JOHAN
(John)
Nganmi Thuthangòha
Thuhmaihruai
Johan ih nganmi Thuthangòha in Jesuh cu kumkhua in a ummi Pathian ih Thu a si, tiin a sim ih, “Cuih Thu cu minung ah a cang ih kan hnenah a um,” a ti. Hi cabu ih a sim vekin, Johan ih Thuthangòha in, Jesuh cu tiamkam cia mi Runtu, Pathian Fapa a si kha an zum theinak dingah le amah an zumnak thawngin nunnak an ngah theinak dingah nganmi a si (20:31.)
Thuhmaihruai ah Jesuh cu Pathian ih kumkhua a nungmi Thu a si, ti a langter hnuah hi Thuthangòha a hmaisa lam òhen in a langtermi cu: Jesuh cu Pathian Fapa a si ih tiamkam cia mi Runtu a sinak kha hmuhsaknak a tuahmi pawl ihsin a langter. Cuih hnuah hmuhsaknak a tuahmi pawl cu a thusimnak le zirhnak in a sullam a fianter. Hitawk zawn ah mi òhenkhat cun Jesuh an zum ih amah ih dungthluntu an cannak le a dang òhenkhat cun an engtai ih an zum duh lonak kha a ngan a si. Bung 13 ihsin 17 tiang ahhin Jesuh le a dungthluntu pawl cu an kaih zan ah a thuk zetmi pawlkomnak an neihnak le amah an thah hlanih thazang peknak òongkam a sim haimi pawl an si. A netnak lamah Jesuh an kaihnak le a thu an relnak, an thahnak le a thawhsalnak, le a dungthluntu pawl hnenih a langnak thu tla a ngan.
Bung 8:1-11 sungih a ummi òaangòawm sualnak ruangih an kaihmi nu thuanthu hi Kutngan cabu òhenkhat sungah cun a um lo nain a dang òhenkhat sungih a um ruangah (kulhte) sungih an retnak a si.
Johan in a simsan bikmi cu: Khrih thawngin kumkhua nunnak a um ih cumi cu Pathian laksawng a si, ti le cuih kumkhua nunnak laksawng cu Jesuh Khrih cu lamzin le thutak le nunnak a si, tiih a ringtu pawl hrangah cun atu ihsin an nei zo, timi hi a si. Johan Thuthangòha ih a hleicetnak cu: Leitlun thil menmen, zokhal ih kan hman theimi tidai, sang, tleunak, tuu le tuukhal, sabit hri le a rah pawl hi thlarau lam thudik hmuhtu ah an cang, tiah a nganmi hi a si.
1
Nunnak Thu
1 A hramthokah Thu a rak um. Cuih Thu cu Pathian thawn a um ih Pathian a si.
2 A hramthok ihsin cuih Thu cu Pathian thawn a um zo.
3 Amah sung ihsin Pathian in ziang hmuahhmuah a semsuah; semsuahmi thil hmuahhmuah sungah hin amah tel lo ih tuahmi pakhatte hman a um lo.
4 Cuih Thu cu nunnak ih hram a si ih cuih nunnak cun minung hnenah tleunak a run thlen.
5 Tleunak cu khawthim sungah a tleu ih thimnak in a hmit thei dah lo.
6 Pathian in a palai Johan a thlah ih,Ref 1.6 Mat 3:1; Mar 1:4; Luk 3:1-2;
7 Johan cu mi hnenah cuih tleunak thu sim dingin a ra. A simmi hmuahhmuah in an theih ih an zumnak dingah a ra a si.
8 Anih cu tleunak a si lo; tleunak thu sim dingah a rami a si sawn.
9 Cuih tleunak cu tleunak taktak a si. Cuih tleunak cu leitlun ah a ra ih mi hmuahhmuah tlettu a si.
10 Cuih Thu cu leitlun ahhin a um ih amah sung ihsin Pathian in leilung hi a tuah nain leilung in amah cu a thei lo.
11 A ram sungah a ra nain a minung pawl in an rak sang lo.
12 Mi òhenkhat cun an sang ih an zum; curuangah Pathian ih faate cantheinak thu a pek.
13 Pathian ih faate an cannak cu leilung daan, minung ih thi le sa in hrinmi in a si lo; Pathian amah rori kha an Pa a si.
14 Cuih Thu cu minung ah a cang ih kan lakah a um; zangfahnak le thutak in a khat. A sunlawinak kan hmu ih a Pa in a fapa neihsun hnenih a pekmi sunlawinak a si.
15 Johan in cupa ih thu cu hitiin a sim: “‘Amah cu ka hnuah a ra; asinain kei hnakin a tum sawn, ziangahtile amah cu ka suah hlanah a rak um zo,’ tiih ka lo simmi kha amah ih thu hi a si,” tiah a ti.
16 A famkim zetmi a zangfahnak thawn kannih cu in thluasuah zo ih a thluasuah cu pakhat hnu pakhat in pek a si.
17 Pathian ih Daan cu Moses hnen ihsin in pek; asinain zangfahnak le thutak cu Jesuh Khrih sung ihsin a ra.
18 Zohman in Pathian cu an hmu dah lo. A Pa ih Fapa neihsun, a òaang sungih a pommi, Pathian a simi in a langter zo a si.
Baptisma Petu Johan Simmi Thu
(Mat 3:1-12; Mar 1:1-18; Luk 3:1-18)
19 Jerusalem ih Judah hotu pawl in puithiam òhenkhat pawl le Levi mi pawl kha Johan hnen ahcun an thlah ih, “Nang hi zoso na si?” tiah an va sut.
20 Johan cun an thusuhmi cu pheh lo tein a let ih, “Kei hi Messiah ka si lo,” tiah fiang tein zapi theih ah a sim.
21 Annih in, “Asile zoso na si? Elijah na si maw?” tiah an sut.
Johan in, “Ka si lo,” a ti.
Annih in, “Profet na si maw?” an ti lala.
“Ka si lo,” a ti thotho.
22 Annih in, “Cuti asile zoso na si, in sim hnik. Na thu lehmi cu in thlahtu hnenah kan va simsal a òul. Zo ka si, tiin so na ti awk?” tiah an sut.
23 Johan in Profet Isaiah ih simmi kha a vun lak ih, “Kei cu ‘ Bawipa ih fehnak lamzin kha dingter uh,’ tiih ramòhingih a au-mi aw kha ka si,” Ref 1:23: Isa 40:3; tiah a ti.
24 Farasi pawl ih an thlahmi palai pawl cun,
25 Johan cu thu an sutsal ih, “Messiah na si lo ih Elijah le Profet khal na si lo ahcun ziangahso baptisma na pek?” tiah an ti.
26 Johan in, “Kei cun tidai in baptisma ka pek, asinain nan lakah nan theih hrih lomi mi pakhat a um.
27 Amah cu ka dungah a ra lai; sikhalsehla kei cu a kedam hri phoihtu hmanah ka tlak lo,” tiah a ti.
28 Hitiih an suh awknak hmun cu Johan in baptisma a peknak Jordan tiva ihsin nisuah lamih a ummi Bethania Bethani timi hi Jordan ihsin nisuah lam ih um a si. Khuitawk zawn ah ticu fiang tein theih a si nawn lo. Jerusalem kiangih um Bethani thawn cun a dang ih Jordan ihsin nitlak lam um a si. khua ah a si.
Pathian Tuufa
29 A thai sun ah Johan in Jesuh a hnenih a rat lai kha a hmu ih, “Leilung sualnak a phurtu Pathian Tuufa khi zoh hnik uh!
30 ‘Ka dungin mi pakhat a ra, asinain kei hnakin a tum sawn, ziangahtile ka suah hlanah anih cu a rak um zo,’ tiih a thuhla ka sim rero zo mipa cu amah hi a si.
31 Amah hi zo a si ding ti ka rak thei lo. Asinan amah hi Israel mi pawl ih an theihnak dingah tidai in baptisma ka pek rero sannak a si,” tiah a ti.
32 Johan in, “Thlarau cu vancung ihsin thuro bangin a rung ih a parah a rung fut kha ka hmu.
33 Amah teu a si tihi ka rak thei thotho cuang lo, sikhalsehla tidai in baptisma pe dingih i thlahtu Pathian in ‘Thlarau a rung dingih mi pakhat parih a fut kha na hmu ding; cupa cu Thlarau Thianghlim in baptisma petu ding a si,’ tiah i sim.
34 Cupa cu ka hmu ngah zo. Fiang tein ka lo sim: Amah cu Pathian Fapa a si,” tiah a hmuhmi le a theihmi kha a sim.
Jesuh Dungthluntu Hmaisabik Pawl
35 A thai sun ah Johan le a dungthluntu pahnih cu cutawkah an dingsal ih,
36 Jesuh a rat kha an hmuh tikah, “Pathian Tuufa khi zoh hnik uh,” tiah Johan in a ti.
37 Cutiih a timi cu a dungthluntu pahnih cun an thei ih Jesuh hnen ahcun an feh ve.
38 Jesuh cu a dunglet a her ih an rak thlun kha a hmuh tikah, “Ziangso nan hawl?” tiah a sut.
Annih in, “Rabbi, khuiahso na um?” tiah an let. Rabbi ticu zirhtu Sayapa tinak a si.
39 Jesuh in, “Ra uhla ra zoh hnik uh,” tiah a ti. Cuih tikcu cu zanlam nazi pali hrawng a si. An feh ih a umnak cu an va hmu ih cuih ni cu a hnenah an cam ta.
40 Cuih mi pahnih lakah pakhat cu Simon Piter ih naupa Andru a si.
41 Hmakhat teah a upa Simon kha a va hawl ih a hmuh tikah, “Messiah cu kan hmu zo,” tiah a ti. Messiah timi cu Khrih tinak a si.
42 Cule Simon cu Jesuh hnenah a fehpi.
Jesuh in amah cu a zoh ih, “Na hmin cu Johan fapa Simon a si; sikhalsehla Sefas tiah kawh na si thlang ding,” a ti. Sefas ticu Piter ti thawn a bang aw ih a tican cu ‘lungto,’ tinak a si.b Lungto: ti cu Grik òong in ‘petra’ an ti ih Aramaik òong in ‘kepha’ an ti. Cumi cu siar tikah Grik aw suakin ‘Sefas’ ti a si.
Jesuh In Filip Le Nathanael A Ko
43 A thai sun ah Jesuh cu Galilee feh a tum. Filip kha a hmu ih a hnenah, “I thlun aw,” tiah a ti.
44 Filip cu Andru le Piter umnak Bethsaida khua mi a si.
45 Filip in Nathanael a tong ih a hnenah, “Moses in Daan cabu sungah a thuhla a nganmi le profet pawl khalin a thuhla an ngan mipa kha kan tong zo. Amah cu Josef fapa Jesuh, Nazareth khuami a si,” tiah a ti.
46 Nathanael in, “Nazareth khua in thil òha a suak thei pei maw?” tiah a ti.
Filip in, “Ra zoh hnik awla!” tiah a ti.
47 Jesuh in Nathanael a rat kha a hmuh tikah, “Israel mi taktak hi zoh hnik uh! A thinlung ah zianghman hrokhrawlnak a um lo,” tiah a ti.
48 Nathanael in, “Ziangtinso i theih?” tiah a sut.
Jesuh in, “Filip ih a lo kawh hlan theipi kung hnuai ih na to lai ahkhan ka lo hmu zo,” tiah a ti.
49 Nathanael in, “Sayapa, nang cu Pathian Fapa na si! Israel Siangpahrang na si!” tiah a ti.
50 Jesuh in, “Theipi kung hnuai ih na to lai ka lo hmu, ka ti ruangah i zum a si maw? Hi hnakih thil maksak tampi na hmu lai ding!” tiah a ti.
51 Cule an hnenah, “Thungai in ka lo sim: Vancung khi a ong aw dingih Milai Fapa parah hin Pathian ih vancungmi an òum le an kai kha nan hmu ding,” tiah a ti.Ref 1.51 Sem 28:12;