13
1-2 Nan òongmi hmuahhmuah cu
ka mit ih ka hmuh cia mi le
ka hna ih ka theih cia hlir an si.
Ka theihthiam lomi a um lo.
Nanmah theih zat poh ka thei ko.
Nanmah hnakin ka nau cuang lo.
3 Asinan nannih thawn
thu kan el aw lo;
Ziangkimtithei,
Pathian thawn kan el aw a si.
Ka thu cu Pathian thawn
el awk ka duh.
4 Nan thutheih lo zia hi
thuphan in nan khuh;
Zohman a damter thei lotu
sibawi vek nan si.
5 Òong lo tein um sawn uhla,
Mi in mifim ah an lo ruat ding.
6 Ka òongmi ngai hrih uhla
ka thu fehdan ruat hnik uh.
7 Ziangahso thuphan hlir nan rel?
Nan thuphan hi Pathian hrangah
a òhahnem ding nan ti maw si?
8 Pathian nan òan tum ngai maw si?
Thuòhennak hmunah a lam òangin
in el tum maw?
9 Pathian in lo zingzoi ngai sehla
Thil òha pakhatte tal
na parah a hmu ding maw?
Milai nan bum thei vekin
Pathian bum thei nan tum maw si?
10 A thup teih mi thleidannak
nan neih a si ahcun,
Amah in a lo phuang dingih
nun a lo sim ding.
11 A huham in a lo phangter ih,
A òih nunnak na tlunah
a tla lo ding maw?
12 Nan òongòhimnak pawl cu
vutcam vek an si;
Nan thu-el thiamnak pawl cu
tlak vek lawng an si.
13 Dai tein rak um hrih uh,
ka òong ve ding;
A piannaknak ah piang seh!
14 Òihphannak hmun ka thleng,
Ka nunnak ka ui nawn lo.
15 Beiseinak ka nei nawn lo,
Pathian in i that leh ko ding;
Sikhalsehla ka thuhla cu a hnenah,
a hmai rori ah ka thlenpi ding.
16 Ka ralòhatnak hin
i hum thei men ding,
Ziangahtile miòha lo in
Pathian an tong ngam dah kel lo.
17 Ka simfiangnak òong hi ngai uh,
Ka thusimmi hi nan hna ah lut seh.
18 Ka thuhla cu ka ngaihtuah kim zo,
Thiam in coter ding,
ziangahtile ka thu a dik a si,
19 Maw Pathian, ra tahrat in
sual i puh ngaingai ding maw?
Cutiin asile kei cu daiziar in
ka um dingih ka thi sawn ding.
20 Thil pahnih lo dil duhmi ka nei;
Na lungkim awla na hnen ihsin
ka relh lo ding.
21 I hremnak cu bang thlang awla,
Na òihnunnak in
ka thin i phangter nawn hlah.
22 Maw Pathian,
nang òong hmaisa awla
ka lo let ding.
Culole kei ka òong hmaisa dingih
i let aw.
23 Ka mawhnak le daan ka buarnak
ziangzatso an si?
Ka sualnak le ka tlaksamnak pawl
24 Ziangruangah so na hmai na thuh?
Ziangruangah so ral vekih i zoh?
25 A thinphang seh i ti maw si?
Kei cu zianghman ka si ual lo,
Hnahrawp ka si ko lo maw?
Fangkungro pakhat
26 A mawi lo zetmi sualnak tla
i puh ciamco,
Ka no lai ih ka rak tuahmi
thil sual pawl tla.
27 Thir cikcin in ka ke na òem;
Ka ke kar na zoh hliah ih
Ka keneh tiangin na zingzoi òheh.Ref 13:27 Job 33:11;
28 Curuangah thingrop bangin
ka tlu ih,
A muatmi hnipuan bangin ka zam òheh.