3
Israel Mi Le Moab Mi An Do Aw
1 Judah siangpahrang Jehoshafat in an ram a uknak kum hleiriatnak ah Ahab fapa Joram cu Israel siangpahrang a cang ih Samaria khua in kum hleihnih sung a uk.
2 Bawipa ih hmaiah sualnak a tuah; asinain a pa le a nu Jezebel tluk lawmmam cun a sual lo. A pa ih Baal biaknak milem pawl a tuahmi cu a bal òheh.
3 Asinan amah hlanih siangpahrang a òuantu Nebat fapa Jeroboam vekin Israel mi pawl cu sualnak lamzin ah a hruailut ih cuih sualnak cu a bansan duh lo.
4 Moab siangpahrang Mesha in tuu a zuat ih kumtinte in siah ah tuu no thawng zakhat le tuu thawng zakhat ih hmul cu Israel siangpahrang hnenah a pek òheu.
5 Asinan Israel siangpahrang Ahab a thih tikah Israel do dingin Mesha cu ral a tho.
6 Hmakhat teah siangpahrang Joram cu Samaria in a suak ih a ralkap pawl a kokhawm ciammam.
7 Cule Judah siangpahrang Jehoshafat hnenah, “Moab siangpahrang cu keimah do dingin ral a tho a si. Amah do dingah i ra bawm thei pei maw?” tiah thu a cah.
Cutikah siangpahrang Jehoshafat in, “Ka lo bawm ding. Keimah le ka ralkap pawl le ka rang pawl cu na duhduh ih hman ding kan si ko.
8 Khuitawk lam in so kan nam ding?” tiah a sut.
Joram in, “Edom ram ih hramlak in kan feh pei,” a ti.
9 Curuangah Israel siangpahrang Joram cu Judah siangpahrang le Edom siangpahrang pawl thawn an pok. Ni sarih an feh hnuah an tidai kenmi a cem. Minung hrangah siseh, òilva hrangah siseh, zianghman a um nawn lo.
10 Cutikah siangpahrang Joram in, “Kan cem riai a si! Moab siangpahrang ih duhduh ih tuah dingah Bawipa in kannih pathum hi in rak ruat cia a si hi!” a ti.
11 Cule siangpahrang Jehoshafat in, “ Bawipa kan ron theinak dingah hinah profet zotal an um lo maw?” tiah a sut.
Cutikah siangpahrang Joram ih ralbawi pakhat in, “Shafat fapa Elisha a um sokhaw. Amah cu Elijah rak bawmtu a si,” tiah a sim.
12 Siangpahrang Jehoshafat in, “Elisha cu profet dik a si,” a ti. Curuangah an pathum in Elisha hnenah an feh.
13 Cutikah Elisha in Israel siangpahrang hnenah, “Ziangahso ka hnenih na rat? Na nu le na pa ih an leen òheumi profet pawl kha va tong aw,” tiah a rak ti.
Joram in, “A si lo; kannih siangpahrang pathum hi Moab siangpahrang ih duhduh ih tuah theinak dingah in rettu cu Bawipa a si,” a ti.
14 Elisha in, “Ka renmi a nung Bawipa ih hmin saal in ka lo sim: Judah siangpahrang Jehoshafat ka upatnak um hlah sehla nang cu a zoh hman ka lo zoh duh lo ding.
15 Ziangkhal va sisehla òingòang tum thiam i holh aw he,” tiah a ti.
Òingòang tum thiam pa cun òingòang cu a tum ih, culaifang ah Bawipa ih huham cu Elisha hnenah a thleng ih,
16 Elisha in, “ Bawipa in, ‘Hi a carmi tiva luannak ahhin khur lai uh.
17 Thli le ruah nan hmu lo ding nain hi tiva luannak cu tidai in a khat dingih nanmah le nan ralkap le nan òilva pawl hrangah tidai tampi a um ding,’ a ti a si.
18 Sikhalsehla himi cu Bawipa hrangah cun thil olte a si. Cuih hlei ah Moab mi pawl tlunah nehnak cu Bawipa in a lo pe fawn ding a si.
19 Mawi zet ih an tuahmi le òha zet ih an kulhmi an khuapi pawl nan la òheh ding. A rah zetmi an thingkung pawl nan hau òheh ding. An cerhti hmuahhmuah nan carter òheh dingih, an loram òha hmuahhmuah khal lungto in deng tahrat in nan siatsuah òheh ding a si,” tiah a ti.
20 A thaizing, zinglam thawinak pek tikcu ah Edom lam in tidai a rung luang ih leilung cu a khuh òheh.
21 Kanmah do dingah siangpahrang pathum an ra zo, ti kha Moab mi pawl in an theih tikah hriamnam keng theitu mipa hmuahhmuah, upa bik in nauhak bik tiang, an kokhawm òheh ih an ramri ah òanhmun an khuar.
22 A thaizing zingpit ih an thawh tikah ni in tidai cu a tlet ih thisen vekih sen thluh in an hmu.
23 “Thisen a si ual! Kan ral ralkap bur thum pawl anmah le anmah an do aw ih an that aw thluh a si ding. Kan va feh pei ih an riahbuk kan va ram pei,” tiah an ti.
24 Cuticun an feh, asinain Israel pawl ih riahbuk an thlen tikah Israel pawl in an rak nam ciamco ih an rak khir. Israel pawl cun an dawi ih Moab mi pawl cu tampi an that ih,
25 an khua tampi an siatsuah. An fehnak ih loram òha hmuahhmuah parah Israel mi pakhat in lungto pakhat ciar an deng ih an loram hmuahhmuah cu lungto in a khat òheh. An cerhti pawl an carter òheh ih, an thingthei kung pawl khal an hau òheh. Netabik ah an khuapi bik Kir Haresheth lawng a tang ih Israel mi lungherhden thiam pawl in an kulh ih an do.
26 Moab siangpahrang in a ralkap pawl an sung vivo ti kha a theih tikah ralnam hmang ralkap za sarih thawn a ral pawl ih an kulhnak hmun pakhat zawn in pahsuak ih Siria siangpahrang hnenah tlan a tum. Asinan a pahsuak thei lo.
27 Curuangah amah ai awh ih siangpahrang cangtu ding, a fapa upa bik a ko ih an khuapi kulhnak ralhruang parah Moab khawzing hnenih mei-ur thawinak hrangah a that ih a pek. Israel ralkap pawl in cumi an hmuh tikah thinphang in cuih khuapi ihsin dungah an siip ih an ram ah an tlung.