2
Kana Khua Ih Nupi Òhit Puai
1 Ni hnih hnuah Galilee peng Kana khua ah nupi òhit puai a um. Jesuh ih nu khal cunah a um ih,
2 Jesuh le a dungthluntu pawl kha an sawm ve.
3 An sabitti a cem tikah a nu in Jesuh hnenah, “Sabitti an nei nawn lo,” tiah a ra sim.
4 Cutikah Jesuh in, “Ka nu, i sim duh hlah; ka tikcu a kim hrih lo,” tiah a ti.
5 A nu cun hnenum pawl hnenah, “A lo simmi poh tuah uh,” tiah a ti.
6 Cutawkah Judah daan ih a um vekin an kut kholhnak hrangah tidai ralca beel tumpi beel ruk an ret. Beel khat in galanc 2:6 Galan pakhat in tidai lang ruk tluk a dawl. kul ihsin sawmthum tiang a dawl thei.
7 Jesuh in hnenum pawl hnen ahcun, “Hi beel pawl hi tidai khat tein than uh,” a ti. Liam thluahthlo in an than ih,
8 an hnen ahcun, “Beel sung tidai cu vun suak uhla puaituahnak a tawlreltu pa hnenah hei pek uh,” tiah a ti. Tidai cu an hei pek.
9 Cuih tidai cu sabitti ah a cang ih cumi cu a tep. Khuitawkin cuih sabitti cu a ra ti a thei lo; tidai a suaktu hnenum pawl cun an thei ko. Curuangah nupi òhitu pa cu a ko ih,
10 a hnen ahcun, “Zozo khalin sabitti thaw bik kha a hmaisabik ah an pe òheu ih mi tampi an khawh deuh hnuah sabitti menmen kha an pe òheu; asinain nang cun sabitti thaw bik kha a netnak tiang na pe thei,” tiah a ti.
11 Jesuh in hi mangbangza hmaisabik hi Galilee peng Kana khua ah a tuah. Cuticun a sunlawinak a langter ih a dungthluntu pawl in an zum.
12 Cuih hnuah Jesuh le a nu, a naule pawl le a dungthluntu pawl cu Kapernaum khua ah an feh ih cutawkah ni malte sung an cam.Ref 2.12 Mat 4:13;
Biakinn Ah Jesuh A Feh
(Mat 21:12-13; Mar 11:15-17; Luk 19:45-46)
13 Lantak Puai tikcu a kim zik thlang ih Jesuh cu Jerusalem ah a feh.
14 Biakinn a thlen tikah cutawkih caw le tuu le laileng pawl a zuartu le tangka a thlengtu pawl an cabuai ih an to kha a hmu.
15 Curuangah hri kha vuaknak fung ai ah a merh ih, tuu siseh, caw siseh, an zuarmi pawl cu a vuak ih Biakinn sung ihsin a dawi òheh; tangka thlengtu pawl ih cabuai pawl khal a linglet òheh ih an tangkanawi pawl a thehdarh òheh.
16 Laileng a zuartu pawl cu, “Hitawk ihsin nan laileng pawl kha tlanpi òheh uh! Ka Pa ih inn cu nan dawr tuahnak ah hmang nawn hlah uh!” tiah thu a pek.
17 Cutikah a dungthluntu pawl in, “Maw Pathian, na inn ka tlaihsannak cu ka lung sungah meisa bangin a alh,” tiah Ca Thianghlim ih a rak timi kha an vun mangsal. Ref 2:17: Saam 69:9;
18 Judah mi hotu pawl cu an rasal ih, “Hibangtuk thil tuah theinak thu ka nei, ti na langternak ah ziang hmuhsaknak so in hmuh ding?” tiah an sut.
19 Jesuh in, “Hi Biakinn hi bal uhla ni thum sungah ka saksal thei ding,” tiah a ti.Ref 2.19 Mat 26:61, 27:40; Mar 14:58, 15:29;
20 Annih in, “Ni thum sungah na saksal thei ngai pei maw? Hi Biakinn saknak ahhin kum sawmli le kum ruk a rei a si,” tiah an ti.
21 Sikhalsehla Jesuh ih a sim duhmi Biakinn cu amah ih taksa ruangpi kha a si.
22 Curuangah Jesuh thihnak ihsin a thawhsal tikah a dungthluntu pawl in amah ih taksa ruangpi thu a sim ti kha an theisal ih Ca Thianghlim simmi le Jesuh simmi kha an zum.
Jesuh In Minung Si zia A Thei Òheh
23 Jesuh cu Lantak Puai sung Jerusalem khuasung ih a um lai ah mi tampi in mangbangza a tuahmi an hmuh ruangah amah kha an zum.
24 Asinan Jesuh cun a thinlung zate in a zum hai lo, ziangahtile minung cu ziangvek an si, ti kha a thei òheh.
25 An thuhla cu midang ih sim a òul lo, ziangahtile an thinlung ziangvek a si, ti cu amah in a thei òheh a si.