JOB
Thuhmaihruai
Job cabu hi miòhapa pakhat harsatnak nasa zet ih a tuarnak thu a si. A faate, a neihsiah a sumsaw pawl in an hlohsan thluh ih natnak fihnungza in a tlun. Cumi cu Job le a rualpi pawl in himi thil umdan hi ziangtin an hmu ve ti kha himi cangantupa hin hla fiing thum (hla fiing burpipi in bur thum) in a sim. A netabik ah milai thawn pawlkom awk a thupittertu Amah Pathian khal Job hnenah a lang.
Job ih rualpi pawl cun Job ih tuarnak kha an pupa biaknak zum daan in a sullam an sim. Anmah ih tidan ahcun Pathian hin miòha cu laksawng a pe ih miòha lo cu a hrem òheu ruangah atu Job ih tuarnak hi a sual ruangah a si, an ti. Asinan Job hrangah cun hibangtuk ruahnak cu a puan tuk. Zianghrangah tile Job cu miòha ngaingai a rak si fawn ih an tidan vek a si ahcun hremnak sawn si lo in laksawng co ding a si sawn. Asinan a comi cu hremnak nasa zet a si fawn. Amah bangtuk milai parah Pathian in òhat lonak hibangtuk a thlenter mi hi a tican a thei thei hrimhrim lo. Curuangah ralòha zet in Pathian a mawhthluk ve rero. Job cun a zumnak a hlohter hrimhrim lo. Asinan Pathian hmaiah thiam comi a sinak langter a duh ih miòha sinak ruangih hminòhatnak kha ngahsal a duh.
Pathian in Job ih thusuhnak kha a let lo. Asinan ziang hmuahhmuah tuah theitu a sinak le ziang hmuahhmuah thei thluhtu a sinak kha Job hnenah a theihter ih cumi cun Job ih hna a ngamter. Cutikah tangdornak thawn Job cun Pathian ih fimnak le maksaknak kha a hun mang ih a òongka hrang le a thinhennak pawl a sir awsal.
Job cu a neta lamah a hlanih a dinhmun keelte ah a thleng kirsal ih a hlan hnak hman in a neihmi a tam sawn. Job ih tuarnak kha a rualpi pawl in a tican an theihthiam lo ruangah Pathian in a mawhthluk. An pupa biaknak ih rak langternak hnakin Pathian hi a maksak sawn ti kha Job lawngin a tep ngah.
1
Job Le A Innsang
1 Uza Uz timi ram hi khuitawkah a um ti theih a si lo. an timi ram ah mi pakhat a rak um ih a hmin cu Job a si. Job cu Pathian betu le a rinsan zettu a si. Amah cu miòha zet a si ih thil òha lo zianghman tuah a duh lo.
2 Fapa pasarih le fanu pathum a nei ih tlunah,
3 tuu thawngsarih, kalauk thawngthum, caw thawngkhat le laak zanga a nei. Hnenum tampi tla a nei ih Nisuahnak lam hmuahhmuah ah milian bik a si.
4 A fapa pawl cun a haha tein rawl ei puai an tuah òheu ih hmunkhat ah rawl an ei khawm òheu; an farnu pawl tla an sawm òheu.
5 An puai a cem tikah a thaizing zingpit ah Job cu a tho ih a faate pawl thianfaiternak ah thawinak a pek òheu. Tumtah hrimnak um lo in Pathian an hmuhsuam dingih an sual pang ding ti a phan ruangah cuticun a tuah ringring a si.
Pathian Le Satan Biakawknak
6 Bawipa ih hmaiah vanmi pawl an ra suah ni a thlen tikah Satanb Satan: ti cu milai dodaltu tican a si. khal cu an hnenah a tel ve.Ref 1:6 Sem 6:2;
7 Cutikah Bawipa in, “Khuilam in so na rat?” tiah Satan cu a sut.
Satan in, “Leilung pumpuluk, suk le so ka vahnak in ka ra,” tiah a ti.
8 Bawipa in, “Ka siahhlawh Job khi na hmu maw? Leilung pumpuluk ah amah bangtuk miòha le rinsan tlak zohman an um lo. Keimah i bia ih thil òha lo zianghman a tuah lo,” tiah a ti.
9 Cutikah Satan in, “Zianghman ngah hlah sehla a lo bia duh lem pei maw?
10 Amah siseh, a innsang siseh, a neihmi hmuahhmuah tiangin na humhim ih na kilkhawi. Thil a tuahmi hmuahhmuah parah mal na sawm ih rannung na pekmi pawl an tam tuk ih an ram ah a khat òheh a si.
11 A neihmi hmuahhmuah khi lak sak òheh cila na hmaika rori ah a lo cam mai ding,” tiah a ti.Ref 1:9-11 Thup 12:10;
12 Bawipa in Satan hnenah, “Na ti bangtuk cun si seh. A neihmi hmuahhmuah na kut sungah a um. Amah Job lawngte na siatsuah lo pei,” tiah a ti. Cule Satan cu a feh.
Satan In Job A Hniksak
13 Veikhat ah Job ih faate pawl cu an upa bik pa ih inn ah rawl ei khawmnak puai an tuah laifangah,
14 mi pakhat cu Job hnenah a ra tlan ih, “Caw thawn lei kan let rero ih laak pawl cu kan kiangkap ah hrampi an piat rero lai ah,
15 rinlopi in Sabeanc Sabean mi pawl cu mi vakvai, damiah rukru phun an si ih thlanglam ram ih a ummi an si. mi pawl in, in ra siim ih kan rannung hmuahhmuah in long òheh. Keimah siar lo na hnenum hmuahhmuah an that òheh. Keimah lawng hi zualkotu ah ka tlan man a si,” tiah Job cu a ra sim.
16 Cupa ih òong a cem hlanah hnenum dang pakhat a ra thleng ih “Òeek in na tuurual le na tuukhal pawl a tlak ih an zate in an thi òheh. Keimah lawng hi zualkotu ah ka tlan man a si,” tiah Job cu a ra ti.
17 A òong hman a cem hlanah hnenum dang pakhat a ra tlan lala ih, “Khaldeand Khaldean mi pawl cu culai ah mi vakvai, damiah rukru phun an si ih saklam ram ih a ummi an si. mi damiah rual bu thum in, in siim ih kalauk hmuahhmuah an lak thluh ih tlunah keimah siar lo na hnenum dang hmuahhmuah an that òheh. Keimah lawng hi zualkotu ah ka tlan man a si,” a ti.
18 A òong hman a cem hlanah, hnenum dang pakhat a ra lala ih, “Na fanu le na fapa pawl cu na fapa upa bik inn ih rawl ei puai an tuah laifangah,
19 nelrawn ihsin thlisia a ra hrangih an inn a nuaithluk ih a sung um minung hmuahhmuah an thi òheh. Keimah lawng hi zualkotu ah ka tlan man a si,” tiah Job cu a ti.
20 Cutikah Job cu a tho ih riahsia in a hnipuan a thlek òheh. A sam a metkolh òheh ih leilung ah bok tahrat in,
21 “Lawngfangkheh in ka suak ih lawngfangkheh in ka thi ding. Bawipa in i pek ih atu ah a laksal. A hmin thangòhat si ko seh,” tiah a ti.
22 A hnenah hibangtuk thil a thleng nain Job cun Pathian a mawhthluk lo ih Pathian hmaiah a sual lo.