27
Job in a pehsal:
1-2 Ziangkimtithei Pathian,
ding thluk lairelnak i coter lotu le,
ninghang in i tuahtu a nungmi
Pathian hmin saal in thu ka kam:
3 Pathian in nunnak thaw i pekmi
ka neih sungah cun,
Pathian ih i pekmi ka hnar ih
ka thawt sungah cun,
4 Ka hmur in òongsia a suak lo dingih,
Ka lei in thuphan a per lo ding.
5 Nannih nan dik tiah ka ti dah lo ding;
Mawhnak ka nei lo tiah
ka thih ni tiangin ka òang ding.
6 Thudik ih ka dinnak cu
ka thlah thei dah lo ding;
Ka lung a thiang; ka thinlung in
‘Ka mawh ngai’ a ti dah lo ding.
7 Keimah i raltu le i dotu pawl cu
miòha lo le miding lo vekin
hrem si hai seh.
8 Pathian a thei lotu pawl in
ziang ruahsannak so an neih ding!
Pathian in an nunnak a cemter
tikcu caan ahcun?
9 Harsatnak an ton ih an au tikah,
Pathian in an aunak a thei ding maw?
10 Ziangkimtithei Pathian ah
an lung a awi pei maw?
A hnenah thla an cam ringring
11 Pathian huham a mak zia cu
ka lo sim hai ding;
Ziangkimtithei Pathian ih tumtahmi cu
ka lo theihter hai ding.
12 Sikhalsehla nanmah rori in
nan hmu fingfing zo;
Curuangah ziangahso hivek
thulolak nan òong rero?
[Zofar]m 27:12 Zofar: ih òongmi a si, tiah zumnak an um.
13 Ziangkimtithei Pathian in
miòha lo, thisen suah òih lo pawl
a hrem hai zia cu hivek in a si:
14 Fapa tampi an neih hmanah
ralah an thi òheh ding;
An faate pawl in rawl khopkham
ei ding an nei dah lo ding.
15 A nungsun hnihkhat cu
natnak in an thi thotho ding,
An nupi pawl hman in
an òah hai lo ding.
16 Miòha lo pawl in
ngun siar cawk lo an nei ding;
Hnipuan tla vuun liailiai in,
an òulmi hnakih tam an nei ding.
17 Sikhalsehla miòha hrekkhat in
cuih hnipuan cu an hruk ding,
Mifel hrekkhat in
an ngun cu an co ding.
18 Miòha lo pawl ih sakmi
inn cu a hnget lo;
Maimom innraang vek le,
lo kiltu sal pawl ih sakmi
deute vek a si.
19 Caan khat sung cu lian zet in
an it dingih,
An hung òhang tikah an lennak cu
a rak cem òheh ti an hmu ding.
20 Rinlo tilik vekin
tuksumnak in a tlak ding;
Zan thli hrang in a semhlo ding.
21 Nisuahnak lam thlisia in
an inn ihsin a semhlo hai ding.
22 Luat an tum rero lai hmanah,
zangfah nei lo in a nuai hai ding.
23 An tlan phah ah thlisia cun
a hran vivo ih,
Òihnung zet in a nuai hai a si.