28
Fimnak Thupit Zia
1 Ngun an laihnak khur a um;
Sui an thianternak hmun a um.
2 Milai in thir cu leilung sungin an lai,
Dar cu lungto sungin an titter.
3 Milai cu a thuk bik
thimnak hmun tiang an thleng;
Leilung sung a thuknak ah an lut,
thimnak sungah lungto an hawl.
4 Milai umnak ihsin a hlat zet ah
milai ke ih pal dah lonak hmunah
lungmankhung an lai leikua sungah;
Cutawkah anmah lawng hna an òuan,
khur sungah hri in an thlai aw.
5 Leilung parah thlairawl a kho;
Asinan cuih leilung sung cu
meisa kang vekin an ling an so ih
an let aw hluahhlo.
6 Leilung ih lungto sungah
mepian lungmankhung a um;
A leivut lakah sui an hmu.
7 Cuih khur sung fehnak lamzin cu
khaupi in a thei lo;
Langta hman a tlunah a zam dah lo.
8 Kiosa siseh, sahrang dang siseh,
cuih lamzin cu an zawh dah lo.
9 Milai in a hak bikmi lungto an lai;
Tlang hman a hram in an lailet òheh.
10 Lungto lakih kua an laih tikah
Lungto mankhung an hmu.
11 Tiva hna tla an hmusuak ih
Leilung sungih thuhmi thil
an phorh suak.
12 Asinan fimnak cu khuiahso
ton a theih ding?
Theihthiamnak cu khuiahso
13 Fimnak taktak cu minung umnak
hi leilung ahhin a um lo;
A man ngaingai cu
zohman in an thei lo.
14 A thuukmi tifinriat le
tipithuanthum in,
‘Hinah fimnak a um lo,’ an ti.
15 Fimnak cu sui in lei a theih lo;
ngun khalin lei a theih lo.
16 Sui òha bik le
lungmankhung pawl khalin
a man an tluk lo.
17 A man cu sui hnakin a tam sawn;
sui kheng le thlalang òha bik
man hnakin a tam sawn.
18 Fimnak man ngaingai cu
lungvar mankhung,
lungsen mankhung le
lung sendup mankhung
man hnakin a tam sawn.
19 A òha bikmi lung aihre mankhung le
sui òha bik thawn khalin
fimnak cu òhim theih ding a si lo.
20 Khuiahso fimnak hram cu a si?
Khuiahso theihthiamnak cu a um?
21 Leitlun ih a nungmi minung le
ramsa in an hmu dah lo;
Van ih a zammi vate khalin
an hmu dah lo.
22 Thihnak le siatsuahnak hman in,
“A thluathlam ih relmi lawng
23 Pathian lawngin lamzin a thei;
Amah lawngin fimnak lamzin le
a hmun cu a thei.
24 Ziangahtile amah in
leilung deng tiang a hmu ih,
Vanrang hnuai thil hmuahhmuah khal
a hmu òheh a si.
25 Pathian in thli cu hmual a neihter ih,
tifinriat hrangin ramri
a rak tuah tikah,
26 Ruah a surnak ding hmun
a ruat cia ih,
Khuari le òektla hrang lamzin
a rak sial tikah,
27 Culai ah Pathian in fimnak cu
a hmu ih man a neih zia a hniksak.
Cule a lungkim in a hngetter.
28 Pathian in milai hnenah,
“Fimnak neih nan duh asile
Pathian òihzah uh;
Theihthiamnak neih nan duh asile
a òha lomi hrial uh,” a ti.Ref 28:28 Saam 111:10; Thuf 1:7; 9:10;