20
Siangpahrang Hezekiah A Na
(Isa 38:1-8, 21-22; 2 San 32:24-26)
1 Cuih òumah Siangpahrang Hezekiah cu besia zet in a na. Amoz ih fapa profet Isaiah in a va veh ih a hnenah: “ Bawipa in, ‘Ro na cah duhmi tla cahta aw; ziangahtile na nung lo ding; na thi ding,’ a ti,” tiah a sim.
2 Cutikah Hezekiah cu phar lamah a her ih thla a cam,
3 “Maw Bawipa, nangmah ih rinsan tlak le thinlung ka neihmi zate thawn na hna ka òuan ih na hmaiah a òhami lawnglawng ka tuah, ti na thei thluh ko,” a ti ih napi in a òap.
4 Isaiah cu a suak ih a feh; asinain siangpahrang inn ih khaan laifang a lan hlanah Bawipa in,
5 “ Bawipa ih minung pawl uktu Hezekiah hnenah kirsal awla a hnenah, ‘ Bawipa keimah, na pu David ih Pathian in na thlacamnak cu ka thei ih na mitthli cu ka hmu zo. Ka lo damter dingih ni thum sungah Biakinn ah na feh thei ding.
6 Tuih hnu kum hleinga na nung hrih ding. Nangmah le hi khuapi cu Assiria siangpahrang kut in ka lo runsuak ding. Hi khuapi cu ka hminthannak ah le ka salpa David hnenih ka thukammi ruangah ka hum ding, a ti,’ va ti aw,” tiah a ti.
7 Cule Isaiah in siangpahrang hnenum pawl hnenah, “A khuaihli hma ah theipi rah ih tuahmi sii hnih uhla a dam ding,” a ti.
8 Siangpahrang Hezekiah cun, “ Bawipa in i damter dingih ni thum sungah Biakinn ah ka feh thei ding, tiih khihhmuhnak cu ziangso a si ding?” tiah a sut.
9 Cutikah Isaiah in, “ Bawipa in a thukammi a kimter ding, ti langternak ah khihhmuhnak a lo pe ding. Phenthlam cu hmailam ah karbak pahra òhawnter na duh maw, asilole dunglam ih karbak pahra kirter na duh sawn?” tiah a sut.
10 Hezekiah in, “Phenthlam hmailam ih kar hra òhawn cu a ol deuh ding; dunglam ah kirter aw,” a ti.
11 Cutikah Isaiah in, Bawipa ih hnenah thla a cam ih, Bawipa in phenthla cu Siangpahrang Ahaz ih tuahmi kailawn ih a suh vivo lai ah dunglam ah kar hra a kirter a si.
Babilon In Palai An Ra
(Isa 39:1-8)
12 Cuih caan ah Baladan ih fapa, Babilon Siangpahrang Merodak Baladan in siangpahrang Hezekiah a na, ti a thei ih ca le laksawng a run kuat.
13 Cutikah Hezekiah cun Babilon ihsin a rami palai pawl cu òha zet in a rak zoh hai ih a lennak hmuahhmuah, a sui le a ngun, a rimhmui pawl le a ralkap pawl ih hriamnam pawl tiangin a hmuh thluh hai. A thilri le a thilthuam pawl retnak khaan ta siseh, a ram sungih ummi thilri dangdang siseh, a hmuh lomi zianghman a um lo.
14 Cule profet Isaiah cu Siangpahrang Hezekiah hnenah a feh ih, “Hi milai pawl cu khuitawk in so an rat? Na hnenah ziangso an reel?” tiah a sut.
Cutikah Hezekiah in, “Annih cu ram hlapi, Babilon ram in an ra a si,” a ti.
15 Isaiah in, “Siangpahrang inn sungah ziangso an zoh?” a ti.
Hezekiah cun, “Ziang hmuahhmuah an zoh òheh. Thilri retnak sungih ta ka hmuh hai lomi zianghman a um lo,” tiah a sawn.
16 Cutikah Isaiah in siangpahrang hnenah, “ Bawipa in,
17 ‘Na pupa pawl in tuih sun tiang an khawlmi thilri pawl hi Babilon a thlen thluh caan a ra thleng ding. Zianghman a tang lo ding.Ref 20:17 2 Siang 24:13; 2 San 36:10;
18 Nangmah ih sungsuak na tefa hrekkhat pawl tla an hruai hai dingih Babilon siangpahrang inn ah an til per tahrat in hnaòuantu an si ding,’ a ti,” tiah a sim.Ref 20:18 2 Siang 24:14,15; Dan 1:1-7;
19 Cutiih a timi cu Siangpahrang Hezekiah cun, “Ka nun sungah cun daihnak le humhimnak a um ding a si cu,” tiih a ruah ruangah Isaiah hnenah, “ Bawipa ih òong, in run thanmi cu a òha a si,” a ti.
20 Siangpahrang Hezekiah ih thil tuah mi dangdang, ralòha zet ih hna a òuannak, khuapi hrangah tidai khawlnak tumpi a tuah ih leihnuai in tikong a tuahmi pawl thuhla cu Judah Siangpahrang Thuanthu Cabu sungah an ngan a si.
21 Hezekiah cu a thi ih a fapa Manasseh in a ai ah siangpahrang a run òuan.