24
Jesuh Thawhsalnak
(Mat 28:1-10; Mar 16:1-8; Joh 20:1-10)
1 Nipi ni zingthlapit ah nunau pawl cu an timtuah cia mi rimhmui pawl kengin thlan ah an feh.
2 Thlankhar lung phengpi a rak òhawn aw zo kha an hmu;
3 cu hrangah an vung lut, asinain Bawipa Jesuh ih ruak cu an hmu lo.
4 An mang a bang ih an ding; culaifang ah hmakhat teah hnipuan tleu zet hrukin mi pahnih an kiangah an rung ding.
5 An òih ngaingai ih leilung ah an bok; cutikah mi pahnih cun, “Ziangahso a thimi lakah a nungmi cu nan hawl?
6 Hinah a um nawn lo; a thosal zo. Galilee ih a um lai ah nan hnenih a simmi kha nan ciing lo maw?Ref 24.6 Mat 16:21, 17:22-23, 20:18-19; Mar 8:31, 9:31, 10:33-34; Luk 9:22, 18:31-33;
7 ‘Milai Fapa hi misual pawl kut sungah pek a si ding; thinglamtah parah an khen dingih ni thum hnuah a thosal ding,’ a ti kha!” tiah an ti.
8 Cule nunau pawl cun a òong kha an vun mangsal ih,
9 thlan ihsin an kir hnuah dungthluntu hleikhat le midang pawl hnenah an sim.
10 Nunau pawl cu Mari Magdalene, Joanna le Jeim ih nu Mari tla an si. Anmah le nunau dang an hnenih a telmi pawl in a dungthluntu pawl kha an sim.
11 Sikhalsehla a dungthluntu pawl cun nunau pawl ih simmi cu thulolak ah an ruat ih an zum lo.
12 Asinan Piter cu a pok ih thlaan ahcun a va tlan. Kuun tahrat in a vun bih ih ruak tuamnak puan neemte lawng a hmu; a dang zianghman a hmu lo. Cule cutiih a cangmi cu a mangbang zet in inn ah a tlungsal.
Emmaus Khua Ah A Feh
(Mar 16:12-13)
13 Cuih ni thotho ah Jesuh a rak thluntu mi pahnih cu Jerusalem ihsin peng sarih hrawng a hlami Emmaus timi khua ah an feh.
14 Cule tubaite ih thil a cangmi pawl cu an ruah aw vivo.
15 Cutiin an òong ih an relkhawm rero lai ahcun Jesuh amah rori in a hun fuuk hai ih an feh tlang.
16 Amah cu an hmu nain an theithiam lo.
17 Jesuh in an hnenah, “Nan feh phahah ziang thu so nan rel rero?” tiah a sut.
Cule an riahsia mithmai thawn an ding.
18 Pakhat pa, Kleopas an timi pa in, “Jerusalem khua a ra tlawngtu mi hmuahhmuah lakah nangmah lawng hi maw tuih ni hnihthum sungah Jerusalem khuasung ih thil a cangmi pawl a thei lotu hi na si?” tiah a ti.
19 Anih in, “Ziang thil maw?” tiah a sut.
Annih in, “Nazareth Jesuh parih thil a cangmi pawl!” tiah an let. “Himi pa cu Pathian hmai le misenpi hmaiah zozo khalin profet a si ih a òongmi ah siseh, a tuahmi ah siseh, huham a nei ngaingai tiih an ruah òhehmi a si.
20 Kan puithiam upa pawl le in hotu pawl in a thihnak rel dingah mi kut ah an pek ih cuticun thinglamtah parah an that.
21 Cule amah cu Israel mi tlentu a si ding, tiah ruahsannak kan rak neih zetmi a si. Cuih tlunah cubangtuk thil a can hnu tuih ni hi a ni thumnak ni a si.
22 Kan lakih nunau òhenkhat in kan mang in bangter fawn; tuih zing zingthlapit ah thlaan ah an va feh;
23 asinain a ruak an va hmu lo. An rakir ih ‘Vancungmi kan hmu ih Anih cu a nungsal zo, tiah in sim,’ tiah an ti.
24 Kan lakih mi òhenkhat thlaan ah an va feh ve ih nunau pawl sim vek cekci in an va hmu ve; asinain amah cu an hmu thotho lo,” tiah an ti.
25 Cule Jesuh cun an hnenah, “Nannih hi nan va aa so! Profet pawl ih an rak sim cia mi nan va zum har lawmmam so!
26 Messiah hrangah hi thil pawl hmuahhmuah hi a tuarta òheh hnuah a sunlawinak sungih luh ding cu a òul lo maw si?” tiah a ti.
27 Cule Jesuh in Ca Thianghlim sung Moses cauk pawl ihsin thokin profet pawl ih nganmi tiang, amah ih thu an ngannak hmuahhmuah kha an hnenah a simfiang.
28 An feh tumnak khua an thlen zik zawng ah Jesuh cu a feh hrih ding vekin a um awter.
29 Asinan annih in, “Kan hnenah riak ve ko aw! Khua a tlai zo ih a thim thlang fawn,” tiah an kai. Curuangah an hnen riak dingin a thlun.
30 An hnen ahcun a to ih rawl an hil tlang. Sang a lak ih thla a cam hnuah a phel ih a zem hai.
31 Cutikah an mit a hung vang ih Amah a si kha an theithiam; asinain an mithmuh ah a hlosal.
32 Anmah le anmah cu, “Lamzin kan feh tlang lai ih kan hnenih a òong le Ca Thianghlim a simfiang rero lai ahkhan kan sungah meisa kang vekin a um tho lo maw kha?” tiah an ti aw.
33 Hmakhat teah Jerusalem ah an kirsal ih dungthlun hleikhat le a dang pawl an rak tonkhawm lai kha an va hmu ih,
34 “ Bawipa cu a thosal taktak a si! Simon hnenah a lang!” tiih an rak sim awk rero kha an thei.
35 Annih pahnih khalin lamzin ih thil a cangmi thu le sang a phel zawng ih Bawipa a si, ti an theihthiamnak thu pawl kha an sim ve.
Dungthlun Pawl Hnenah Jesuh A Lang
(Mat 28:16-20; Mar 16:14-18; Joh 20:19-23; Tirh 1:6-8)
36 An pahnih in lamzin ih thil a cangmi pawl thu kha dungthluntu hnenih an rel rero lai ah hmakhat teah an lakah Bawipa cu a rung dingih, “Nan hnenah daihnak um seh,” tiah a ti.
37 Mithla kan hmu tiah an ruat ih an òih ngaingai.
38 Asinan anih in, “Ziangahso nan thin a phan? Ziangahso nan thinlung sungah rinhmainak a um ciamco?
39 Ka kut le ka ke tla hi zoh hnik uh! Keimah sokhaw ka si! I tham uhla nan thei ding; ziangahtile mithla cun ruh le titsa a nei lo, kei cu ka nei ti in hmu a si!” tiah a ti.
40 Cutiin a sim ih a kut le a ke tla cu a hmuh hai.
41 An zum thei thotho lo; an lung a awi tuk ih an mang tla a bang tuk fawn. Curuangah anmah cu, “Hinah ei òha ziangtal nan nei maw?” tiah a sut.
42 Annih in nga pumkhat suan cia an pek ih,
43 a lak ih an hmuh hnganah cun a ei.
44 Cule an hnen ahcun, “Nan hnen ka um lai ah ka sim reromi cu hi thil pawl hi sokhaw an si: Moses Daan cabu sung, profet pawl ih nganmi cabu sung le Saam cabu sungih keimah ih thu an rak nganmi pawl cu a kim òheh a òul a si,” tiah a ti.
45 Cun an thinlung mit a vangter ih Ca Thianghlim ih simmi kha an thei thei.
46 An hnenah, “An nganmi cu hihi a si: Messiah cu a tuar pei ih a thih hnu ni thumnak ah a thosal ding.
47 Cule Jerusalem ihsin thokin miphun hmuahhmuah hnenah amah hmin ih sualsirnak le sual ngaidamnak thuthang cu phuan a si ding.
48 Nannih cu hi thil cangmi pawl ih thutheitu nan si.
49 Cule ka Pa ih a lo tiam cia mi kha keimah rori in nan parah ka run thlah ding. Asinan tlunlam ihsin huham nan hnenih a rung thlen hlan lo khuapi sungin nan hngak pei,” tiah a ti.Ref 24.49 Tirh 1:4;
Jesuh Vancung Ah A Kai
(Mat 16:19-20; Tirh 1:9-11)
50 Cun khuapi ihsin a hruai suak hai ih Bethani khua tiang an feh. Cutawkah a ban a pharh ih thluasuah a pe hai.Ref 24.50-51 Tirh 1:9-11;
51 Cutiih thluasuahnak a pek lai ah an hnen ihsin a suak ih vancung ah a kai.
52 Amah cu an biak ih lungawi zet in Jerusalem ah an kir.
53 An tikcu hmuahhmuah cu Biakinn sungah Pathian thangòhatnak ah an hmang.