19
1 Cule Pilat in Jesuh cu a hruai ih ralkap pawl a vuakter.
2 Ralkap pawl in hling a neimi thinghnge in lukhuh an phiar ih an khumter. Cule puan sen an sinter.
3 A hnenah an feh ih, “Judah Siangpahrang hi a nunkhua sau hram seh,” tiah an ti ih an beng.
4 Pilat cu a va suaksal ih mipi hnenah, “Ngai hnik uh! A parah thah tlak sualnak ka hmu lo, ti langternak ah nan hnenah ka rak hruai ding,” tiah a ti.
5 Cuticun hling lukhuh khumin le puan sen sinin Jesuh cu a ra suak. Pilat in an hnenah, “Zoh uh! Mi pa cu hi pa hi a si!” tiah a ti.
6 Puithiam upa pawl le Biakinn kiltu palik pawl in an hmuh tikah, “Thinglamtah ah that aw! Thinglamtah ah that aw,” tiah an auh.
Pilat in an hnenah, “Nanmah tein hruai uhla thinglamtah ah va that uh! Kei cun a parah sualnak ka hmu lo,” tiah a ti.
7 Cule Judah mi pawl cun, “Daan kan nei ih cuih daan vek cun a thih a òul a si, ziangahtile Pathian Fapa ka si a ti,” tiah an let.
8 Cumi cu Pilat in a theih tikah a thin a phang deuhdeuh.
9 A inn sungah a vung lutsal ih Jesuh cu, “Khuiinso na rat?” tiah a sut.
Asinan Jesuh cun a sawn lo.
10 Pilat in, “I sawn lo ding maw si? Nangmah thlah theinak le thah theinak thu ka neih hi na thei maw?” tiah a ti.
11 Jesuh in, “Ka tlunih thu na neih theinak hi Pathian ih a lo pek ruangah a si. Curuangah nang hnakin na kut ih i thlengtertu pa hi a sual sawn a si,” tiah a ti.
12 Cumi cu Pilat in a theih tikah Jesuh thlah theinak lamzin kha a hawl. Asinan mipi cun, “Hi pa na thlah asile Rom Siangpahrang ih rualpi na si lo. Zokhal Siangpahrang ka si a ti awtu cu Rom Siangpahrang ih ral an si,” tiah an au ciamco.
13 Cuih òong cu Pilat in a theih tikah Jesuh cu lengah a hei suahpi ih, “Lungphah Tual,” timi hmunih thuòhentu tonak ah a to. Cuih hmun cu Hebru òong in “Gabbatha,” an ti.r 19:13 Gabbatha timi hi Aramaik òong a si ih a tican fiang tein theih a si lo. “Inn saknak tlangmual” tican a si, a titu an um.
14 Lantak Puai ding nikhat a duh ni a si ih sunlai hrawng a si. Pilat in mipi pawl cu, “Nan Siangpahrang hi zoh hnik uh!” tiah a ti.
15 Annih in, “That aw! That aw! Thinglamtah parah that aw!” tiah an au ciamco.
Pilat in, “Nan Siangpahrang hi maw thinglamtah parah ka thah ding?” tiah a sut.
Puithiam upa pawl in, “Sizar siar lo Siangpahrang dang kan nei lo,” tiah an ti.
16 Cule Pilat in Jesuh cu thah dingah an kut sungah a pek.
Cutiin Jesuh cu an fehpi.
Thinglamtah Ah Jesuh An Khen
(Mat 27:32-44; Mar 15:21-32; Luk 23:26-43)
17 A thinglamtah pu in a suak ih “Luruh Hmun,” an timi hmunah a thleng. Cuih hmun cu Hebru òong in “Golgotha,” an ti.
18 Cutawkah Jesuh cu thinglamtah ah an khen. A dang mipa pahnih tla an khen ve ih an karlak ah Jesuh cu an thlai.
19 Pilat in ca a ngan ih thinglamtah parah a taarter. Cuih ca a nganmi cu, “Nazareth mi Jesuh, Judah Siangpahrang,” ti a si.
20 Jesuh an thlainak hmun cu khuapi ihsin a hlat lo ruangah cuih ca cu mi tampi in an siar. Hebru òong,s 19:20 Hebru òong an timi hi a ngaingai ahcun Aramaik òong a si. Latin òong le Grik òong in nganmi a si.
21 Puithiam upa pawl in Pilat cu, “‘Judah Siangpahrang,’ ti si lo in ‘Judah Siangpahrang ka si, a ti,’ tiah ngan aw,” an ti.
22 Pilat in, “Ka ngan zomi cu ka ngan vekin um seh,” tiah a ti.
23 Ralkap pawl in Jesuh cu thinglamtah parih an khen òheh hnuah a hnipuan cu an lakih pakhat ciar co dingah òhenli ah an òhen. Cule zungòhit nei lo ih tahmi a korfual khal cu an lak.
24 Ralkap pawl cun, “Hi korfual cu kan thlek lo pei. Zo in a co ding ti theihnak ah camcawhfung kan zuk sawn pei,” tiah an ti. Hitiih thil a cannak cu Ca Thianghlim sungih,
“Ka hnipuan cu an òhen aw ih,
Ka kor hrangah camcawhfung
an zuk,” Ref 19:24: Saam 22:18
timi a kimnak dingah a si. Cubangtuk cekci cun ralkap pawl in an tuah.
25 Jesuh ih thinglamtah kiangah cun a nu le a nu ih naunu le Klopas nupi Mari le Mari Magdalene pawl an ding.
26 Jesuh in a nu le a duhdawtmi dungthluntu pa cutawkih an din kha a hmu ih a nu hnen ahcun, “Amah kha na fapa a si,” tiah a ti.
27 Cule a dungthluntu pa hnen ahcun, “Anih kha na nu a si,” tiah a vun ti. Cuihsin thokin dungthluntu pa in Jesuh ih nu cu a inn ah a umter.
Jesuh A Thi
(Mat 27:45-56; Mar 15:33-41; Luk 23:44-49)
28 Jesuh in ziang hmuahhmuah a kim òheh zo ti kha a thei; Ca Thianghlim sungih a ummi kimnak dingah, “Ka ti a haal,” Ref 19:28: Saam 69:21; 22:15 tiah a ti.
29 Cutawkah sabitti thur beel khat a um ih cuih sabitti thur sungah puansia an hnim ih hissopt 19:29 ‘Hissop’ timi hi thingkung a si nain a fate pawl, hrampi tia, a si ih a hnge pawl cu kual a theih ih Lantak Puai caan ih thianfaiter awknak ih an hman òheumi a si. fung zimah òem cih tahrat in Jesuh cu a kaa ah an hun hnih.Ref 19.29 Saam 69:21;
30 Jesuh in cuih sabitti thur cu a tep ih, “A kim òheh zo,” a ti.
Cule a lu a kuun ih a thaw a cem.
Jesuh Ih Hnak An Sun
31 Cule Judah mi hotu pawl cu Pilat hnenah an feh ih thinglamtah parih an thahmi pawl ih ke khiak dingah le an ruak pawl la dingah an va dil. An dil ni cu Tlawngkai Ninga a si, ziangruangah an dil tile an thahmi ruak pawl cu Sabbath ni ah thinglamtah parih an thlai awk hrih ding kha an duh lo; cuih Sabbath cu a thianghlim cemi ni a si fawn.
32 Curuangah ralkap pawl an va feh ih Jesuh thawn hmunkhat ih an thahmi pakhat pa ih ke an khiak ih cuih hnuah a pahnihnak pa ih ke khal an khiak.
33 Asinan Jesuh hnen an thlen tikah a thi ngah zo ti kha an hmu ih anih cu a ke an khiak lo.
34 Ralkap pakhat in Jesuh ih hnak kha a feipi in a hun sun ih hmakhat teah thi le tidai a suak.
35 Cuih thil a hmutu pa amah rori in a òongmi a si ih nan zum theinak dingah a si. A simmi hi a dikmi a si ih amah khalin thudik ka sim a si, ti hi a thei.
36 Hitiih thil a cannak cu Ca Thianghlim sungah, “A ruh pakhatte hman an khiak lo ding,” Ref 19:36: Suah 12:46; Mipum 9:12; Saam 34:20 tiih a ummi kha a kimnak dingah a si.
37 Cule Ca Thianghlim hmundang ah , “An sunmi kha an zoh ding,” Ref 19:37: Zek 12:10; Thup 1:7 ti tla in a um.
Jesuh An Phum
(Mat 27:57-61; Mar 15:42-47; Luk 23:50-56)
38 Cuih hnuah Arimathea khuami Josef in Jesuh ruak lak dingah Pilat hnenah a va dil. Josef cu Jesuh dungthluntu pakhat asinain Judah hotu pawl kha a òih ruangah a thup tein a rak thlun vivo. Pilat in Jesuh ruak kha na la thei, a ti ruangah Josef cun a va lak.
39 Jesuh tong dingah zan ih a rak feh dahtu Nikodemas khal Josef hnenah a feh ve ih zihmui pawng zakhat tluk, mura zihmui le cing thling rawimi kha a keng.Ref 19.39 Joh 3:1-2;
40 An pahnih in Jesuh ruak kha an lak ih Judah pawl ih mithi phum daan vekin zihmui thawn puan raang nem tein an tuam.
41 Jesuh an thahnak hmunah cun hmuan pakhat a um ih cuih hmuan sungah cun zohman an phum dah hrih lonak thlan thar pakhat a um.
42 Sabbath ni a si zik thlang ih cuih thlan cu a naite fawn ruangah Jesuh ih ruak cu cutawkah an phum.