in a um. Cuih cabu sungah:
“Mi pakhat cu ramòhing ah a au ih,
‘ Bawipa ih lamzin kha rem uh,
a fehnak lamzin cu ngilter uh.
5 Horkuam hmuahhmuah silhkhat uhla,
tlang le mual hmuahhmuah in rawnter uh;
Lamkel hmuahhmuah dingter uhla,
a bingbo mi hmuahhmuah in rualter uh.
6 Miphun zakip in Pathian ih runnak
an hmu ding,’ tiah a ti,”Ref 3:4-6: Isa 40:3-5;
7 Mitampi cu Johan ih baptisma lak dingah a hnenah an ra. Johan cun, “Nannih rul pawl! A ra thleng cing dingmi Pathian ih hremnak ihsin nan luat thei ding tiah zoso a lo sim?Ref 3.7 Mat 12:34, 23:33;
8 Nan sualnak nan sir awk ahcun nan thil tuahmi in langter uh. Abraham kha kan pu a si pam tiah ti rero hlah uh. Fiang tein ka lo sim: Pathian in hi lungto hman hi Abraham ih tesinfa ah a cangter thei a si.Ref 3.8 Joh 8:33;
9 Thingkung pawl a hram ihsin haunak dingah hreitlung ret cia a si zo. Rahòha a rah lomi thingkung cu an hau dingih meisa sungah an paih ding a si,” tiah a ti.Ref 3.9 Mat 7:19;
10 Cutikah mipi in, “Cuti asile ziangtinso kan um ding?” tiah an sut.
11 Anih in, “Angki zun hnih a neitu in zun khat cu a nei lotu hnenah òhen seh; rawl a neitu in a nei lotu kha hlawm seh,” tiah a ti.
12 Siahkhongtu òhenkhat pawl Johan ih baptisma lak dingah an ra ih, “Sayapa, kannih pawl ziangso kan tuah ding?” tiah an sut.Ref 3.12 Luk 7:29;
13 Anih in, “Nan khon ding zat hnakih tam deuh in va la hlah uh,” a ti.
14 Ralkap òhenkhat pawl khalin, “Kannih teh? Ziangtinso kan tuah ding?” tiah an ra sut ve.
An hnen ahcun, “Zo ih hnen hman in hramhram in paisa va lak hlah uh; thuphan in zohman sual va puh hlah uh. Nan thlahlawh zat ah nan lungkim uh,” tiah a ti.
15 Mi hmuahhmuah in ruahsannak an nei ciamco ih Johan cu Messiah a si pei maw, tiah an mangbang in an ruat fingfing.
16 Curuangah Johan in, “Kei cun tidai in baptisma ka lo pek. Asinan mi pakhat kei hnakih tum sawn a ra ding. Kei cu a kedam hri phoih saktu ding hman ka tlak lo. Anih cun Thlarau Thianghlim le meisa in baptisma a lo pek ding.
17 Fang seepnak òangòa a keng ih fang pawl a seep ding. Fangngai cu a cuam sungah òha tein a ret thluh ding, asinain a hii pawl cu a mit dah lomi meisa sungah a ur ding,” tiah a ti.
18 Johan cun Thuthangòha cu mipi hnenah a phunphun in a sim ih an ziaza thleng dingah a forh vivo.
19 Asinan Mangki bawi Herod cu a naupa ih nupi Herodias a òhit ih thil òha lo dangdang tla a tuah ruangah Johan in a kawk òheu.Ref 3.19-20 Mat 14:3-4; Mar 6:17-18;
20 Cutikah Herod in Johan cu thawng ah a thlak ih cuticun thil òha lo sinsin a tuah.
Jesuh Ih Baptisma Laknak
(Mat 3:13-17; Mar 1:9-11)
21 Mi hmuahhmuah baptisma an lak òheh hnuah Jesuh khal a lak ve. Thla a cam laifangah van a ong aw ih,
22 Thlarau Thianghlim cu a tlunah thuro bangtukin a rung fu. Cule vancung ihsin aw a thang ih, “Nangmah cu ka duhdawtmi ka Fapa na si. Na parah ka lung a awi zet,” tiah a ti.Ref 3.22 Sem 22:2; Saam 2:7; Isa 42:1; Mat 3:17; Mar 1;11; Luk 9:35;
Jesuh Ih Suahkehnak
(Mat 1:1-17)
23 Jesuh cu hnaòuan a thok tikah kum sawmthum hrawng a si. Mipi in Josef fapa a si tiah an ruat. Josef cu Heli fapa a si,
24 Heli cu Matthat fapa a si, Matthat cu Levi fapa a si, Levi cu Melkhi fapa a si, Melkhi cu Jannai fapa a si, Jannai cu Josef fapa a si,
25 Josef cu Mattathias fapa a si, Mattathias cu Amos fapa a si, Amos cu Nahum fapa a si, Nahum cu Esli fapa a si, Esli cu Naggai fapa a si,
26 Naggai cu Maath fapa a si, Maath cu Mattathias fapa a si, Mattathias cu Semein fapa a si, Semein cu Josef fapa a si, Josef cu Joda fapa a si.
27 Joda cu Joanan fapa a si, Joanan cu Rhesa fapa a si, Rhesa cu Zerubbabel fapa a si, Jerubbabel cu Shealtiel fapa a si, Shealtiel cu Neri fapa a si,
28 Neri cu Melkhi fapa a si, Melkhi cu Addi fapa a si, Addi cu Kosam fapa a si, Kosam cu Elmadam fapa a si, Elmadam cu Er fapa a si,
29 Er cu Joshua fapa a si, Joshua cu Eliezer fapa a si, Eliezer cu Jorim fapa a si, Jorim cu Matthat fapa a si, Matthat cu Levi fapa a si,
30 Levi cu Simeon fapa a si, Simeon cu Judah fapa a si, Judah cu Josef fapa a si, Josef cu Jonam fapa a si, Jonam cu Eliakim fapa a si,
31 Eliakim cu Melea fapa a si, Melea cu Menna fapa a si, Menna cu Mattatha fapa a si, Mattatha cu Nathan fapa a si, Nathan cu David fapa a si,
32 David cu Jesse fapa a si, Jesse cu Obed fapa a si, Obed cu Boaz fapa a si, Boaz cu Salmon fapa a si, Salmon cu Nahshon fapa a si,
33 Nahshon cu Amminadab fapa a si, Amminadab cu Admin fapa a si, Admin cu Arni fapa a si, Arni cu Hezron fapa a si, Hezron cu Perez fapa a si, Perez cu Judah fapa a si,
34 Judah cu Jakob fapa a si, Jakob cu Isaak fapa a si, Isaak cu Abraham fapa a si, Abraham cu Terah fapa a si, Terah cu Nahor fapa a si,
35 Nahor cu Serug fapa a si, Serug cu Reu fapa a si, Reu cu Peleg fapa a si, Peleg cu Eber fapa a si, Eber cu Shelah fapa a si,
36 Shelah cu Kainan fapa a si, Kainan cu Arphaksad fapa a si, Arphaksad cu Shem fapa a si, Shem cu Noah fapa a si, Noah cu Lamek fapa a si,
37 Lamek cu Methuselah fapa a si, Methuselah cu Enok fapa a si, Enok cu Jared fapa a si, Jared cu Mahalaleel fapa a si, Mahalaleel cu Kenan fapa a si,
38 Kenan cu Enosh fapa a si, Enosh cu Seth fapa a si, Seth cu Adam fapa a si, Adam cu Pathian fapa a si.