21
Judah Siangpahrang Manasseh
(2 San 33:1-20)
1 Manasseh cu kum hleihnih a ti ah Judah siangpahrang a cang ih Jerusalem ihsin Judah ram kum sawmnga le kum nga sung a uk. A nu cu Hefzibah a si.
2 Israel mi Kanaan ram an luh lai ah Bawipa ih a dawihlo mi miphun pawl ih fihnungza thiltuah daan pawl a thlun ruangah Manasseh cu Bawipa ih parah a sual.Ref 21:2 Jer 15:4;
3 Manasseh in a pa Hezekiah ih a siatbal thluh zomi khawzing an biaknak inn pawl cu a thar in a saksal; Baal khawzing biaknak biakòheng pawl a don ih Israel Siangpahrang Ahab ih a rak tuah zo bangin khawzingnu Asherah lem tla a tuah. Manasseh cun arsi pawl tla a biak.
4 Bawipa in amah biaknak hrangah a timi Bawipa Biakinn sungah cun khawzing dang pawl biaknak hrangah biakòheng pawl a dawl.Ref 21:4 2 Sam 7:13;
5 Bawipa Biakinn ih khaan pahnih sungah arsi pawl biaknak ah biakòheng pahnih a dawl.
6 Mei-ur thawinak hrangah a fapa tiangin a pek. Aizingnak le mitkher a tuah; kutòial zohthiam pawl le tinzoh thiam pawl a leeng. Bawipa ih mithmuh ah a sualnak cu a sia zet ih Bawipa thin a hengter.
7 Bawipa ih Biakinn hmun thu ah Bawipa in David le a fapa Solomon hnenah, “Jerusalem khuapi ih hi Biakinn cu Israel miphun hleihnih pawl ih ram hmuahhmuah lakah keimah biaknak hrangih ka hril mi hmun a si.
8 Israel mi pawl in ka thupekmi an ngai ih ka salpa Moses ih pekmi Daan cu kim tein an thlun òheh a si ahcun an pupa hnenih ka rak pekmi hi ram ihsin zohman in an dawisuak hai lo ding,” tiah a rak ti.Ref 21:8 2 Siang 9:3-5; 2 San 7:12-18;
9 Sikhalsehla Judah mi pawl in Bawipa ih thu cu an ngai lo. Kanaan ram an luh lai ah Bawipa ih dawihlo mi miphun pawl ih thilsual an tuahmi hnakin luar deuh in thilsual Manasseh in a tuahter hai a si.
10 Bawipa in a siahhlawh profet pawl hnenin a phuang ih,
11 “Kanaan mi pawl ih rak tuahmi sualnak hnakin thilsual deuh, fihnung tuksumza sualnak cu Manasseh in a tuah zo a si; a milem pawl biaknak in Judah cu a sualter zo a si.
12 Curuangah Israel Pathian Bawipa keimah in Jerusalem le Judah parah siatsuahnak nasa zet in ka thlenter dingih a hmutu le a theitu pawl an mang a bang òheh ding.
13 Samaria ka hrem vekin le Israel Siangpahrang Ahab le a tefa pawl ka hrem bangtukin Jerusalem ka hrem ding. Jerusalem cu milai zohman um lo tiangin ka thenfai thluh ding, an hnawtfai mi pakan cu a khupih an ret vekin Jerusalem cu ka kholhfai thluh ding.
14 A tangsunmi milai pawl khal ka dungtun dingih an ral pawl kut ah ka pe hai ding; an ral pawl le a dotu pawl in an ram cu an siim dingih an thilri pawl an ram thluh ding.
15 Keimah ih miphun an si ko nain, Izipt ram ih an suah ni thokin tuih sun tiang ka parah an sual ringring. Ka thin in hengter tuk thlang ruangah hibangtuk thil cu an parah ka tuah ding a si,” tiah a ti.
16 Manasseh in mawhnak zianghman a nei lomi minung pawl tam tuk a that ih Jerusalem khuapi lamzin ah thisen a luang ciamco. Himi cu Judah mi pawl milem biaknak ah a hruai hai ruangah Bawipa parih misual a siternak hlei ah a tuahmi sualnak a si.
17 Manasseh thil tuahnak dangdang le a sual tuahmi pawl cu Judah Siangpahrang Pawl Ih Thuanthu Cabu sungah an ngan a si.
18 Manasseh cu a thi ih siangpahrang inn ih hmuan, Uzza hmuanah an phum. Cule a fapa Amon in a ai ah siangpahrang a run òuan.
Judah Siangpahrang Amon
(2 San 33:21-25)
19 Amon cu kum kul hluanhnih a ti tikah Judah siangpahrang a òuan ih Jerusalem ihsin kum hnih sung a uk. A nu cu Jotbah khuami Haruz ih fanu Meshullemeth a si.
20 A pa Manasseh vekin Bawipa ih mithmuh ah a sual;
21 a pa ih thiltuahmi a cawng ih a pa ih biakmi milem pawl cu a bia ve.
22 A pu le a pa pawl ih Pathian Bawipa cu a hnong ih a thupekmi a thlun duh lo.
23 A kuthnuai ih bawi pawl in Amon cu an phiar ih siangpahrang inn sungah an that.
24 Asinan Judah mi pawl in Amon thattu bawi pawl cu an that ih a ai ah a fapa Josiah siangpahrang ah an tuah.
25 Amon ih hnaòuanmi dang pawl cu Judah Siangpahrang Thuanthu Cabu sungah an ngan a si.
26 Amon cu Uzza hmuan sungah an phum; cule a fapa Josiah in a ai ah siangpahrang a run òuan.