3
Pathian Parah Job A Phunzai
1 Job cu dai tein a um thei nawn lo ih a suah ni kha siat a serh ciamco:
Job
2-3 “Ka suah ni cu siatserh siseh, ;
‘Fapate a suak,’ an ti zan khal!
4 Ka suah ni cu thimnak ni ah cang seh;
Cuih ni cu Pathian in
ciing nawn hlah seh;
Cuih ni ah tleunak khal
tlang hlah seh.
5 Riahsiat ni le a pit zetmi
thimnak ni ah cang seh;
Khawdur in tuam sehla van ih
ni khal khi phiat thluh seh.
6 Cuih zan cu kum siarnak sungah
telh lo in hnawtfai sisehla,
Ziangtik hmanah siar cih
si nawn hlah seh;
7 Zianghman a sem lo zan,
zan òhahnem lo le lungawinak um lo
zan ah tuah siseh, .
8 Cuih ni camtu dingah
polsia pawl sim sehla,
Tipi sungih ramsa Leviathan
thu a pe theitu polsia pawl cu!
9 Zing arsi deirel tlang hlah seh;
Khawfing a cat ding, tiih
beiseinak zianghman um hlah seh.
10 Cuih zan cu siatserh siseh,
ka suah zan a si ruangah;
Zonzaih retheihnak tong lo dingih
11 Ka nu ih pum sungah
rak thi ningla ka va duh so!
Asilole ka suah thlak ve tein
rak thita ningla ka va duh so!
12 Ziangahso ka nu in
a cawn parah i cawi?
Ziangahso a pawhte tla i fawh?
13 Cunah rak thi ningla atu ahcun
ka cawldai zo ding nain,
14 Khuahlan khuapi rop
a dinsuah saltu,
Daite ih a itmi siangpahrang le
uktu bawi pawl bangin.
15 An inn sungah sui le ngun
khat ko ih a khawltu,
Siangpahrang bangtukin le,
16 thi cia ih a suakmi naute bangin
ka it zo ve ding nain!
17 Thlan sungah cun miòha lo pawl
an siatnak a reh;
A bang zetmi hnaòuantu pawl
colhnak an ngah.
18 Thawngtla pawl hman
dai tein an um thei;
Kawk le auhnak in an luat.
19 Cutawkah milian, mifarah an kim;
Sal pawl tla an luat a si.Ref 3:1-19 Jer 20:14-18;
20 Ziangahso zonzaih harsatnak
a tuartu pawl an nun ringring?
Ziangahso riahsiatu pawl hnenah
tleunak a thlen?
21 Thih ding lawng an hngak,
Asinan thihnak a ra thleng dah lo.
Ziangvek thil mankhung hawl hnakin
thlan thlen an duh sawn.Ref 3:21 Thup 9:6;
22 An thih ih phum an si hlan cu
an lung a awi dah lo;
23 An hmailam thu cu
Pathian in a thuh sak;
An kimvel in hauhruang in
a kulh òheh fawn.
24 Ka òahnak cu ka ti rawl an si;
Ka aihramnak cu reh ti a nei lo.
25 Ka ngam lomi le
ka òih thlohthlo mi hmuahhmuah
a zate in ka tuar thluh zo.
26 Hnangamnak ka nei lo,
colh ni ka nei lo;
Ka zonzaihnak a reh dah fawn lo.