2
Satan In Job A Hniksaksal
1 Bawipa ih hmaiah vanmi pawl an ra khawm ni a thlengsal ih Satan khal cu an hnenah a tel ve lala.
2 Cutikah Bawipa in, “Khui in so na rat?” tiah a sut.
Satan in, “Leilung pumpuluk suk le so ka vahnak in ka ra,” tiah a let.
3 Bawipa in, “Ka siahhlawh Job khi na hmu maw? Leitlun ah amah bangtuk miòha le rinsan tlak zohman an um lo. Keimah i bia ih thil òha lo zianghman a tuah lo. Zianghman thuhla um lo in Job cu, ‘Ka siatsuah ding,’ na tiih i leem ruangah ka lo lungkimpi; asinain Job cu a hlan vek thotho in rin tlak in a nung a si,” tiah a ti.
4 Satan in, “Zovek milai khal sisehla amah ih nunnak hnak cun a neihmi hmuahhmuah a hnong sawn ding a si.
5 A taksa khi vun tuahmawh ngaingai cila hmaiton rori ah a lo cam mai ding,” tiah a sawn.
6 Curuangah Bawipa in, “Na tivek cun si ko seh. Na kut sungah a um a si. Asinan amah cu na that lo pei,” tiah Satan kha a ti.
7 Satan cu Bawipa ih umnak ihsin a feh ih Job ih taksa pumpuluk ah, a luzim ihsin a kezik tiang, hmasia a suahter ciamco.
8 Cutikah Job cu a feh ih vutcam lakah to tahrat in a hma cu hlamphei thawn a kheuh.
9 A nupi in a hnenah, “A hlan vek thotho in rinsan tlak in na um lai hrih maw si? Ziangahso Pathian cu cam tahrat in na thih sawn lo!” tiah a ti.
10 Cutikah Job in, “Nunau aa vekin na òong a si cu! Pathian in thilòha in pek tikah kan lung a awi. Harsatnak kan hnenih a thlenter tikah ziangahso kan phunzai rero ding?” tiah a ti. Hibangtuk in a tuar nain Job cun Pathian parah òongsia kam khat hman a òong lo.
Job Ih Rualpi Pawl An Ra
11 Job ih rualpi pathum cu Temane 2:11 Teman khua cu Palestine ram ihsin thlanglam nisuahnak lamih a ummi Edom ram ih khuapi a si. khua in Elifas, Shuah f 2:11 Shuah ram cu Zufrates Tivapi kiang ram a si. ram in Bildad le Naamahg 2:11 Naamah ram cu khuitawkah a um ti theih a si lo. ram ih Zofar an si. Job ih zonzaih retheih tuarnak kha an theih tikah a hnenah va leng in riahsiatpi ding le hnem dingah an feh.
12 Hla nawn ih an hei hmuh tikah Job cu an theithiam lo. Job a si, ti an theih ngah tikah cun riahsia ninghang in an òap an raak ih hnipuan thlek in leivut kha van ah an khirh ih an lu tla ah an theh aw.
13 Cule leilung parah ni sarih le zansarih sung an to ih a tuar natsat zia an hmuh ruangah zohman kaa khat hman an òong lo.