15
Biakson Awk A Veihnihnak
(Job 15:1-21:34)
Elifas in hitiin a ti:
1-2 Job, na òongmi hi
thulolak lawnglawng a si.
Nisuah ihsin a rami
thli bangtuk lawng a si.
3 Na òong vekin mifim zohman
an òong lo ding;
Tican nei lo òong cun zohman in
anmah òannak ah an hmang lo ding.
4 Pathian òihzah lo dingin
mi thapetu na si,
A hnenih thlacam duh lo dingin
na tuah hai a si.
5 Na òhat lonak in na hmur a zirh;
Na hrilmi cu depdetnak lei a si.
6 Kei ih lo hnon a òul lo;
Na òongkam in sual a lo puh ih
7 A suak hmaisabikmi ah
na ruat aw maw si?
Pathian in tlang pawl a siam lai ah
na rak um zo maw si?
8 Pathian ih tumtahnak
na rak thei cia maw si?
Milai fimnak hi nangmah lawng ih
neih ah maw na ruat?
9 Na theihmi hi kan theih lomi
zianghman a um lo.
Na theihthiammi kan theihthiam lomi
ziangso a um?
10 Kan fimnak hi òuakpar cia upa,
na pa hnakih upa sawn hnen ihsin
11 Pathian in hlemnak thu a lo ruah,
Hmurka neemte òong hi na hrangah
zianghman a òangkai lo maw?
Ziangahso na pom duh thotho lo?
12 Na ti hlehle ih na thinheng in
in zoh ciamco.
13 Pathian parah na ning a hang ih
a thang na siat ciamco.
Na hmur in òongsia a suak ciamco.
14 A thianghlim milai
an um thei ngai ding maw?
Pathian hmaiah miding
an um ngai pei maw?
15 Pathian in a vancungmi hman
a zum lo ih,
a hmaiah anmah hman an thiang lo.
16 A borhbah mi milai,
felnak zianghman nei lo,
Tidai in vekih siatnak lawng
a intu milai cu ziangtlukin so
a thianghlim lo sinsin ding?Ref 15:16 Job 25:4-6;
17 Curuangah Job,
ka theih vemi hi ngai hnik!
Ka hmuhmi na hnenah
ka phuang ding.
18 Mifim pawl in an pale hnen ihsin
an zirmi fimnak thutak in zirh,
An thuhmi zianghman a um lo.
19 An ram sungah ramdangmi
zohman an rak um lo ih,
Pathian hnenin a hruaisualtu ding
milai zohman an um lo a si.
20 Miòha lo le misual in
a nunsung hmuahhmuah ah
harsatnak a tong.
Zangfah nei lo hrangah hremnak cu
retsak cia in a um.
21 Òihphannak aw cu a hna sungah
cat lo in a thang.
Ka him a si, a ti laifangah
rukru in an ram.
22 Thimnak sungin luat thei dingah
ruahsannak a nei lo,
Khuitawk hmun in simaw
ralnam in a rak hngak.
23 A ruaksa ei dingah
langta pawl in an thlir.
Ka hmailam cu a thimzet, ti a thei.
24 A cak zetmi siangpahrang in
mi a do bangin,
Siatsuahnak in do dingah
25 Ziangkimtithei a dodaltu le,
Pathian hnenih a kuttum a hawi rerotu
milai ih nunnak lamzin cu
cubangtuk in a si.
26-27 Mi puarthau le mi luhlul in,
Thinlung ruhzet in a ralphaw cu
a khai ih Pathian do dingah
hmaiah a nor ciamco.
28 Khua tampi a nehtu le innram pawl
a luahtu cu amah a si.
Asinan raldonak a um tikah cun
cuih khua le inn pawl cu
a siat òheh ding.
29 Kum rei a lian lo ding,
A neihmi pawl rei an awh lo ding,
A phenthlam tiang in a hlo ding.
30 Thimnak sungin a luat lo ding;
A hnge meisa in a kang òhehmi,
A par thlisia in a nuai òhehmi
thingkung bangtuk a si ding.
31 A at hrat ih siatnak lawng
a rinsan ahcun,
a comi cu siatnak lawng a si ding.
32 A tikcu a kim hlanah a vuai ding,
Thinghnge bangin a ro dingih
a hringsal nawn lo ding.
33 A hmin hlanih a rah a òil òhehmi
Sabit kuang vek a si ding,
A par a òilmi Olif kung vek a si ding.
34 Pathian thei lo pawl cun
tesinfa an nei lo ding,
Nawhthuh tangka in an sakmi inn cu
meisa in a kang òheh ding.
35 Annih cu mi siatsuah a tumtu le
òhatlonak a tuahtu an si;
An thinlung cu
mi bumnak lawngin a khat.