14
1 Nunau sung suak milai hmuahhmuah,
an nun a tawi ih zonzaih an tuar.
2 Pangpar bangin an òhang ih
an ziamsal;
Phenthlam bangin an hloralta,
Rei an awh lo.
3 Pathian, na mitsir hman in
i zoh duh ding maw?
Ka thu òhen dingah na hmaiah
i suahpi ngai ding maw?
4 A thiang lomi milai sung ihsin
a thiangmi a suak thei ding maw?
A suak thei dah lo ding.
5 A nun ding kum zat cu
khiah cia a si ih,
A thla zat tla ruah cia in a um.
Na lairel cia mi an si ih thleng
theih an si nawn lo.
6 Hmundang hoisan awla
amah lawng tanta mai aw;
A nunnak harsatnak ni cu
a nuampi thei tawkin nompi seh.
7 Hau cia mi thingkung hrang hmanah
ruahsannak a um;
A cerh dingih a nungsal ding,
A hram note a òhang vivo ding.
8 A hram pawl an tar ih,
a bul cu leilung ah rop hmansehla,
9 Tidai a ngah cun a cerh dingih
thing note bangin a khosal ding.
10 Asinan milai a thih ahcun
a cem thla a si.
A thih hnu khuiahso a um?
11 A car mi tiva bangin le
a kang mi tipi bangin,
12 Minung a thih cun a tho nawn lo,
Van hmuah a hlohral òheh hlan lo
an òhangsal nawn lo ding;
An ihnak ihsin an tho nawn lo ding.
13 Mithi khua Sheol ah
i thup cila ka va duh so;
Na thinheng a reh hlan lo i thup aw.
Cule nangmah in a tikcu khiak awla,
i theihsalnak caan ret aw.
14 Milai a thih cun
a nungsal thei ding maw?
Asinan tikcu òha ka hngak ding,
Atu ih harsatnak caan a liam tiang
ka hngak ding.
15 Cutikah i ko dingih kei in
ka lo awi ding,
Na kut ih sersiammi keimah in
ka parih na lungawinak ka hmu ding.
16 Ka ke kar cu na zoh hliah ding,
Asinan ka sualnak cu
na zingzoi rero lo ding.
17 Ka mawhnak cu i ngaidam dingih
a tompi in na hlon hlo ding;
Òhat lonak ka tuahmi hmuahhmuah
na hnawtfai òheh ding a si.
18 Tlang pawl an cim òhehnak tikcu
a thleng ding,
Lungto tumpi pawl tla
phong òheh an si ding.
19 Tidai in lungto a ei òheh,
Lihong in leilung a fehpi òheh;
Cuvekin milai ih nunsung ruahsannak
hmuahhmuah an feh hlo òheh a si.
20 Milai cu kumkhua daih in
na neh ih an hloral òheh;
A thih tikah a hmel na thleng ih
na dawihlo.
21 A fapa pawl in hminòhatnak an ngah,
Asinan a thei nawn lo;
An hmin a siat tik khalah
a thei cuang lo.
22 A taksa ruangpi a nat lawng a thei,
A thinlung harsatnak lawng a tuar.