26
Job in hitiin a sawn:
1-2 Ka hrangah ziangtluk
bawmtu òha so na si!
Mifarah, miòawnòai kei hi!
3 Ruahnak òha zetmi na pe thei,
Kei vek mi-aa na fimnak
na hlawm duh hi!
4 Hizat na òong hi zo in so
ngai cawkseh na ti?
Hivek òong dingah zoso a lo fial?
[Bildad]l Bildad ih òongmi a si, tiah zumnak an um.
5 Mithi pawl ih thlarau cu an khur,
Leilung hnuai ih tidai sungah.
6 Mithi khua Sheol cu
Pathian hmaiah a lang òheh;
Hlohralnak hmun cu phentu
ziang hman a nei lo.
7 Pathian in saklam van cu a pharh;
Van thlahawmpi sungah
leilung cu a thlai.
8 Mero sungah tidai a ret;
Tidai a rit zet nain a pah lo,
Pathian in a kham.
9 Thlapi cu mero phen ah a thup;
A hmai hmuahhmuah a khuhter òheh.
10 Tipithuanthum parah rikham a rin ih
cutiin tleunak cu thimnak in a òhen.
11 Van hun dotu òhuam pawl an hnin,
A hro hai tikah an thin a phang ih
òihnak thawn an khur ciamco.
12 A thazang cakin tifinriat a neh;
A thiamnak in rulhreng Rahab a that.
13 A thaw thawt in van a faiter ih,
A kut in rulpi a tlanmi cu a that.
14 Asinan hi pawl cu
a cahnak zimte lawng an si;
Kan theihmi hi cu a thlizil fang a si;
Pathian a maksak zia taktak cu
zoso a thei thei ding?