20
Jeremiah Le Puithiam Pashhur
1 Cuih thu pawl ka phuanmi cu Biakinn uktu Immer fapa puithiam Pashhur in a theih tikah,
2 i vuak ih thir cikcin in i khih hnuah Biakinn sung tlunlam Benjamin Kotka kiangah i ret.
3 A thaizing ah ka thir cikcin cu a phawih ih i thlah tikah a hnenah, “ Bawipa in Pashhur tiah hmin a lo sak lo. Hmin a lo pekmi ngaingai cu, ‘Khuazakip ah òihphannak,’ a si.
4 Bawipa amah rori in ‘Nang cu nangmah le na rualpi hrangah òihphannak ah ka lo tuah dingih an ral pawl in nam thawn na rualpi an thah òheh kha na hmu ding. Judah mi hmuahhmuah cu Babilon siangpahrang kut hnuai ah ka thlenter òheh ding. Anih in a hrekkhat cu a ram ah sal ah a hruai dingih a hrekkhat cu a that ding.
5 Hi khuapi lennak hmuahhmuah, an sumsaw le an hlawnthil pawl, Judah siangpahrang ih thilri le hlawnthil tiangin an ral pawl in an long dingih Babilon ah an fehpi òheh ding.
6 Cule nang Pashhur, nangmah le na sungkhat pawl tla an lo kai dingih Babilon ah an lo hruai ding. Cutawkah na thi dingih vei tampi na bum rero òheumi na rualpi pawl thawn an lo phum ding,” tiah a sim.
Bawipa Hnenah Jeremiah A Phunzai
7 Bawipa, nangmah in i bum ih,
bummi ka rak si!
Nang cu kei hnakin na cak ih, i neh a si.
Zokhal in hnihsuaksainak ah in hmang ih
sun nihlawh in hnihsan a si.
8 Ka òongtinte in au phahin,
“Mivuaknak, Siatsuahnak,” tiah
napi in ka au.
Bawipa, mi in, in sulhseek ih
cat lo in, in nautat,
Nangmah ih thu ka phuan ruangah.
9 Sikhalsehla “ Bawipa cu
ka hngilh thlang ding;
A hmin in thu ka sim nawn lo ding,”
ka ti tikah,
Na thu cu meisa bangtukin
ka sungah a alh ciamco;
Ka ruh sungah a ceeng a si;
Daite ih um ka tum mengmang nain,
ka umpi thei hrimhrim lo.
10 Mi hmuahhmuah in a thup tein, in rel,
“Khuazakip ah òihphannak a um;
Bawi upa hnenah hi pa ih thu hi
ka sim ding,” an ti ka thei.
Ka ngam zetmi ka rualpi pawl hman in
ka tluk ding cu an hngakhlap a si.
“Kan bum thei ko hmang ding,
Kan kaih thei ahcun
phu kan la ding,” an ti.
11 Asinan Bawipa,
nang ka lamah na òang,
Mi cak le mi maksak na si.
Keimah i hremtu pawl cu an sung ding;
Kumkhua mualpho in an um ding;
Ziangtik hmanah an hlawhtling thei lo ding,
An ningzahnak cu hngilh a si
nawn lo ding.
12 Cungnungbik Bawipa,
nang cun dik tein mi na hniksak.
Mi ruahnak le thinlung sungah,
ziang a um ti na thei.
Curuangah ka ral pawl parih
phu na lak cu i hmuter hram aw.
Ziangahtile ka thuhla cu
na kut sungah ka lo pek.
13 Bawipa ih hnenah hlasak uh!
Bawipa cu thangòhat uh!
Miòha lo pawl kut sung ihsin,
namnuaimi pawl a runsuak a si.
14 Ka suah ni kha siatserh siseh, !
Ka nu ih i hrin ni cu hngilh hlo siseh, !
15 Ka pa a lungawitertu,
Thuthang a rak keng ih,
“Mipa a si! Fapa na nei!” a ra titu cu
siatcamnak tong seh.
16 Bawipa in zangfahnak nei lo in,
a siatsuahmi khuapi bangtuk siseh, !
Zinglam ah nat tuar aihramnak a theitu,
Sun ah raldonak mumeek aw a theitu siseh, !
17 Ka suah thlak hlanih i rak thah lo ruangah,
Ka nu ih pum sung cu
ka thlan a rak si lo a si hi!
18 Ziangahso ka nu ih pum sung ihsin
ka rak suah?
Harsatnak le riahsiatnak tuar ih,
Ningzak in ka nunnak ni
liam dingah hin maw?Ref 20.14-18 Job 3:1-19;